Knowledge: દુનિયામાં સૌથી સુંદર છે આ મહિલાનો ફેસ, જાણો કોણ છે તે વ્યક્તિ

દુનિયામાં સૌથી સુંદર ચહેરો કોનો છે? વિજ્ઞાને આ પ્રશ્નનો જવાબ આપ્યો છે. અમેરિકન એક્ટ્રસ એમ્બર હર્ડ (Amber Heard) દુનિયાની સૌથી સુંદર મહિલા છે. ફેસ-મેપિંગ ડેટા અનુસાર તેણીએ સુંદરતાની બાબતમાં કિમ કર્દાશિયન અને બ્રિટિશ સુપર મોડલ કેટ મોસને પણ પાછળ છોડી દીધા છે. ફેસની સુંદરતા માપવા માટે બ્યુટી ફીના (Beauty Phi) ગ્રીક ગોલ્ડન રેશિયોનો ઉપયોગ કરવામાં આવ્યો હતો. હજારો વર્ષોથી પરફેક્ટ ફેસને માપવા માટે તેને સીક્રેટ ફોર્મ્યુલા માનવામાં આવે છે. આ ફોર્મ્યુલા દ્વારા જાણવા મળ્યું કે 36 વર્ષીય એમ્બરનો ચહેરો 91.85% એક્યુરેટ છે. વૈજ્ઞાનિક રીતે મહિલાઓના સૌથી સુંદર ફેસને શોધી કાઢવામાં આવ્યા છે. આ શોધ બ્રિટિશ સર્જન દ્વારા કરવામાં આવી હતી. તેણે કહ્યું કે લેટેસ્ટ ફેશિયલ મેપિંગ ટેકનિક દ્વારા તેને અમેરિકન એક્ટ્રેસનો ફેસ સૌથી સુંદર લાગ્યો છે.

એમ્બરનો ટેસ્ટ લંડનના સર્જન ડો. જુલિયન ડી સિલ્વા દ્વારા કરવામાં આવ્યું હતું. તેમણે જણાવ્યું કે આ ટેસ્ટ લેટેસ્ટ ફેશિયલ મેપિંગ ટેકનિક દ્વારા કરવામાં આવ્યો હતો. ફોટોગ્રાફ્સમાં તેમની આંખો, ભમર, નાક, હોઠ, ચિન, જડબા અને ફેસના શેપ માપવામાં આવ્યા હતા. ફેસના 12 માર્કર બિંદુઓનું વિશ્લેષણ કરવામાં આવ્યું હતું. એમ્બરનો ફેસ Greek ratio of Phiમાં 91.85% એક્યુરેટ છે. ગ્રીકો માને છે કે બધી નેચરલ વસ્તુઓનો ગુણોત્તર હોય છે. તેઓ માને છે કે દુનિયાના સૌથી સુંદર ફેસની સીક્રેટ ફોર્મ્યુલા પણ આમાં છે.

એમ્બર હર્ડ

લંડનમાં સેન્ટર ફોર એડવાન્સ્ડ ફેશિયલ કોસ્મેટિક એન્ડ પ્લાસ્ટિક સર્જરી ચલાવતા ડો. જુલિયન ડી સિલ્વાએ કહ્યું – અમે નવી કોમ્પ્યુટર મેપિંગ ટેકનિકનો ઉપયોગ કરીએ છીએ. આ ટેક્નિક દ્વારા અમે સુંદર ફેસ પાછળના કેટલાક રહસ્યો શોધી કાઢ્યા છે. એમ્બર હર્ડ એક અમેરિકન અભિનેત્રી છે.

કિમ કર્દાશિયન

આ ટેકનિક દ્વારા કિમ કર્દાશિયનના ફેસનો પણ ટેસ્ટ કરવામાં આવ્યો હતો. તે સુંદરતામાં બીજા ક્રમે છે. તેનો ચહેરો 91.39% એક્યુરેટ છે. કિમ કર્દાશિયન એક અમેરિકન સોશ્યલાઇટ, મોડલ, મીડિયા વ્યક્તિત્વ અને બિઝનેસવુમન છે.

કેટ મોસ

સુંદરતાના મામલે કેટ મોસ ત્રીજા ક્રમે છે. તેનો ચહેરો 91.06% એક્યુરેટ છે. કેટ મોસ બ્રિટિશ મોડલ અને બિઝનેસવુમન છે.