VIDEO: ચોરીનો અજીબ કિસ્સો, ગઠીયો આંગડિયા પેઢીના કર્મચારીના 4 લાખ રૂપિયાની સાથે એક્ટિવા લઈને પણ ફરાર
કહેવાય છે કે સાવધાની હટી, દુર્ઘટના ઘટી કંઈક આવી જ ઘટના સુરતમાં બની છે. સુરતના એક વ્યક્તિની બેદરકારીના બદલામાં રૂપિયા 4 લાખ ગુમાવવાનો વારો આવ્યો અને અજાણ્યો શખ્સ એક્ટિવાની ડેકીમાં રાખેલા રૂપિયા સાથે આખે આખું એક્ટિવા લઈને ફરાર થઇ ગયો. Web Stories View more IPL 2024 : આઈપીએલની મિસ્ટ્રી ગર્લ કોણ જાણો , […]
કહેવાય છે કે સાવધાની હટી, દુર્ઘટના ઘટી કંઈક આવી જ ઘટના સુરતમાં બની છે. સુરતના એક વ્યક્તિની બેદરકારીના બદલામાં રૂપિયા 4 લાખ ગુમાવવાનો વારો આવ્યો અને અજાણ્યો શખ્સ એક્ટિવાની ડેકીમાં રાખેલા રૂપિયા સાથે આખે આખું એક્ટિવા લઈને ફરાર થઇ ગયો.
આંગડિયા પેઢીનો કર્મચારી રૂપિયા 4 લાખ લઈને નીકળ્યો હતો. જો કે શરીર પર ખંજવાડ આવતા તે અધરસ્તે રોકાયો. બરોબર આ સમયે એક અજાણ્યા શખ્સે આંગડિયાના કર્મચારીને શરીર પર કીડા હોવાનું જણાવ્યું અને કર્મચારીનું ધ્યાન ભટકાવીને ડેકીમાં રહેલા 4 લાખ રૂપિયા સાથે આખે આખું એક્ટિવા લઈને ફરાર થઈ ગયો. જો કે ગઠીયો કળા કરી ગયો પરંતુ આંગડિયાના કર્મચારીને તેની જરાય ગંધ ન આવી અને જોત જોતામાં કર્મચારીનું વાહન પણ ગયું અને રૂપિયા પણ ગયા.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
જો કે આ સમગ્ર ઘટના સીસીટીવીમાં કેદ થઈ છે. જેમાં જોઈ શકાય છે કે એક શખ્સ એક્ટિવા ચોરીને ભાગી રહ્યો છે. જેની ડેકીમાં રૂપિયા 4 લાખ પણ હતા. ઘટનાની જાણ થતાં જ ઉચ્ચ પોલીસ અધિકારીઓ ઘટનાસ્થળે પહોંચ્યા અને આરોપીની શોધખોળ હાથ ધરી છે.
જો કે ઘટનાને લઈને સવાલ એ સર્જાય છે કે આખુ એક્ટિવા લઈને ગઠીયો ફરાર થઈ ગયો છતાં કેમ તેની જાણ આંગડિયાના કર્મચારીને ન થઈ? જ્યારે આરોપી એક્ટિવા લઈને ભાગી રહ્યો હતો ત્યારે કર્મચારી શું કરતો હતો? કર્મચારી પાસે 4 લાખ રૂપિયા હતા તો પણ કેમ તે આટલો બેદરકાર રહ્યો? ત્યારે જોવાનું એ રહે છે કે પોલીસ તપાસમાં આ ઘટનાને લઈને શું નવો ખુલાસો થાય છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો