Maharashtra : શાળાઓમાંથી દેવી સરસ્વતીનો ફોટો નહીં હટાવાય, શિંદે અને ફડણવીસે કહ્યું આવું નિવેદન કરનાર ભૂજબળ માફી માંગે

શાળાઓમાંથી(School ) દેવી સરસ્વતીની મૂર્તિઓ અને ચિત્રો (Picture ) હટાવવામાં આવશે નહીં. જેમણે આવી માંગ કરી છે અને દેવી સરસ્વતી પર વિવાદાસ્પદ (Controversial )નિવેદન કર્યું છે, તેમણે જનતાની માફી માંગવી જોઈએ. શિંદે-ફડણવીસ સરકારે ભૂતપૂર્વ કેબિનેટ પ્રધાન અને NCP નેતા છગન ભુજબલને તેમની વિવાદાસ્પદ ટિપ્પણી માટે માફી માંગવા અને પ્રાયશ્ચિત કરવા કહ્યું છે. છગન ભુજબળે એવું કહીને વિવાદ સર્જ્યો હતો કે માત્ર 3 ટકા લોકોને જ શિક્ષણ આપનાર દેવીનો ફોટો શાળાઓમાં શા માટે લગાવવો જોઈએ?

આઘાડી સરકારમાં મંત્રી રહી ચૂકેલા છગન ભુજબળના આ નિવેદન બાદ નવો વિવાદ શરૂ થયો છે. ઘણા લોકોએ ભુજબળને માફી માંગવા કહ્યું છે. બીજી તરફ, મુખ્ય પ્રધાન એકનાથ શિંદે, નાયબ મુખ્ય પ્રધાન દેવેન્દ્ર ફડણવીસે શાળાઓમાંથી સરસ્વતી દેવીનો ફોટો હટાવવાનો સ્પષ્ટ ઇનકાર કર્યો છે. ભુજબળે સરકાર પાસે સરસ્વતી દેવીનો ફોટો હટાવવાની માંગ કરી હતી.

‘શાળાઓમાંથી દેવી સરસ્વતીનો ફોટો હટાવવામાં આવશે નહીં’

ભુજબળે શાળાઓમાં દેવી સરસ્વતીને બદલે સત્યશોધક સમાજ અને મહાત્મા ફુલે, બાબાસાહેબ ભીમરાવ આંબેડકર કે ભાખરાવ પાટીલની તસવીરો લગાવવાની માંગ કરી છે. ભુજબળે કહ્યું છે કે દેવી સરસ્વતીએ અમને શીખવ્યું નથી. તો પછી આપણે તેની પૂજા શા માટે કરવી જોઈએ? ભુજબળે કહ્યું હતું કે શું કોઈએ દેવી સરસ્વતીને જોઈ છે? જો તમે જોયું જ હશે, તો દેવી સરસ્વતીએ માત્ર 3 ટકા લોકોને જ જ્ઞાન આપ્યું છે. આવી સ્થિતિમાં શાળાઓમાં દેવી સરસ્વતીનો ફોટો શા માટે લગાવવો જોઈએ? પરંતુ સીએમ શિંદે અને ડેપ્યુટી સીએમ ફડણવીસે સ્પષ્ટ કર્યું છે કે શાળાઓમાંથી સરસ્વતી દેવીની તસવીરો હટાવવામાં આવશે નહીં.

‘સરસ્વતીની મૂર્તિઓ અને ફોટા શાળાઓમાં રહેશે’ – શિંદે-ફડણવીસ

ભુજબળના વિવાદાસ્પદ નિવેદન સામે ઠેર-ઠેર વિરોધ શરૂ થયો છે. ભુજબળના નિવેદન પર સંતો-મહંતોએ પણ આક્રોશ વ્યક્ત કર્યો છે. બ્રાહ્મણ ફેડરેશનના પ્રમુખ આનંદ દવેએ પણ ભુજબળના નિવેદન સામે વાંધો વ્યક્ત કર્યો છે. ભાજપે માત્ર ભુજબળને માફી માંગવા માટે જ નહીં પરંતુ એનસીપી અને શિવસેનાને પણ આ અંગે પોતાનું વલણ સ્પષ્ટ કરવા કહ્યું છે. આ સાથે શિંદે-ફડણવીસ સરકારે એ પણ સ્પષ્ટ કર્યું છે કે શાળાઓમાં સરસ્વતી દેવીનો ફોટો હટાવવામાં આવશે નહીં.