Petrol Diesel Price: પહેલા કિંમત વધી અને હવે ઈંધણની સપ્લાય ઓછી, મહારાષ્ટ્રના ખાનગી પેટ્રોલ પંપ થયા બંધ 

મંગળવારે નાગપુરમાં પેટ્રોલ પંપ માલિકો અને સપ્લાયર કંપનીઓના અધિકારીઓ વચ્ચે યોજાયેલી બેઠકમાં સપ્લાયર કંપનીઓ પાસેથી સમસ્યાના ઉકેલ માટે 24 કલાકનો સમય માંગવામાં આવ્યો હતો. કંપનીઓએ બલ્ક ગ્રાહકો માટે ઈંધણના દરમાં વધારો કર્યો હતો. ડીઝલના ભાવમાં 25 રૂપિયાનો વધારો થયો છે. તેની સરખામણીમાં રિટેલ ગ્રાહકો માટે ઈંધણના દરમાં વધારો કરવામાં આવ્યો નથી.

અમરાવતીમાં 30-35, સમગ્ર મહારાષ્ટ્રમાં 600 થી વધુ ખાનગી પેટ્રોલ પંપ બંધ

અમરાવતી જિલ્લામાં 30 થી 35 જેટલા ખાનગી પેટ્રોલ પંપ બંધ છે. સમગ્ર રાજ્યની વાત કરીએ તો આ સંખ્યા 600થી વધુ છે. આ પેટ્રોલ પંપના માલિકો પાસે ઇંધણનો પુરવઠો સારો રહે, તેથી ઇંધણ સપ્લાયર કંપનીઓને એડવાન્સ રકમ આપવામાં આવી છે. આમ છતાં ઇંધણ પુરવઠાના અભાવે તમામ ટેન્કરો અટકાવી દેવામાં આવ્યા છે. જ્યારે કેટલાક ટેન્કરો ખાલી પરત ફર્યા છે. ઈંધણનો પુરવઠો ન મળવાને કારણે પેટ્રોલની અછત સર્જાવાની શક્યતા છે.