Cheap Countries : આ દેશોમાં છે ભારતીય રૂપિયાનો દબદબો, ઓછી કિંમતમાં માણો વિદેશ પ્રવાસ

આજના સમય દરમિયાન ડોલરની સરખામણીમાં ભારતીય રૂપિયો નબળો પડતો જોવા મળી રહ્યો છે. રૂપિયાનું મૂલ્ય સતત ઘટી રહ્યું છે. જોકે, દુનિયામાં કેટલાક દેશો એવા છે જ્યાં ભારતીય રૂપિયાનું મૂલ્ય ખૂબ જ મજબૂત છે. આ દેશોની ચલણોની સરખામણીમાં ભારતીય રૂપિયો સ્ટ્રોંગ છે. લગભગ 6 દેશોમાં ભારતીય રૂપિયો પોતાનું વર્ચસ્વ જાળવી રહ્યો છે. આ દેશોમાં આપણા ભારતીય રૂપિયાનું મૂલ્ય ભારતીયો માટે મહત્વપૂર્ણ છે. આ યાદીમાં ઘણા દેશોનો સમાવેશ થાય છે. તેમાં વિયેતનામ, નેપાળ, ઇન્ડોનેશિયા સહિત સાત દેશોનો સમાવેશ થાય છે. ચાલો જોઈએ કે આ છ દેશોમાં ભારતીય રૂપિયાનું મૂલ્ય શું છે.

આ દેશોમાં ભારતીય 1 રૂપિયાની કિંમત છે વધારે

• વિયેતનામમાં, 1 ભારતીય રૂપિયાનું મૂલ્ય આશરે 272.41 ડોંગ છે.
• ઇન્ડોનેશિયામાં, 1 ભારતીય રૂપિયાનું મૂલ્ય આશરે 182.78 રૂપિયા છે.
• પેરાગ્વેમાં, 1 ભારતીય રૂપિયાનું મૂલ્ય આશરે 63.30 ગુઆરાની છે.
• કમ્બોડિયામાં, 1 ભારતીય રૂપિયાનું મૂલ્ય આશરે 41.45 રિયાલ છે.
• શ્રીલંકામાં, 1 ભારતીય રૂપિયાનું મૂલ્ય આશરે 3.42 શ્રીલંકન રૂપિયા છે.
• નેપાળમાં, 1 ભારતીય રૂપિયાનું મૂલ્ય આશરે 1.6 નેપાળી રૂપિયા છે.

આ દેશો ભારતીય પ્રવાસીઓ માટે બન્યા ફેવરિટ

આ બધા દેશોમાં, ભારતીય પ્રવાસીઓ ઓછા રૂપિયામાં સારી મુસાફરી કરી શકે છે. કારણ કે તેમને ઓછા રૂપિયા ખર્ચવા પડે છે. તેઓ આ દેશમાં મુસાફરી કરતી વખતે સારી રીતે ખાઈ-પી શકે છે. તેઓ ખરીદીનો આનંદ માણી શકે છે. તેઓ સારી હોટલોમાં રહી શકે છે. નબળા સ્થાનિક ચલણ અને સસ્તા જીવનધોરણને કારણે, આ દેશો ભારતીયો માટે મુસાફરી કરવા માટે સારા અને બજેટ-ફ્રેંડલી માનવામાં આવે છે. તેથી, છેલ્લા કેટલાક વર્ષોમાં આ દેશમાં ભારતીય પ્રવાસીઓની સંખ્યા વધી છે. ખાસ કરીને વિયેતનામ તેના સુંદર પર્યટન સ્થળોને કારણે ભારતીયોનું ખૂબ જ પ્રિય બન્યું છે.

ભારતીય રૂપિયાની કિંમત કોણ નક્કી કરે છે?

માર્કેટમાં થતી ચઢ-ઉતાર, દેશનું વિદેશી નાણા ભંડોળ, દેશની અર્થવ્યવસ્થા સહિતના મુદ્દાઓની અસર રૂપિયાના ભાવ પર પડે છે. તેનાથી રૂપિયાની કિંમત નક્કી થાય છે. આંતરરાષ્ટ્રીય બજારમાં અન્ય ડોલર સામે ભારતીય રૂપિયાની કિંમત કોઈ એક વ્યક્તિ કે સરકાર નક્કી કરતી નથી. ડોલરની કીંમત વૈશ્વિક બજારમાં રૂપિયાની માંગ અને પુરવઠાના આધારે નક્કી કરવામાં આવે છે.

વિશેષ નોંધ : ઉપર આપેલી માહિતી રિપોર્ટ્સના આધારે આપવામાં આવેલી છે. કરન્સી એક્સચેન્જ રેટ રોજબરોજ બદલાતા રહે છે. તેથી વિદેશ પ્રવાસ અથવા ટ્રાવેલ પ્લાનિંગ કરતા પહેલા તાજા કરન્સી રેટ ચકાસી લો. TV9 ગુજરાતી કોઈપણ પ્રકારની માહિતીને સમર્થન આપતું નથી.

આ પણ વાંચો, રોકાણકારોને થશે ‘મોટો ફાયદો’ ! ₹1,100 કરોડનું ‘બાયબેક’ લાવી રહી છે આ ‘ફાર્મા કંપની’