Ganesh Chaturthi 2025 : માત્ર ભારતમાં જ નહી પરંતુ વિદેશમાં પણ ગણેશ ચતુર્થી ખૂબ જ ધામધૂમથી ઉજવાય છે- જુઓ Video
હિન્દુ ધર્મમાં, ગણેશજી પ્રથમ પૂજનીય દેવતા છે. કોઈપણ પૂજા કે શુભ કાર્યની શરૂઆત પહેલાં ગણેશજીની પૂજા કરવામાં આવે છે. ગણેશ ચતુર્થીનો ઉત્સાહ માત્ર ભારતમાં જ નહી પરંતુ વિદેશમાં ધામધુમથી ઉજવવામાં આવે છે. જુઓ Video
ભારતના દરેક રાજ્યમાં ગણેશ પૂજા અલગ અલગ રીતે ઉજવવામાં આવે છે. પરંતુ ગણેશ ઉત્સવ ભારત ઉપરાંત વિદેશમાં પણ ઉજવવામાં આવે છે. દરેક દેશમાં ભગવાન ગણેશને અલગ નામ આપવામાં આવ્યું છે અને ગણેશ પૂજા પણ દરેક જગ્યાએ અનોખી રીતે કરવામાં આવે છે. એક વીડિયો વાયરલ થઈ રહ્યો છે. જેમાં ચાલો જોઈએ કે થાઈલેન્ડમાં ગણપતિ બાપ્પાની પૂજા કેવી રીતે થઈ રહી છે.
થાઇલેન્ડમાં પણ ભગવાન ગણેશના ઘણા મંદિરો
ગણેશ ચતુર્થી શરૂ થઈ ગઈ છે અને ભારતમાં શેરીથી લઈ ઘર અને ઓફિસમાં ગણેશજીની ધુન વાગી રહી છે. હિન્દુ ધર્મમાં ગણપતિ બાપ્પાને પ્રથમ માનવામાં આવે છે. પરંતુ શું તમે જાણો છો કે, ભારતની જેમ, વિદેશોમાં પણ ભગવાન ગણેશની પૂજા કરવામાં આવે છે? ઘણા દેશો એવા છે જ્યાં સદીઓથી ગણપતિની પૂજા કરવાની પરંપરા ચાલી આવી છે.થાઇલેન્ડમાં પણ ભગવાન ગણેશના ઘણા મંદિરો છે. અહીં તેને દુન્હે ફ્રા ફિકાનેટ તરીકે ઓળખવામાં આવે છે. અહીંના લોકો ભગવાન ગણેશને સફળતાના દેવતા માને છે. ભારતની જેમ, નવા વ્યવસાય કે લગ્ન પ્રસંગે, અહીં પણ ભગવાન ગણેશની પૂજા સૌથી પહેલા કરવામાં આવે છે. ગણેશ ચતુર્થીની જેમ, અહીં પણ ગણેશજીનો જન્મદિવસ ખૂબ જ ધામધૂમથી ઉજવવામાં આવે છે.
હાલમાં સોશિયલ મીડિયા પર એક વીડિયો વાયરલ થઈ રહ્યો છે.જેમાં ભગવાન ગણેશની વિશેષ પૂજા કરવામાં આવી રહી છે. ગણેશજીના મંદિરે મોટી સંખ્યામાં ભક્તો જોવા મળી રહ્યા છે. આ સાથે થાઈલેન્ડના આ મંદિરમાં લોકો ગણેશજીની આરતી પણ ગાય રહ્યા છે. થાઇલેન્ડમાં ભગવાન શ્રી ગણેશની પૂજા અને ભક્તિ જોઈ ભક્તો આનંદમાં ડૂબી જાય છે.ગણેશ ચતુર્થી થાઈલેન્ડમાં ખૂબ જ ધામધૂમથી ઉજવવામાં આવે છે.
ગણેશની સૌથી ઊંચી પ્રતિમા
શું તમે જાણો છો કે ભગવાન ગણેશની સૌથી ઊંચી પ્રતિમા ક્યાં આવેલી છે? ભગવાન ગણેશની સૌથી ઊંચી પ્રતિમા ભારતમાં નહીં પણ બીજા કોઈ દેશમાં આવેલી છે.વિશ્વની સૌથી ઊંચી ગણેશ મૂર્તિ થાઇલેન્ડના ખ્લોંગ ખુએન ગણેશ ઇન્ટરનેશનલ પાર્કમાં આવેલી છે. થાઇલેન્ડના ચાચોએંગસાઓ પ્રાંતમાં બનેલી આ ગણેશ મૂર્તિ 128 ફૂટ (39 મીટર) ઊંચી છે. તેની ઊંચાઈનો અંદાજ એ વાત પરથી લગાવી શકાય છે કે તે 12 માળની ઇમારત જેટલી વિશાળ છે.
ભગવાન ગણેશને થાઈલેન્ડમાં ‘ફ્રા ફિકાનેટ’ તરીકે ઓળખવામાં આવે છે અને તેમની પૂજા સફળતા, સમૃદ્ધિ અને અવરોધો દૂર કરનાર દેવતા તરીકે કરવામાં આવે છે. અહીંના લોકો ગણેશમાં ઊંડી શ્રદ્ધા ધરાવે છે.
2 ભાઈ, 3 બહેનો , 2 પત્ની અને 2 પુત્રોનો આવો છે ગણેજીનો પરિવાર, જુઓ ફોટો અહી ક્લિક કરો
