શરૂઆતી સંમતિ એ સતત જાતીય શોષણ માટેનું લાઇસન્સ નથી, જાણો બોમ્બે હાઈકોર્ટે પુખ્ત વયના સંબંધો અંગે શું કહ્યું ?

બળાત્કારના મામલામાં બોમ્બે હાઈકોર્ટે બે પુખ્ત વયના લોકો વચ્ચેના સહમતિથી સંબંધને લઈને મહત્વની ટિપ્પણી કરી છે. કોર્ટે કહ્યું છે કે આવા કિસ્સામાં પ્રારંભિક સંમતિ વ્યક્તિને શારીરિક, માનસિક અને જાતીય શોષણ ચાલુ રાખવાનું લાયસન્સ આપતી નથી. એક પોલીસ કર્મચારીની આગોતરા જામીન અરજી ફગાવી દેતા કોર્ટે આ ટિપ્પણી કરી છે.

પીડિતાના હિત અને તપાસને જોખમમાં નાખવા સમાન: બોમ્બે કોર્ટ

જસ્ટિસ એન. જે. જમાદારે કહ્યું છે કે જ્યારે સંબંધોમાં તિરાડ પડે છે ત્યારે આરોપો ઝડપથી ફેલાઈ જાય છે, પરંતુ હાલના કેસની હકીકતોને જોતાં આરોપીને જામીન આપવા એ પીડિતાના હિત અને તપાસને જોખમમાં નાખવા સમાન છે. પ્રાથમિક દૃષ્ટિએ, આક્ષેપો સંબંધિત સામગ્રી વિશ્વસનીય જણાય છે, તેથી આરોપીઓને રાહત આપવાની સત્તાનો ઉપયોગ કરી શકાતો નથી.

આરોપીની હરકતોથી તેના ઘરમાં ઝઘડો શરૂ થયો હતો

પોલીસ વિભાગમાં નોકરી કરતી પીડિતાએ આરોપીઓની ધમકીઓથી કંટાળીને પોલીસમાં ફરિયાદ નોંધાવી હતી. આરોપી વિરુદ્ધ FIR નોંધવામાં આવી હતી. આરોપીની હરકતોથી તેના ઘરમાં ઝઘડો શરૂ થયો હતો.

Web Stories View more

વારંવાર આવે છે ગુસ્સો તો શરીરમાં આ ચીજની હોઈ શકે ઉણપ

હિટલરની રહસ્યમય ગર્લફ્રેન્ડ કોણ હતી ?

કેમેરા સામે પતિ સૂરજ સાથે રોમેન્ટિક થઈ મૌની રોય, જુઓ ફોટો

સારાને છોડી આ અભિનેત્રી સાથે લંડનમાં ફરી રહ્યો છે ગિલ

આઈપીએલ ઓક્શનમાં આ વિકેટકીપર્સ પર લાગી છે ઊંચી બોલી

વડાપ્રધાન નરેન્દ્ર મોદીના ફોનની કિંમત છે કેટલી, એક તસવીરે જ દર્શાવી દીધુ

તેનું સતત યૌન શોષણ કરતો હતો

આરોપીએ તેણીને ડ્રગ્સ અને ગોળીઓ આપીને તેનું યૌન શોષણ કર્યું હતું. છૂટાછેડા નહીં આપે તો પતિને જાનથી મારી નાખવાની ધમકી આપી હતી. વાંધાજનક વીડિયો અને ફોટા વાયરલ કરવાની ધમકી આપીને તેનું સતત યૌન શોષણ કરતો હતો.

‘આરોપી સામે પૂરતી સામગ્રી’

સરકારી વકીલે કહ્યું કે આ કેસને લગ્નેતર સંબંધના પરિપ્રેક્ષ્યથી જોઈ શકાય નહીં. આરોપીઓ દ્વારા હિંસક આચરણ અને ધમકીભર્યા વર્તનને લગતી પૂરતી સામગ્રી છે. તેણે ધમકી આપવા માટે હાથમાં બંદૂક સાથે વીડિયો મોકલ્યો હતો.

બંને વચ્ચેનો સંબંધ શરૂઆતથી જ સહમતિનો

આ કેસમાં આરોપીનું પ્રતિનિધિત્વ કરતા વકીલે કહ્યું કે આરોપી અને પીડિતા પરિણીત છે. આ બળાત્કાર નથી, પરંતુ બે પુખ્ત વયના લોકો વચ્ચેના લગ્નેતર સંબંધનો મામલો છે. બંને પોલીસ વિભાગમાં છે. બંને વચ્ચેનો સંબંધ શરૂઆતથી જ સહમતિનો હતો.

આ પણ વાંચો: છગન ભુજબળ બનવા માંગે છે મુખ્યમંત્રી, મનોજ જરાંગે પાટીલનો મોટો દાવો

મહારાષ્ટ્રના તમામ સમાચાર વાંચવા માટે અહીં ક્લિક કરો