Maharashtra Monsoon Update : હવામાન વિભાગનુ રેડ એલર્ટ, મુંબઈમાં આજે થશે મુશળધાર વરસાદ
મહારાષ્ટ્ર (Maharashtra) સહિત અનેક રાજ્યોમાં આ દિવસોમાં ભારે વરસાદ (Heavy Rain) પડી રહ્યો છે. ગુજરાત, ઉત્તરાખંડ માટે પણ એલર્ટ જાહેર કરવામાં આવ્યું છે. વહીવટીતંત્ર દ્વારા કોઈપણ કટોકટીનો સામનો કરવા માટે તૈયારી કરવામાં આવી છે.
મુંબઈમાં (Mumbai) છેલ્લા ઘણા દિવસોથી ભારે વરસાદ (Heavy Rain) પડી રહ્યો છે. ગુરુવારે પણ મોટાભાગના વિસ્તારોમાં વાદળો છવાયા હતા. સેન્ટ્રલ રેલ્વે માર્ગ પર એક પાટા પર દિવાલ ધરાશાયી થતાં લોકલ ટ્રેન સેવામાં વિલંબ થયો હતો. ભારતીય હવામાન વિભાગ (IMD) એ ગુરુવારે શહેર અને ઉપનગરોમાં ભારે વરસાદ સાથે છૂટાછવાયા સ્થળોએ ભારેથી અતિ ભારે વરસાદની આગાહી કરી હતી. એક અધિકારીએ જણાવ્યું હતું કે IMD એ 40-50 કિમી પ્રતિ કલાકની ઝડપે 60 કિમી પ્રતિ કલાકની ઝડપે પવન ફૂંકવાની સંભાવનાની આગાહી પણ કરી હતી. તે સમયે મુંબઈમાં રેલ્વે ટ્રેક પર પાણી ભરાઈ રહ્યુ ન હતું, પરંતુ દક્ષિણ મુંબઈમાં મસ્જિદ અને સેન્ડહર્સ્ટ રોડ સ્ટેશનો વચ્ચે હાર્બર લાઇનના ડાઉન (ઉત્તર તરફના) ટ્રેક પર દિવાલનો એક નાનો ભાગ તૂટી પડ્યો હતો. જેના કારણે રૂટ પર ટ્રેન વ્યવહાર પ્રભાવિત થયો હતો.
મુંબઈમાં મોડી રાતથી વરસાદ બંધ થઈ ગયો છે. ક્યાંય પાણી ભરાયા નથી. હવામાન વિભાગે આજે (8 જુલાઈ, 2022) રેડ એલર્ટ જાહેર કર્યું છે. આવી સ્થિતિમાં આજે પણ શહેરમાં ભારે વરસાદની સંભાવના છે. કુર્લા, ચેમ્બુર, સાયન, અંધેરી, બાંદ્રા જેવા વિસ્તારોમાં પાણીનો ભરાવો થયો નથી.
છેલ્લા ચાર દીવસથી સતત વરસાદથી સામાન્ય માણસને હાલાકી
તમને જણાવી દઈએ કે મુંબઈમાં છેલ્લા ચાર દિવસથી સતત વરસાદ પડી રહ્યો છે. અહીં ગત વર્ષની જેમ વરસાદમાં વાહનો પાણીમાં વહી જવાના વીડિયો પણ સામે આવ્યા છે. ભારતીય હવામાન વિભાગ (IMD) એ પણ શહેર અને ઉપનગરોમાં ભારે વરસાદની આગાહી કરી હતી. એક અધિકારીએ જણાવ્યું હતું કે આ દરમિયાન પવન પણ 60 કિમી પ્રતિ કલાકની ઝડપે ચાલી શકે છે. ટાપુ શહેર (દક્ષિણ મુંબઈ)માં છેલ્લા 24 કલાકમાં 82 મીમી વરસાદ નોંધાયો છે, જ્યારે પૂર્વ અને પશ્ચિમ ઉપનગરોમાં 109 મીમી અને 106 મીમી વરસાદ નોંધાયો છે, એમ એક અધિકારીએ જણાવ્યું હતું.
ગુજરાતમાં પણ ભારે વરસાદ
નૈઋત્યનું ચોમાસું આખા ગુજરાતને ઘમરોળી રહ્યું છે. હવામાન વિભાગની ભારે વરસાદની આગાહી વચ્ચે રાજ્યભરમાં મેઘરાજા મન મૂકીને વરસી રહ્યા છે. આખા ગુજરાતમાં 228 તાલુકામાં મેઘમહેર થઇ છે. સૌરાષ્ટ્ર-દક્ષિણ ગુજરાતમાં ધોધમાર વરસાદ વરસ્યો છે. ઉત્તર ગુજરાત, કચ્છમાં પણ સારો વરસાદ વરસ્યો છે. સૌથી વધુ વલસાડના કપરાડામાં 8 ઈંચથી વધારે વરસાદ ખાબક્યો છે. જેના પગલે રાજ્યભરમાં તાપમાનમાં ઘટાડો થયો છે અને વાતાવરણમાં ભેજનું પ્રમાણ વધ્યુ છે.
Latest News Updates
