Investigation Report Leaked Case: અનિલ દેશમુખના વકીલ આનંદ ડાગા અને સીબીઆઈ ઈન્સ્પેક્ટરને બે દિવસની ન્યાયિક કસ્ટડીમાં મોકલાયા
તપાસ રિપોર્ટ લીક કરવાના કેસમાં સીબીઆઈએ બંનેના પાંચ દિવસના રિમાન્ડ માંગ્યા હતા. આ કેસમાં બંનેની જામીન અરજી પર 8 સપ્ટેમ્બરે સુનાવણી થશે.
100 કરોડની વસૂલાત કેસમાં ગોપનીય માહિતી લીક કરવાના મામલે દિલ્હીની રાઉઝ એવન્યુ કોર્ટે એડવોકેટ આનંદ ડાગા (Anand Daga) અને સીબીઆઈ ઈન્સ્પેક્ટર અભિષેક તિવારી (Abhishek Tiwari)ને 2 દિવસની ન્યાયિક કસ્ટડીમાં મોકલ્યા છે. સીબીઆઈએ આ કેસમાં બંનેના પાંચ દિવસના રિમાન્ડ માંગ્યા હતા. આ કેસમાં બંનેની જામીન અરજી પર 8 સપ્ટેમ્બરે સુનાવણી થશે.
કેન્દ્રીય એજન્સીએ તાજેતરમાં કહ્યું હતું કે સબ-ઈન્સ્પેક્ટર અભિષેક તિવારીએ આનંદ ડાગાને એક ગોપનીય રિપોર્ટ સોંપ્યો હતો. રિપોર્ટમાં એવું કહેવામાં આવ્યું હતું કે સીબીઆઈના તપાસ અધિકારીએ અનિલ દેશમુખને ‘ક્લીન ચિટ’ આપી હતી. સીબીઆઈએ (CBI) એવો પણ દાવો કર્યો હતો કે અભિષેક તિવારીને દસ્તાવેજો લીક કરવા માટે iPhone 12 Proની સાથે લાંચ આપવામાં આવી હતી. એજન્સીએ બુધવારે બંનેની ધરપકડ કરી હતી.
સીબીઆઈએ તેની એફઆઈઆરમાં જણાવ્યું હતું કે “વિશ્વસનીય રીતે જાણવા મળ્યું છે કે તપાસ અને તપાસ સંબંધિત ગુપ્ત દસ્તાવેજોની નકલો અનધિકૃત વ્યક્તિઓને જાહેર કરવામાં આવી છે. અભિષેક તિવારી, સબ-ઈન્સ્પેક્ટર, પૂછપરછ દરમિયાન નાગપુર સ્થિત વકીલ આનંદ દિલીપ ડાગાના સંપર્કમાં આવ્યા હતા અને ત્યારથી તેમની સાથે નિયમિત સંપર્કમાં હતા.”
ઘણી વખત મુલાકાત થઈ
સીબીઆઈએ વધુમાં જણાવ્યું કે “વધુ જાણવા મળ્યું છે કે 28 જૂન, 2021ના રોજ અભિષેક તિવારી કેસની તપાસના મામલે પૂણે ગયા હતા. એવું પણ જાણવા મળ્યું છે કે એડવોકેટ આનંદ ડાગા અભિષેક તિવારીને મળ્યા હતા અને આ તપાસ અને તપાસના સંદર્ભમાં વિગતો પસાર કરી હતી અને જાહેર ફરજની અયોગ્ય કામગીરીના બદલામાં એક આઈફોન 12 પ્રોને ગેરકાયદેસર રીતે સોંપ્યો હતો. આ પણ વિશ્વસનીય રીતે બહાર આવ્યું છે કે તે નિયમિત સમયાંતરે ડાગા પાસેથી ગેરકાયદેસર રીતે લાંચ લેતો હતો.
સીબીઆઈએ એવો પણ દાવો કર્યો હતો કે અભિષેક તિવારીએ આ કેસ સાથે જોડાયેલા અન્ય ઘણા ગોપનીય દસ્તાવેજો વોટ્સએપ દ્વારા આનંદ ડાગા સાથે શેર કર્યા હતા. ઉલ્લેખનીય છે કે 100 કરોડની વસૂલાતના કેસમાં મહારાષ્ટ્રના પૂર્વ ગૃહમંત્રી અનિલ દેશમુખની (Anil Deshmukh) મુશ્કેલીઓ પણ વધી છે. એન્ફોર્સમેન્ટ ડિરેક્ટોરેટ (Enforcement Directorate-ED) દ્વારા તેમની સામે લુક આઉટ નોટિસ જાહેર કરવામાં આવી છે. આ સાથે હવે તેઓ દેશ છોડી શકશે નહીં. ટૂંક સમયમાં તેની ધરપકડ પણ થઈ શકે છે.
ઈડી (ED)એ અત્યાર સુધી અનિલ દેશમુખને પાંચ વખત સમન્સ પાઠવ્યું છે. પરંતુ અનિલ દેશમુખ પૂછપરછ માટે એક વખત પણ હાજર થયા ન હતા. હવે ઈડી (ED) તેમને છઠ્ઠી વખત સમન્સ મોકલવાની તૈયારી કરી રહ્યું છે. પરંતુ તે પહેલા તેઓ દેશ છોડીને જઈ ન શકે તે માટે ઈડીએ હવે તેમની સામે લુક આઉટ નોટિસ જાહેર કરી છે.
આ પણ વાંચો : Maharashtra : નાગપુરમાં કોરોનાની ત્રીજી લહેર ! આગામી 3 થી 4 દિવસમાં લેવાઈ શકે છે લોકડાઉનનો નિર્ણય
