Breaking News : મુંબઈમાં PM મોદીના કાર્યક્રમ સ્થળેથી બે શંકાસ્પદની અટકાયત, એકની પાસેથી બંદૂક મળી
મુંબઈ પોલીસે, વડા પ્રધાન નરેન્દ્ર મોદી જ્યાં હાજર રહેવાના છે તે સ્થળ પરથી બે શંકાસ્પદ વ્યક્તિની અટકાયત કરી છે. વડા પ્રધાન મોદી લગભગ સાંજે 5:45 વાગ્યે મુંબઈમાં ગ્લોબલ ફિનટેક ફેસ્ટના સાતમા સંસ્કરણનું ઉદ્ઘાટન કરવાના છે.
મુંબઈ પોલીસે વડા પ્રધાન નરેન્દ્ર મોદીના કાર્યક્રમ સ્થળેથી બે શંકાસ્પદની અટકાયત કરી છે. શંકાસ્પદ વ્યક્તિની હાથ ધરાયેલ પ્રાથમિક પુછપરછમાં તેની ઓળખ 24 વર્ષીય રોહન પારેખ તરીકે થઈ છે. તેણે વડા પ્રધાન કાર્યાલય (PMO) ના અધિકારી હોવાનો દાવો કર્યો હતો અને તેની પાસે નકલી ઓળખપત્ર મળી આવ્યું હતું. તેની સાથે એક અન્ય વ્યક્તિ પણ હતો જેણે તેનો અંગરક્ષક હોવાનો દાવો કર્યો હતો અને તે બંદૂક લઈને ફરતો જોવા મળ્યો હતો. સુરક્ષા તપાસ દરમિયાન છેતરપિંડીનો પર્દાફાશ થયા બાદ બંનેની અટકાયત કરવામાં આવી હતી. મુંબઈ ક્રાઈમ બ્રાન્ચ આ મામલે વધુ તપાસ કરી રહી છે. વડા પ્રધાન નરેન્દ્ર મોદી આજે મંગળવારે સાંજે 5:45 વાગ્યે મુંબઈમાં ગ્લોબલ ફિનટેક ફેસ્ટ (GFF) ના સાતમા સંસ્કરણનું ઉદ્ઘાટન કરવાના છે. તે નાણાકીય ટેકનોલોજી પર કેન્દ્રિત વિશ્વની સૌથી મોટી અને સૌથી પ્રભાવશાળી વાર્ષિક પરિષદોમાંની એક છે. 2020 થી, GFF એક વૈશ્વિક પ્લેટફોર્મ તરીકે ઉભરી આવ્યું છે જ્યાં નીતિ નિર્માતાઓ, નિયમનકારો, કેન્દ્રીય બેંકો, નાણાકીય સંસ્થાઓ, ફિનટેક કંપનીઓ, ટેકનોલોજી કંપનીઓ, રોકાણકારો, શિક્ષણવિદો અને અન્ય વૈશ્વિક હિસ્સેદારો નાણાકીય ક્ષેત્રના ભવિષ્યને આકાર આપતા મુદ્દાઓ પર ચર્ચા કરે છે.
આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..
