Tomato Rasam Recipe : સાઉથ ઈન્ડીયન સ્ટાઈલમાં ઘરે બનાવો ટામેટા રસમ, જાણો સંપૂર્ણ રેસિપી

ટામેટા રસમ સ્વાદમાં મસાલેદાર હોય છે. લોકોને ટામેટાંનો ખાટો સ્વાદ ગમે છે. તેને તમિલનાડુમાં ચારુ અને કેરળમાં ઠક્કાલી રસમ તરીકે ઓળખવામાં આવે છે. તે ટામેટા, કાળા મરી, લસણ, જીરું અને મીઠાથી બનાવવામાં આવે છે. જો તમે દક્ષિણ ભારતીય ભોજનના શોખીન છો, તો તમને આ ટામેટા રસમ રેસીપી ચોક્કસ ગમશે.

ટામેટા રસમ બનાવવા માટેની સામગ્રી:

• 2 ટામેટા, નાના ટુકડામાં કાપેલા
• 2 ટામેટા, બારીક સમારેલા
• 1 ચમચી જીરું
• 10-12 આખા કાળા મરીના દાણા
• લસણની 3-4 કળી
• 1 ટેબલસ્પૂન તેલ
• 1/4 ચમચી રાયના દાણા
• એક ચપટી હિંગ
• 5-6 મીઠા લીમડાના પાન
• 2 આખા સૂકા લાલ મરચાં
• 3 ટેબલસ્પૂન બારીક સમારેલા કોથમીરના પાન
• 1/2 ચમચી લાલ મરચાંનો પાવડર
• 1 1/2 કપ પાણી
• સ્વાદ મુજબ મીઠું

ટામેટા રસમ બનાવવાની રીત:

• સૌપ્રથમ, લસણ, કાળા મરીના દાણા અને જીરું પીસી લો. આ મિશ્રણને એક બાઉલમાં કાઢી લો. તે જ મિક્સર જારમાં, મોટા કાપેલા ટામેટા પીસી લો.
• ત્યારબાદ હવે એક પેનમાં તેલ ગરમ કરો. તેલ ગરમ થાય ત્યારે, હિંગ, રાયના દાણા, કમીઠા લીમડાના પાન અને આખા લાલ મરચાં ઉમેરો.
• આ પછી, તેલમાં જીરું, લસણ અને કાળા મરીનું મિશ્રણ ઉમેરો. એક મિનિટ શેક્યા પછી, ટામેટાની પ્યુરી (પીસેલી પેસ્ટ) ઉમેરો અને 4-5 મિનિટ માટે રાંધો.
• હવે પછી 2 ચમચી કોથમીરના પાન ઉમેરો અને સારી રીતે મિક્સ કરો. આ પછી, રસમમાં મીઠું અને લાલ મરચું પાવડર ઉમેરો અને 1 મિનિટ માટે સારી રીતે હલાવતા રહો.
• આ પછી, બારીક સમારેલા ટામેટાં ઉમેરો અને 2 મિનિટ માટે હલાવતા રહો. છેલ્લે, રસમમાં પાણી ઉમેરો અને સારી રીતે મિક્સ કરો. જ્યારે તે ઉકળવા લાગે, ત્યારે આગ ઓછી કરો અને 5 મિનિટ માટે રાંધો.
• આ ઉપરાંત ગેસ બંધ કર્યા પછી, રસમમાં કોથમીરના પાન ઉમેરો અને સારી રીતે મિક્સ કરો. તૈયાર રસમને ભાત સાથે પીરસો અથવા એક કપ જેમ છે તેમ પીવો.