મહારાષ્ટ્ર (Maharashtra)ની સાંસ્કૃતિક રાજધાની પૂણેના કાત્રજ વિસ્તારમાં એક પછી એક સિલિન્ડર બ્લાસ્ટના (Cylinders blast in Pune) સમાચાર સામે આવ્યા છે. પ્રાપ્ત માહિતી અનુસાર ટીન શેડની નીચે રાખવામાં આવેલા 10થી વધુ સિલિન્ડરમાં વિસ્ફોટ થયો છે. મંગળવારે (29 માર્ચ) સાંજે બનેલી આ ઘટનાએ સમગ્ર વિસ્તારમાં ખળભળાટ મચાવી દીધો છે. અકસ્માતની જાણ થતાં જ ફાયર બ્રિગેડની ટીમ ઘટના સ્થળે પહોંચી ગઈ હતી. આગ ઓલવવાના પ્રયાસો કરવામાં આવી રહ્યા છે. સિલિન્ડર વિસ્ફોટમાં એક વ્યક્તિ ગંભીર રીતે ઘાયલ થયો છે. કાત્રજ વિસ્તારમાં ગાંધર્વ લૉન પાસે એક ટીન શેડમાં સિલિન્ડરોનો જંગી સ્ટોક રાખવામાં આવ્યો હતો. પ્રાપ્ત માહિતી અનુસાર આ સિલિન્ડરો અહીં ગેરકાયદેસર રીતે છુપાવવામાં આવ્યા હતા. અચાનક એક સિલિન્ડર ફાટ્યો. જે બાદ એક પછી એક ઘણા સિલિન્ડર ફાટ્યા.
હ્રદયને ધ્રુજાવી દેતો અવાજ વીડિયોમાં સ્પષ્ટપણે સંભળાય રહ્યો છે. વિસ્ફોટના આ અવાજો સાંભળીને વિસ્તારમાં ભયનો માહોલ ફેલાયો છે. આ વિસ્ફોટો શા માટે થયા? તે હજુ સ્પષ્ટ નથી. હાલ આ વિસ્ફોટો બાદ આગ પર કાબૂ મેળવવા માટે ફાયર બ્રિગેડની ટીમ ઘટનાસ્થળે હાજર છે.
Video | Pune Katraj Blast | कात्रज परिसरात एकापाठोपाठ एक सिलिंडरचे स्फोट, परिसरात एकच खळबळ #Pune #Katraj #Fire #Video #Cylinder pic.twitter.com/0lwFnVssjw
— TV9 Marathi (@TV9Marathi) March 29, 2022
Published On - 8:45 pm, Tue, 29 March 22