Maharashtra: કેન્દ્ર પછી મહારાષ્ટ્ર સરકારે પણ કર્મચારીઓને ભેટ આપી, મોંઘવારી ભથ્થામાં 3 ટકાનો કર્યો વધારો

કેન્દ્ર સરકારના કર્મચારીઓને આજની જાહેરાતથી 34 ટકા મોંઘવારી ભથ્થું મળશે, તો મહારાષ્ટ્ર સરકારની જાહેરાત બાદ રાજ્યના કર્મચારીઓને 31 ટકા ડીએ મળશે. આ નિર્ણયથી રાજ્યના લગભગ 17 લાખ કર્મચારીઓને ફાયદો થશે.

Maharashtra Government DA Hike (Symbolic Image)

TV9 Gujarati | Edited By: Nidhi Bhatt | Updated on: Mar 30, 2022 | 10:03 PM

કેન્દ્રની મોદી સરકાર (PM Modi Government) દ્વારા તેના કર્મચારીઓના મોંઘવારી ભથ્થામાં વધારો કરવાના નિર્ણય બાદ તરત જ મહારાષ્ટ્ર સરકારે પણ તેના કર્મચારીઓના મોંઘવારી ભથ્થામાં વધારો કર્યો છે. રાજ્ય સરકારે કર્મચારીઓના ડીએમાં (Dearness Allowance DA) 3 ટકાનો વધારો કર્યો છે. આ ત્રણ ટકાના વધારા બાદ હવે કર્મચારીઓનું મોંઘવારી ભથ્થું વધીને 31 ટકા થઈ ગયું છે. આ DA જુલાઈ 1, 2021 થી લાગુ માનવામાં આવશે. આજે (30 માર્ચ, બુધવાર) મળેલી કેન્દ્રીય કેબિનેટની બેઠકમાં કેન્દ્ર સરકારે કેન્દ્ર સરકારના કર્મચારીઓના મોંઘવારી ભથ્થામાં ત્રણ ટકાનો વધારો કરવાનો નિર્ણય લીધો હતો. થોડા કલાકો પછી, મહારાષ્ટ્રની મહા વિકાસ અઘાડી સરકારે પણ તેના કર્મચારીઓના મોંઘવારી ભથ્થામાં વધારો કર્યો.

રાજ્યની મહા વિકાસ આઘાડી સરકારના આ નિર્ણયથી રાજ્યના લગભગ 17 લાખ કર્મચારીઓને ફાયદો થશે. જ્યાં કેન્દ્ર સરકારના કર્મચારીઓને આજની જાહેરાતથી 34 ટકા મોંઘવારી ભથ્થું મળશે, મહારાષ્ટ્ર સરકારની જાહેરાત બાદ રાજ્યના કર્મચારીઓને 31 ટકા ડીએ મળશે.

માર્ચના પગારમાં, વધેલુ ડીએ જુલાઈ 2021 થી એકસાથે મળશે

રાજ્ય વહીવટીતંત્રના નાણા વિભાગ દ્વારા જાહેર કરાયેલા આ નિર્ણય અનુસાર, 1 જુલાઈ, 2021 થી રાજ્ય સરકારના કર્મચારીઓના પગારમાં DAમાં 3 ટકાનો વધારો કરવામાં આવ્યો છે. આ વધેલી રકમ માર્ચ 2022ના પગારમાં એકસાથે આવશે. મહારાષ્ટ્ર સરકારના નાણા વિભાગે આજે બે મોંઘવારી ભથ્થા સંબંધિત સરકારી નિર્ણય જાહેર કર્યો છે.

જેમાં જુલાઈથી સપ્ટેમ્બર સુધીની ત્રણ મહિનાની બાકી રકમ આપવામાં આવી છે અને મોંઘવારી ભથ્થામાં 3 ટકાનો વધારો કરીને 31 ટકા કરવામાં આવ્યો છે. અત્યાર સુધી, સાતમા પગાર પંચના સુધારેલા પગાર માળખા હેઠળ, મોંઘવારી ભથ્થું મૂળ પગારના 28 ટકા હતું, તે વધારીને 31 ટકા કરવામાં આવ્યું છે.

કેન્દ્ર સરકારના કર્મચારીઓના ડીએમાં વધારો કરવાની જાહેરાત બાદ રાજ્ય સરકારના કર્મચારીઓની ઉત્સુકતા તરત જ વધી ગઈ હતી કે તેમના પગારને લગતા સારા સમાચાર ક્યારે આવે છે. મહારાષ્ટ્ર સરકારે કોઈપણ સમય બગાડ્યા વિના મોંઘવારી ભથ્થામાં વધારો કરીને રાજ્ય સરકારના કર્મચારીઓને ખુશ કરી દીધા છે. આ નિર્ણય પર કર્મચારી સંગઠનોએ ખુશી વ્યક્ત કરી છે.