Passport Online Apply : ઘરે બેઠા ઓનલાઈન પાસપોર્ટ માટે કેવી રીતે કરવું એપ્લાઈ ? જાણો સમગ્ર પ્રક્રિયા

જો તમારે વિદેશ જવું હોય તો તમારી પાસે પાસપોર્ટ હોવો જરૂરી છે. આ એક દસ્તાવેજ છે જે તમારી નાગરિકતા સાબિત કરે છે. અગાઉ પાસપોર્ટ બનાવવા માટે પાસપોર્ટ ઓફિસના ઘણા ધક્કા ખાવા પડતાં હતા. તેમાં ઘણો સમય લાગતો હતો. પરંતુ હવે આ પ્રક્રિયા ખૂબ જ સરળ બની ગઈ છે. જો તમે ઈચ્છો તો હવે તમે ઘરે બેઠા પાસપોર્ટ માટે અરજી કરી શકો છો (How to Apply Passport Online). આ માટે તમારે વધારે ફી ચૂકવવાની જરૂર નહીં પડે.

M પાસપોર્ટ સેવા એપ

જો તમે પણ ઘરે બેઠા પાસપોર્ટ બનાવવા માંગો છો (How to Apply Passport Online), તો તેને બનાવવા માટે સરકારે M Passport Seva App લોન્ચ કરી છે. જેના દ્વારા એપ્લિકેશન ખૂબ જ સરળતાથી કરી શકાય છે. આ માટે તમારે અંદર જણાવવામાં આવેલો ચાર્જ ચૂકવવો પડશે. તમે ફક્ત તમારા ફોન પર એપ્લિકેશન ડાઉનલોડ કરીને અરજી કરી શકો છો. આ માટે તમારે વારંવાર પાસપોર્ટ ઓફિસ જવાની જરૂર નથી. પરંતુ એકવાર તમારે વેરિફિકેશન માટે જવું પડશે.

આ પણ વાંચો : Passport અને Visaને લઈ છો મૂંઝવણમાં ? તો અહીં સમજો કે બંને વચ્ચે શું છે તફાવત

પાસપોર્ટ માટે કેવી રીતે અરજી કરવી તે જાણો (How to Apply Passport Online)

• સૌથી પહેલા તમારે MPassport Seva એપ ડાઉનલોડ કરવાની રહેશે.
• હવે New User Registration ના વિકલ્પ પર ક્લિક કરો.
• આ પછી તમારે તમારી નજીકની પાસપોર્ટ ઓફિસ પસંદ કરવી પડશે.
• હવે અન્ય જરૂરી માહિતી સાથે નામ, ઈમેલ, જન્મ તારીખ દાખલ કરો.
• તમારે એક મજબૂત પાસવર્ડ બનાવવો પડશે.
• કેપ્ચા દાખલ કર્યા પછી, એપ્લિકેશન સબમિટ કરો અને પૂર્ણ કરો.
• હવે તમારું વેરિફિકેશન પાસપોર્ટ ઓફિસ દ્વારા કરવામાં આવશે.
• આ પછી વેરિફિકેશન લિંક તમારા ઓફિશિયલ ઈમેલ પર આવશે.
• તમારે તે લિંક પર લોગ ઇન કરવું પડશે.
• નવા પાસપોર્ટ માટે અરજી પર ક્લિક કરો.
• બધી માહિતી દાખલ કરો.
• ફી ભર્યા પછી, તમારે વેરિફિકેશન માટે પાસપોર્ટ સેન્ટર પર જવા માટે એપોઇન્ટમેન્ટ લેવી પડશે.
• તમારા દસ્તાવેજોની ચકાસણી પાસપોર્ટ કેન્દ્ર પર કરવામાં આવશે.
• આ પછી તમારી પાસપોર્ટ બનાવવા માટેની અરજી પૂરી થઈ જશે.