બે રિવોલ્વર, કરોડોની FD, જાણો સંજય રાઉત પાસે કેટલી મિલકત છે, EDએ કેટલી રકમ જપ્ત કરી?
સંજય રાઉતના (Sanjay Raut) નામે બેંકમાં કરોડો રૂપિયાની ફિક્સ ડિપોઝીટ છે. પત્ની અને પોતાના નામે ફ્લેટ છે. અલીબાગમાં જમીન લેવામાં આવી છે. રાજ્યસભામાં નામાંકન ભરતી વખતે સંજય રાઉતે મિલકતોની વિગતો આપી હતી.
મુંબઈમાં (Mumbai) 1034 કરોડના જમીન કૌભાંડ કેસમાં સંજય રાઉતને (Sanjay Raut) કસ્ટડીમાં લેવામાં આવ્યા છે. રવિવારે સવારે 7 વાગ્યાથી સાડા નવ કલાક સુધી પૂછપરછ કર્યા બાદ EDએ તેને કસ્ટડીમાં લીધા હતા. સંજય રાઉત જ્યારે તેના ભાંડુપના ઘરેથી કસ્ટડીમાં લીધા બાદ મુંબઈના ફોર્ડમાં ED ઓફિસ પહોંચ્યા ત્યારે તેમણે મીડિયાને કહ્યું, આ લોકો મને અરેસ્ટ કરવા જઈ રહ્યા છે અને મારી ધરપકડ કરવામાં આવશે. આ પછી સંજય રાઉતની પ્રોપર્ટી એક વખત ફરી ચર્ચામાં આવી ગઈ છે. સંજય રાઉતના નામે બેંકમાં કરોડો રૂપિયાની ફિક્સ ડિપોઝીટ છે. પત્ની અને પોતાના નામે ફ્લેટ છે. અલીબાગમાં જમીન લેવામાં આવી છે. રાજ્યસભામાં નામાંકન ભરતી વખતે સંજય રાઉતે મિલકતોની વિગતો આપી હતી. આવી સ્થિતિમાં સંજય રાઉતની કેટલી પ્રોપર્ટી છે અને ED દ્વારા તેમની કેટલી પ્રોપર્ટી જપ્ત કરવામાં આવી છે, ચાલો જાણીએ.
લાખોની રોકડ, દાગીના અને કરોડોની એફડી
રાજ્યસભાની ઉમેદવારી માટે અરજી ભરતી વખતે સંજય રાઉતે જણાવ્યું હતું કે તેમની પાસે 1 લાખ 55 હજાર 772 રૂપિયા રોકડા છે અને બેંકમાં 1 કરોડ 93 લાખ 55 હજાર 809 રૂપિયા છે. આ ઉપરાંત તેમણે બેંકમાં 3 કરોડ 38 લાખની ફિક્સ ડિપોઝીટ હોવાની પણ કબૂલાત કરી હતી. આ સાથે સંજય રાઉતે પોતાના નામે 2004માં ખરીદેલ વાહન હોવાની વાત પણ વ્યક્ત કરી હતી. સંજય રાઉતે પત્ની વર્ષા રાઉત પાસે 729.30 ગ્રામ સોનાના ઘરેણા હોવાની કબૂલાત પણ કરી હતી. આ દાગીનાની કિંમત 39 લાખ 59 હજાર 500 રૂપિયા હોવાનું કહેવાય છે. આ ઉપરાંત તેણે 1 લાખ 30 હજારની કિંમતના 1820 ગ્રામ ચાંદીના ઘરેણા હોવાની પણ કબૂલાત કરી હતી.
સંજય રાઉત અને વર્ષા રાઉતની કમાણી
સંપત્તિ ઉપરાંત સંજય રાઉતે પોતાની કમાણીનો હિસાબ પણ આપ્યો હતો. 2020-2021માં સંજય રાઉતે 27 લાખ 99 હજાર 169 રૂપિયાની કમાણી કરી હતી. તેમણે તેની પત્ની વર્ષા રાઉતની 21 લાખ 58 હજાર 790 રૂપિયાની કમાણી બતાવી.
અલીબાગ, પાલઘર, રાયગઢ, દાદર, ભાંડુપ, આરે… ક્યાંક જમીન અને ક્યાંક ફ્લેટ
અલીબાગમાં સંજય રાઉતના નામે જમીન છે જ્યારે પાલઘરમાં વર્ષા રાઉતના નામે જમીન છે. સંજય રાઉતના નામે રાયગઢમાં બિનખેતીની જમીન પણ છે. આ જમીનોની કિંમત આશરે 2.20 કરોડ છે. સંજય રાઉત અને તેમની પત્નીના નામે દાદરમાં એક-એક ફ્લેટ છે. રાઉત પાસે ભાંડુપ અને આરે મિલ્ક કોલોનીમાં પણ ફ્લેટ છે.
EDએ સંજય રાઉતની 11 કરોડ 15 લાખ રૂપિયાની સંપત્તિ જપ્ત કરી
સંજય રાઉત પર અત્યાર સુધીની કાર્યવાહીના ભાગરૂપે EDએ અલીબાગની જમીન અને મુંબઈના દાદર ફ્લેટને જપ્ત કરી લીધો છે. થોડા દિવસો પહેલા કરવામાં આવેલી કાર્યવાહીમાં EDએ 11 કરોડ 15 લાખ 56 હજાર 573 રૂપિયાની સંપત્તિ જપ્ત કરી હતી. અલીબાગમાં 8 પ્લોટ જપ્ત કરવામાં આવ્યા છે.
