Breaking News: મહારાષ્ટ્રના નાસિક હાઈવે પર મોટો અકસ્માત, ઓવર સ્પીડમાં આવતા કાર ચાલકે 5 લોકો કચડ્યા, 3ના મોત

મહારાષ્ટ્રના નાસિક હાઈવે પર એક મોટો અકસ્માત થયો છે. અહીં એક સ્પીડમાં આવતી કારે રસ્તા પર ચાલી રહેલા 5 લોકોને કચડી નાખ્યા છે. 3 લોકોના ઘટનાસ્થળે જ મોત થયા છે, જ્યારે 2 લોકો ગંભીર રીતે ઘાયલ છે. પોલીસે કાર જપ્ત કરી લીધી છે.

નાશિક હાઈવે પર મોટો અકસ્માત

મહારાષ્ટ્રના નાસિક જિલ્લામાં કલ્યાણ નાશિક હાઈવે પર સોમવારે વહેલી સવારે એક ભયાનક માર્ગ અકસ્માત થયો હતો, જેમાં ત્રણ લોકોના ઘટનાસ્થળે જ મોત થયા હતા. આજે સવારે રોડ કિનારે ચાલીને જઈ રહેલા 5 લોકોને પુરપાટ ઝડપે આવતી કારે કચડી નાખ્યા હતા. જેના કારણે ત્રણ લોકોના ઘટનાસ્થળે જ મોત થયા હતા. જ્યારે બે લોકો ગંભીર રીતે ઘાયલ થયા હતા. અકસ્માતની માહિતી મળતાં જ પોલીસ ઘટનાસ્થળે પહોંચી હતી અને ઘાયલોને હોસ્પિટલમાં ખસેડવામાં આવ્યા હતા. પોલીસે કાર પણ જપ્ત કરી લીધી છે.

ગયા સોમવારે પણ થયો હતો મોટો અકસ્માત

તમને જણાવી દઈએ કે ગયા સોમવારે પણ નાસિક જિલ્લામાં મુંબઈ-આગ્રા હાઈવે પર એક ભયાનક માર્ગ અકસ્માત થયો હતો. પ્રાપ્ત માહિતી અનુસાર, એક ઝડપી કાર રસ્તા પર ઉભેલા કન્ટેનર સાથે અથડાઈ હતી, જેમાં ચાર લોકોના મોત થયા હતા.

વાસ્તવમાં ટાયર ફાટવાને કારણે ટ્રક રોડ કિનારે ઉભી હતી. ટક્કર એટલી જોરદાર હતી કે કારના ટુકડા થઈ ગયા હતા. તેમજ કારમાં મુસાફરી કરી રહેલા ચારેય લોકોના મોત થયા હતા. મૃતકોની ઓળખ ભાજપના નેતા કિરણ અહીરરાવ (47), કૃષ્ણકાંત માલી (43), પ્રવીણ પવાર (38) અને અનિલ પાટીલ (38) તરીકે થઈ છે.

વાસ્તવમાં ટાયર ફાટવાને કારણે ટ્રક રોડ કિનારે ઉભી હતી. ટક્કર એટલી જોરદાર હતી કે કારના ટુકડા થઈ ગયા હતા. તેમજ કારમાં મુસાફરી કરી રહેલા ચારેય લોકોના મોત થયા હતા. મૃતકોની ઓળખ ભાજપના નેતા કિરણ અહીરરાવ (47), કૃષ્ણકાંત માલી (43), પ્રવીણ પવાર (38) અને અનિલ પાટીલ (38) તરીકે થઈ છે.