Maharashtra HSC Result 2025 : મહારાષ્ટ્ર બોર્ડનું ધોરણ-12નું પરિણામ જાહેર,91.88 ટકા વિદ્યાર્થીઓ પાસ

મહારાષ્ટ્ર બોર્ડનું 12 મું પરિણામ જાહેર થયું છે. આ વર્ષે કુલ 91.88 ટકા વિદ્યાર્થીઓ પાસ થયા છે. આ બોર્ડ પરીક્ષામાં હાજર રહેલા તમામ વિદ્યાર્થીઓ મહારાષ્ટ્ર બોર્ડની સત્તાવાર વેબસાઇટ પર પોતાનું પરિણામ ચકાસી શકે છે. આ વર્ષે ધોરણ 12 ની પરીક્ષા 11 ફેબ્રુઆરી થી 11 માર્ચ 2025 દરમિયાન યોજાઈ હતી. રાજ્યભરમાં 15 લાખથી વધુ વિદ્યાર્થીઓએ આ પરીક્ષા આપી હતી.

પ્રવાહ મુજબ પરિણામ

આ વર્ષે, મહારાષ્ટ્ર બોર્ડના 12 મા વિજ્ઞાન પ્રવાહમાં કુલ પાસ થવાની ટકાવારી 97.35 ટકા છે, જ્યારે વાણિજ્ય પ્રવાહમાં 92.38 ટકા, કલા પ્રવાહમાં 80.52 ટકા અને વ્યાવસાયિક પ્રવાહમાં 83.26 ટકા વિદ્યાર્થીઓ પાસ થયા છે. આ વખતે વિધાર્થિનીઓ પાસ થવાની ટકાવારીમાં શ્રેષ્ઠ દેખાવ કર્યો છે. વિધાર્થિનીઓ ની પાસ થવાની ટકાવારી 94.58 ટકા છે, જ્યારેવિધાર્થિઓની પાસ થવાની ટકાવારી ઘણી ઓછી છે જે ફક્ત 89.51 ટકા છે.

કોંકણ પ્રદેશ ટોપર

આ વખતે કોંકણ પ્રદેશે મહારાષ્ટ્ર બોર્ડના 12 મા ધોરણના પરિણામમાં જીત મેળવી છે. અહીં કુલ 96.74 ટકા વિદ્યાર્થીઓ પાસ થયા છે, જ્યારે મહારાષ્ટ્રના 9 વિભાગોમાં, લાતુરમાં સૌથી ઓછું 89.46 ટકા પાસ થયું છે. આ વખતે કુલ 1929 જુનિયર કોલેજોએ 100 ટકા પરિણામ પ્રાપ્ત કર્યું છે, જ્યારે 38 કોલેજો એવી છે જેનું પરિણામ શૂન્ય ટકા રહ્યું છે.

નિષ્ફળ ગયેલા લોકોએ શું કરવું જોઈએ?

જે વિદ્યાર્થીઓ મહારાષ્ટ્ર બોર્ડ 12મા ધોરણની પરીક્ષા પાસ કરી શક્યા નથી તેઓ કમ્પાર્ટમેન્ટ પરીક્ષામાં બેસી શકે છે. પરીક્ષાનું સંપૂર્ણ સમયપત્રક પછીથી જાહેર કરવામાં આવશે.

2024 પરિણામ પ્રદર્શન

ગયા વર્ષે એટલે કે 2024 માં, મહારાષ્ટ્ર HSC માં પાસ થવાની ટકાવારી 93.37 ટકા હતી. ગયા વર્ષે, વિજ્ઞાન પ્રવાહમાં 97.82 ટકા, કલા પ્રવાહમાં 84.88 ટકા અને વાણિજ્ય પ્રવાહમાં 92.18 ટકા વિદ્યાર્થીઓ પાસ થયા હતા.