Breaking News : જો તમે તમારી બેંક બદલો છો, તો શું તમારે તમારો FASTag પણ બદલવો પડશે ? જાણો

હવે FASTagનો ઉપયોગ કરનાર માટે એક ગુડ ન્યુઝ સામે આવી રહ્યા છે. જો તમે તમારા FASTag ની બેંક બદલવા માંગો છો. તો જલ્દી તેનો નવો ટેગ લેવો અને જૂનો FASTag બંધ કરવાની જરુર નહી પડે. માર્ગ પરિવહન અને રાજમાર્ગ મંત્રી નીતિન ગડકરીએ OneTag નામની નવી સુવિધા શરુ કરી છે. જેની મદદથી તમે તમારી ગાડી પર લાગેલી આ FASTagને રાખી તેની બેંક બદલી શકશો. પરંતુ બેંક બદલવા પર જુના FASTag વોલેટમાં રાખેલા પૈસાનું શું થશે? શું બીજી વખત KYC કરાવવી પડશે? ચાલો આજે તમને સરળ ભાષામાં સમજાવીએ.

OneTagનો ઉપયોગ કેવી રીતે કરવો?

OneTag ની સુવિધા NHAIના Rajmargyatra મોબાઈલ એપ દ્વારા મળશે. આ એપમાં FASTagની બેંક બદલવાની પ્રકિયા પુરી કરવામાં આવશે. સૌથી પહેલા એપમાં લોગ ઈન કરવાનું રહેશે. તેમજ ગાડીનો રજિસ્ટ્રેશન નંબર નાંખો. ત્યારબાદ એપ પર બતાવવામાં આવેલ તમારી ગાડી OneTag માટે યોગ્ય છે કે, નહી. જો તમે બેંક બદલી શકો છો, તો આગળની પ્રક્રિયા શરૂ થશે. આમાં તમારી ઓળખ ચકાસવા, તમારી મંજૂરી આપવા અને નવી બેંક પસંદ કરવા જેવા પગલાં સામેલ હશે.

શું નવી બેંકમાં ફરીથી KYC કરવી પડશે?

બેંક બદલતી વખતે KYC કરવાની રહેશએ. KYCનો અર્થ બેંક તમારી ઓળખ અને જરુરી જાણકારી વિશે તપાસ કરશે. આ પ્રકિયામાં સૌથી પહેલા તમારે બેંકના 6 અંકના મોબાઈલ વેરિફિકેશન કોડ MVC મળશે. જેની મદદથી તમારી ઓળખની પુષ્ટિ થશે. ત્યારબાદ તમારે નવી બેંકને પસંદ કરવાની રહેશે. નવી બેંક તમારી KYC અને વોલેટ શરુ કરવાની પ્રકિયાને પુરી કરશે. આ બધું પૂર્ણ કર્યા પછી ફાસ્ટટેગ નવી બેંકની સાથે કામ કરવા લાગશે.

તમારા જૂના FASTag વોલેટમાં રહેલા પૈસાનું શું થશે?

બેંક બદલ્યા પછી, તમારું જૂનું FASTag વોલેટ બંધ થઈ જશે. જરૂરી હિસાબ અને કપાત પછી જૂની બેંકમાં બાકી રહેલા કોઈપણ ભંડોળ તમને પરત કરવામાં આવશે. આનો અર્થ એ છે કે બેંક બદલ્યા પછી તમારા જૂના વોલેટમાં રહેલા ભંડોળ માટે એક પ્રક્રિયા સ્થાપિત થઈ ગઈ છે. જો કે, પૈસા પરત કરતા પહેલા જૂની બેંક જરૂરી ચકાસણી અને હિસાબ પૂર્ણ કરશે.

શું તમારે નવું FASTag લેવાની જરૂર પડશે?

ના. OneTag ની ખાસ વિશેષતા એ છે કે બેંક બદલ્યા પછી પણ તમારા વાહન સાથે સંકળાયેલ FASTag ID એ જ રહેશે. તેથી, વિન્ડસ્ક્રીન પર પહેલાથી ઇન્સ્ટોલ કરેલ ટેગનો ઉપયોગ હજુ પણ કરી શકાય છે. એ નોંધવું યોગ્ય છે કે એકવાર તમે બેંક બદલો છો, પછી તમારે તમારા FASTag ને બીજી બેંકમાં ટ્રાન્સફર કરતા પહેલા છ મહિના રાહ જોવી પડશે. આને કૂલિંગ પીરિયડ કહેવામાં આવે છે.

OneTag શું છે?

OneTag એક એવી સુવિધા છે.જે NETC FASTag વપરાશકર્તાઓને જરૂર મુજબ બેંકો બદલવાની મંજૂરી આપે છે. આનાથી તેઓ નવું FASTag ખરીદવાની જરૂર વગર બેંકો બદલી શકે છે. તેનો હેતુ બેંક સ્વિચિંગ પ્રક્રિયાને સરળ બનાવવા અને ગ્રાહકોને વધુ વિકલ્પો પૂરા પાડવાનો છે.

FASTag એ ઇલેક્ટ્રોનિક ટોલ કલેક્શન સિસ્ટમ છે, જે ભારતમાં નેશનલ હાઇવે ઓથોરિટી દ્વારા સંચાલિત છે. અહી ક્લિક કરો