Maharashtra Child Vaccination: 15 થી 18 વર્ષના બાળકોને સ્કુલમાં જ લગાવાશે વેક્સીન
કોરોના વાયરસના ફેલાવાને રોકવા માટે, સરકારે રસીકરણ પર ખૂબ ભાર મૂક્યો છે. કોરોનાની ત્રીજી લહેરથી બાળકોને બચાવવા માટે બાળકોમાં રસીકરણની ગતિ પર ભાર મુકવામાં આવી રહ્યો છે.
રાજ્યના આરોગ્ય પ્રધાન રાજેશ ટોપેએ (Health Minister Rajesh Tope) કહ્યું છે કે સોમવારથી એટલે કે, 24 જાન્યુઆરીથી રાજ્યની તમામ શાળાઓને કામ ફરી શરૂ કરવાની મંજૂરી મળ્યા બાદ શાળાઓમાં રસીકરણ અભિયાન શરૂ કરવામાં આવશે. કોરોના વાયરસના ફેલાવાને રોકવા માટે, સરકારે રસીકરણ પર ખૂબ ભાર મુક્યો છે. રાજેશ ટોપેએ સ્પષ્ટતા કરી કે આ નિર્ણય રાજ્ય કેબિનેટની બેઠકમાં લેવામાં આવ્યો છે. રાજેશ ટોપેએ પણ સ્પષ્ટતા કરી હતી કે બાળકોના રસીકરણ અંગે મૂંઝવણમાં રહેવાનું કોઈ કારણ નથી. કેબિનેટ બેઠકમાં કોરોનાની સ્થિતિ પર પ્રેઝન્ટેશન આપવામાં આવ્યું હતું. જે બાદ તેની વિગતવાર ચર્ચા કરવામાં આવી હતી.
શાળામાં ધોરણ 9, 10 અને 11 ના બાળકોને આપવામાં આવશે રસી
રાજ્યની તમામ શાળાઓ 24 જાન્યુઆરીથી ફરી ખુલશે. તેઓએ જિલ્લા કલેક્ટર, વાલીમંત્રી, મુખ્ય કાર્યકારી અધિકારી અને શિક્ષણાધિકારી સાથે પરામર્શ કરીને કયા તાલુકામાં અને કઈ શાળા શરૂ કરવી તે નક્કી કરવું જોઈએ. જોકે, બેઠકમાં વધુ શાળાઓ શરૂ કરવાનો નિર્ણય લેવાયો હતો.
રાજેશ ટોપેએ જણાવ્યું હતું કે, શાળામાં 15 થી 18 વર્ષના બાળકોને એટલે કે ધોરણ નવ, દસ અને અગીયારના બાળકોને રસી આપવાનો નિર્ણય લેવામાં આવ્યો છે. બેઠકમાં એવી પણ ચર્ચા કરવામાં આવી હતી કે શાળામાં બાળકોને રસી આપતી વખતે ખૂબ કાળજી લેવી જોઈએ.
આરોગ્ય મંત્રીએ લોકોને અપીલ કરી કે, વાલીઓએ રસીકરણ અંગે મૂંઝવણમાં રહેવાનું કોઈ કારણ નથી. વિશ્વભરમાં બાળકોને રસી આપવામાં આવી છે. હાલમાં માત્ર 15 થી 18 વર્ષની વયના બાળકોને જ રસી આપવામાં આવી રહી છે. તેથી, રસીકરણ વિશે મૂંઝવણનું કોઈ કારણ નથી.
થોડા દીવસો પહેલા રજુ થયો હતો બાળકો માટેનો રસીકરણ માટેનો પ્લાન
બીજી તરફ, મહારાષ્ટ્રના શિક્ષણ પ્રધાન વર્ષા ગાયકવાડે રાજ્ય માટે બાળકોની રસીકરણ યોજના શેર કરી હતી. તેમણે કહ્યું હતું કે, રસીકરણ યોજના હેઠળ મહારાષ્ટ્રના 15-18 વર્ષના બાળકોને રસી આપવા માટે તમામ તૈયારીઓ કરી લેવામાં આવી છે. તૈયારીઓની સમીક્ષા કર્યા પછી, વર્ષા ગાયકવાડે તેના ટ્વિટર પર કહ્યું કે મોટાભાગની શાળાઓએ જાન્યુઆરી, 2022 માં જ મહત્તમ વિદ્યાર્થીઓને રસીનો પ્રથમ ડોઝ આપવાનું લક્ષ્ય રાખ્યું છે. તેમજ શિક્ષણ પ્રધાને કોરોના સુરક્ષા પ્રોટોકોલને અનુસરવાની જરૂરિયાત પર ભાર મુક્યો છે.
આ પણ વાંચો : બેકાબૂ બન્યો કોરોના : આ 6 રાજ્યોની કોરોના સ્થિતિ અંગે આરોગ્ય મંત્રાલયે વ્યક્ત કરી ચિંતા, જાણો સમગ્ર વિગત
Latest News Updates
