Maharashtra Monsoon: મહારાષ્ટ્રમાં 5 થી 8 જૂન સુધી ચોમાસાની થશે શરૂઆત! આ વિસ્તારોમાં પડશે ધોધમાર વરસાદ, IMDએ આપી માહિતી
મહારાષ્ટ્રમાં (Maharashtra) રહેતા લોકોને ટૂંક સમયમાં રાહત મળવાની છે. છેલ્લા ત્રણ મહિનાથી વધી રહેલા ઉનાળાનો કહેર ટૂંક સમયમાં પૂર્ણ થવા જઈ રહ્યો છે.
મહારાષ્ટ્રમાં (Maharashtra) રહેતા લોકોને ટૂંક સમયમાં રાહત મળવાની છે. છેલ્લા ત્રણ મહિનાથી વધી રહેલા ઉનાળાનો કહેર ટૂંક સમયમાં બંધ થવા જઈ રહ્યો છે. મહારાષ્ટ્રમાં 5 જૂને ચોમાસુ દસ્તક આપવાનું છે. ભારતીય હવામાન વિભાગ (IMD)એ આ અંદાજ આપ્યો છે. દક્ષિણ પૂર્વ ચોમાસું 16મી મેના રોજ આંદામાન એટલે કે બંગાળની ખાડીમાં આવી ગયું છે. તેમજ હવામાન વિભાગે આગામી સપ્તાહના અંત સુધીમાં કેરળમાં ચોમાસું શરૂ થવાની વાત કહી છે. મહારાષ્ટ્રની વાત કરીએ તો હવે હવામાન વિભાગે આગાહી કરી છે કે 5 જૂનથી 8 જૂન વચ્ચે ચોમાસું પ્રવેશશે.
ભારતીય હવામાન વિભાગના નિષ્ણાત કે.એસ. હોસાલીકરે રાજ્યમાં ખરીફ સિઝનની સમીક્ષા કરવા માટે બોલાવેલી બેઠકમાં આ માહિતી આપી છે. આ વખતે ખરીફ પાક માટે જરૂરીયાત મુજબ વરસાદ થશે કે કેમ તે મુદ્દે બેઠકનું આયોજન કરવામાં આવ્યું હતું. સવાલો એ હતા કે, આ વખતે સમગ્ર મહારાષ્ટ્રમાં સામાન્ય કરતાં વધુ વરસાદ પડશે કે, સરેરાશ રહેશે કે ઓછો? આ સાથે કેએસ હોસાલીકરે માહિતી પણ આપી કે આખું મહારાષ્ટ્ર ચોમાસાના આગમનની રાહ જોઈ રહ્યું છે, રાજ્યમાં ક્યારે પ્રવેશ કરશે?
IMDની આગાહી, 5થી 8 જૂન વચ્ચે મહારાષ્ટ્રમાં ચોમાસુ
18 May:#SWMonsoon has further advanced into some more parts of SE BoB, entire A& N Islands,entire Andaman Sea & some more parts of EC B0B
नैऋत्य मान्सून संपूर्ण अंदमान निकोबार बेटे,संपूर्ण अंदमान समुद्र, दक्षिण-पूर्व / पूर्व-मध्य बंगालच्या उपसागराच्या आणखी काही भागात पुढे सरकला pic.twitter.com/48qa5jN9Uy
— K S Hosalikar (@Hosalikar_KS) May 18, 2022
ચોમાસું 5 જૂને કોંકણમાં પહોંચશે, આગમનની તારીખ 7-8 જૂન સુધી
આ બેઠકમાં કેએસ હોસાલિકરે આપેલી માહિતી મુજબ 5 જૂન સુધીમાં કોંકણ મહારાષ્ટ્રના દરિયાકાંઠાના વિસ્તારોની નજીક દસ્તક આપશે અને 7-8 જૂન સુધીમાં મહારાષ્ટ્રના ઘણા વિસ્તારોને આવરી લેશે. ભારતીય હવામાન વિભાગના જણાવ્યા અનુસાર, 16 મેના રોજ આંદામાનમાં પ્રવેશેલું ચોમાસું 27 મેના રોજ કેરળમાં દસ્તક આપશે.
ચોમાસું ખેડૂતોને સાથ આપશે, આ વખતે સારો વરસાદ થશે
Rainfall forecast by IMD for coming 4 weeks. Already good rainfall over southern peninsula in last couple of days. Enhancement in rainfall activity is likely over west coast in all weeks & bay picking up from from wk 2,3 onwards too. Looks promising situation for SW Monsoon. pic.twitter.com/ezf6Lx9c13
— K S Hosalikar (@Hosalikar_KS) May 19, 2022
આ વખતે મહારાષ્ટ્રના મરાઠવાડા વિસ્તાર માટે સારા સમાચાર છે, જે અવારનવાર દુષ્કાળની ઝપેટમાં આવે છે. હવામાન વિભાગે અહીં પણ સરેરાશથી વધુ વરસાદની આગાહી કરી છે. સમગ્ર મહારાષ્ટ્રની વાત કરીએ તો આ વખતે સારો વરસાદ થશે. દેશમાં લા નીના સંબંધિત સ્થિતિની પણ આગાહી કરવામાં આવી છે.