‘આજે માઈક ખેંચ્યુ કાલે પેન્ટ ખેંચીને ડાન્સ કરાવશે’, CM એકનાથ શિંદેને લઈને શિવસેનાના આ સાંસદે આપ્યુ ચોંકાવનારુ નિવેદન

‘આજે મુખ્યપ્રધાન શિંદેનું માઈક ખેંચવામાં આવ્યુ છે,કાલે તેઓ પેન્ટ ખેંચશે અને ડાન્સ કરાવશે.’ જો મહારાષ્ટ્રની આ નવી શિંદે-ફડણવીસ (Dy CM Devendra fadanvis) સરકાર છ મહિના પણ ટકે તો તેને મોટી વાત ગણો. આ નિવેદન શિવસેના (Uddhav thackeray camp)ના સાંસદ વિનાયક રાઉતે (Vinayak Raut) આપ્યું છે. આ ઉપરાંત પૂર્વ નાયબ મુખ્યમંત્રી અને વિપક્ષના નેતા અજિત પવારે પણ આ મામલે નિવેદન આપતા કહ્યું હતુ કે આવતીકાલે મને ખબર નથી કે બીજું શું ખેંચવામાં આવશે!

આવતીકાલે બીજું શું ખેંચવામાં આવશે ખબર નહીં: અજીત પવાર

CMના સંબોધનની વચ્ચે દેવેન્દ્ર ફડણવીસે એક ચિટ લખીને આપી જેના કારણે તેઓએ સંબોધનને અધવચ્ચે જ અટકાવ્યુ , જે બાદ વિપક્ષ દ્વારા શિંદે સરકાર(Shinde Govt)  પર નિશાન સાધવામાં આવી રહ્યુ છે તો બીજી તરફ નવી સરકારના મંત્રીમંડળના શપથ ગ્રહણમાં વિલંબથી આવી ચર્ચાઓ વધારવાની વધુ તકો ઊભી થઈ રહી છે.

તમને જણાવી દઈએ કે મુખ્યમંત્રી એકનાથ શિંદેની પ્રેસ કોન્ફરન્સ શરૂ થવાની હતી, ત્યારે તેમની બાજુમાં નાયબ મુખ્યમંત્રી દેવેન્દ્ર ફડણવીસ બેઠા હતા. આ દરમિયાન એક પત્રકારે મુખ્યમંત્રીને પ્રશ્ન પૂછ્યો. તે સવાલનો જવાબ મુખ્યમંત્રીએ આપવાનું શરૂ કર્યું. ત્યારબાદ નાયબ મુખ્ય પ્રધાન દેવેન્દ્ર ફડણવીસે (DYCM Devendra fadanvis) માઈકને સીધું તેમની સામે ખેંચીને તે પ્રશ્નનો જવાબ આપ્યો અને માઈકને ફરીથી CM શિંદેની (CM Eknath Shinde) સામે મૂક્યું. હવે ચર્ચા શરૂ થઈ છે કે શું મુખ્યમંત્રી બોલતા હોય ત્યારે વચ્ચેથી માઈક ખેંચી લેવું યોગ્ય છે? વિપક્ષને આ મુદ્દે હવે પ્રહાર કરવાનો મોકો મળ્યો છે.

‘આજે માઈક ખેંચ્યુ કાલે પેન્ટ ખેંચશે’

શિવસેનાના સાંસદ વિનાયક રાઉતે (Vinayak Raut) આજે કોલ્હાપુરમાં માઈક ખેંચવા અંગે શિંદે સરકારને આડે હાથ લીધી છે. તેમણે કહ્યું કે જો આ શિંદે-ફડણવીસ સરકાર છ મહિનાથી વધુ ચાલે તો તે નસીબની વાત હશે. તેણે કહ્યું ‘આજે માઈક ખેંચવામાં આવ્યુ, કાલે પેન્ટ ખેંચીને ડાન્સ કરાવવામાં આવશે. વધુમાં તેણે કહ્યું કે બળવો કરવા ગયેલા ધારાસભ્યોની રાજકીય કારકિર્દી પૂરી થઈ ગઈ છે. આ રીતે ઉદ્ધવ જૂથમાં એક તરફ સંજય રાઉત અને બીજી તરફ વિનાયક રાઉત છે. આ બંને રાઉતે સાથે મળીને શિંદે જૂથના ધારાસભ્યો પર હુમલા કરવાનું ચાલુ રાખ્યું છે.