Maharashtra: નાગપુરના સીતાબુલડી બજારમાં કોરોના નિયમોનો ખુલ્લેઆમ થયો ભંગ, કડક નિયમો હોવા છતા ખરીદી કરવા ઉમટી હજારોની ભીડ
મહારાષ્ટ્રમાં કોરોનાની ભયાનક સ્થિતિ વચ્ચે નાગપુર માર્કેટમાં (Nagpur Market) મોટી ભીડ ઉમટેલી જોવા મળી છે. નાગપુરના સીતાબુલડી મેઈન રોડ પર હજારો લોકો ખરીદી કરવા પહોંચ્યા હતા.
મહારાષ્ટ્રમાં કોરોનાની ભયાનક સ્થિતિ વચ્ચે નાગપુર માર્કેટમાં (Rush in Nagpur Market) મોટી ભીડ ઉમટેલી જોવા મળી છે. નાગપુરના સીતાબુલડી મેઈન રોડ પર હજારો લોકો ખરીદી કરવા પહોંચ્યા હતા. આ દરમિયાન, કોરોના નિયમોનો ખુલ્લેઆમ ભંગ કરવામાં આવ્યો હતો. વધી રહેલા કોરોના સંક્રમણ વચ્ચે જે તસવીરો સામે આવી છે તે ભયજનક છે. એક તરફ, રાજ્યમાં દરરોજ કોરોનાના વિસ્ફોટક કેસ સામે આવી રહ્યા છે, તો બીજી તરફ, માસ્ક વિના બજારોમાં પહોંચતા લોકોએ આશ્ચર્ય ઉભુ કર્યું છે.
નાગપુરના બજારમાં ઘણા લોકો માસ્ક વગર જોવા મળ્યા હતા, જેમાં પુરૂષો અને મહિલાઓ બંનેનો સમાવેશ થાય છે. તસ્વીરોમાં સ્પષ્ટ જોઈ શકાય છે કે શિયાળાની ઋતુમાં ગરમ કપડા ખરીદવા માટે નાગપુરના બજારમાં મોટી સંખ્યામાં લોકો ઉમટી પડ્યા હતા. જેમાં મોટી સંખ્યામાં મહિલાઓનો સમાવેશ થાય છે. બજારોમાં ઘણી મહિલાઓ માસ્ક વગર જોવા મળે છે. તે જ સમયે, રસ્તાઓ પર મોટી સંખ્યામાં વાહનો પણ જોવા મળે છે.
Maharashtra: Huge crowd in Nagpur’s Sitabuldi main road market) amid surging COVID cases pic.twitter.com/Z0LlFGltDN
— ANI (@ANI) January 10, 2022
માસ્ક વગર બજારમાં ફરતા લોકો
મહારાષ્ટ્રમાં કોરોનાના વધતા સંક્રમણ વચ્ચે નાગપુરમાં પણ મોટી સંખ્યામાં દર્દીઓ દેખાઈ રહ્યા છે. રવિવારે નાગપુરમાં 832 નવા કેસ નોંધાયા હતા. તે જ સમયે, એક દિવસમાં 96 લોકો સંક્રમણથી સ્વસ્થ થયા. રવિવાર સુધી, નાગપુર જિલ્લામાં કોરોનાના 3345 સક્રિય કેસ હતા. દરરોજ સંક્રમિતોની સંખ્યા વધી રહી છે. આવી સ્થિતિમાં બજારમાં ઘણી બેદરકારી જોવા મળી રહી છે. બજારમાં કોરોના નિયમોનો ભંગ કરવામાં આવ્યો હતો.
કોરોનાના 33 હજાર 470 નવા કેસ
મહારાષ્ટ્રમાં કોરોના સંક્રમણના કેસ ઝડપથી વધી રહ્યા છે. છેલ્લા ચોવીસ કલાકમાં 33 હજાર 470 નવા દર્દીઓ સામે આવ્યા છે. જ્યારે રવિવારે આ કેસ 44 હજારથી વધુ હતા. આજે સંક્રમણના સંખ્યાબંધ કેસ નોંધાયા છે. આજે સંક્રમણને કારણે પાંચ લોકોએ જીવ ગુમાવ્યા છે. વધતા સંક્રમણ વચ્ચે નાગપુરના માર્કેટમાં ઘણી બેદરકારી જોવા મળી રહી છે.
આ પણ વાંચો: History of BHU: BHUની સ્થાપના મહામના મદનમોહન માલવિયા દ્વારા થઈ, જાણો 105 વર્ષ જૂની યુનિવર્સિટી ઈતિહાસ
આ પણ વાંચો: NEET UG 2021: સુપ્રીમ કોર્ટે NTA દ્વારા OMR શીટ્સ સાથે ચેડા કરવાના દાવાને ફગાવી દીધા
