આવતા વર્ષે વિશ્વમાં મંદી આવશે ! વર્લ્ડ બેંકે રિપોર્ટમાં અર્થવ્યવસ્થાને લઈને મોટી ચેતવણી આપી છે
આવતા વર્ષે વિશ્વમાં મંદી આવી શકે છે. વિશ્વ બેંકે તેના નવા અહેવાલમાં કહ્યું છે કે વિશ્વભરની કેન્દ્રીય બેંકો દ્વારા કડક નાણાકીય નીતિ વચ્ચે ફુગાવાને કાબૂમાં લેવા માટે ઉત્પાદન વધારવા અને પુરવઠાના મોરચે અવરોધો દૂર કરવાની જરૂર છે.
આવતા વર્ષે વિશ્વમાં (World)મંદી આવી શકે છે. વિશ્વ બેંકે (World bank) તેના નવા અહેવાલમાં કહ્યું છે કે વિશ્વભરની કેન્દ્રીય બેંકો દ્વારા કડક નાણાકીય નીતિ વચ્ચે ફુગાવાને કાબૂમાં લેવા માટે ઉત્પાદન વધારવા અને પુરવઠાના મોરચે અવરોધો દૂર કરવાની જરૂર છે. રિપોર્ટમાં કહેવામાં આવ્યું છે કે વૈશ્વિક મંદીના કેટલાક સંકેતો મળી રહ્યા છે. તે વધુમાં જણાવે છે કે વૈશ્વિક અર્થવ્યવસ્થા હવે વર્ષ 1970માં આવેલી મંદી (Economic recession)પછીના સૌથી મોટા ઘટાડા પર પહોંચી ગઈ છે.
વિશ્વભરમાં વધતા વ્યાજદર ચિંતાનું કારણ છે
કેન્દ્રીય બેંકો દ્વારા વ્યાજ દરમાં વધારો 4 ટકા સુધી પહોંચી શકે છે, જે વર્ષ 2021ની સરખામણીમાં બમણો છે. તેનાથી મોંઘવારી નિયંત્રણમાં રહેશે. વિશ્વ બેંકે કહ્યું કે ખાદ્ય અને તેલનો ફુગાવો 5 ટકા પર રાખવાનું લક્ષ્ય છે.
અમેરિકાથી લઈને યુરોપ અને ભારત સુધી તમામ દેશો આક્રમક રીતે વ્યાજદરમાં વધારો કરી રહ્યા છે. તેની પાછળનો હેતુ સસ્તા નાણાંના પુરવઠાને નિયંત્રિત કરીને ફુગાવાને ઘટાડવામાં મદદ કરવાનો છે. પરંતુ આવા કડક નાણાકીય પગલાંની કિંમત હોય છે. તેનાથી રોકાણ પર અસર થાય છે, નોકરી ગુમાવવાનો ભય રહે છે. અને વૃદ્ધિ પણ નીચે આવે છે. ભારત સહિત મોટાભાગના દેશો આ મુશ્કેલીમાંથી પસાર થઈ રહ્યા છે.
વૈશ્વિક વૃદ્ધિ ધીમી પડી
વિશ્વ બેંકના પ્રમુખ ડેવિડ માલપાસે ગુરુવારે રિપોર્ટ જાહેર કર્યા બાદ એક નિવેદનમાં કહ્યું કે વૈશ્વિક વિકાસ ઝડપથી ધીમો પડી રહ્યો છે. વધુ દેશો મંદીમાં જતા હોવાથી તેમાં વધુ ઘટાડો થવાની ધારણા છે. તેમણે કહ્યું કે તેમની ઊંડી ચિંતા એ છે કે આ વલણ ચાલુ રહેશે, જેના લાંબા ગાળાના પરિણામો આવશે, જે ઉભરતા બજારો અને વિકાસશીલ દેશોમાં રહેતા લોકો માટે ખૂબ જ નુકસાનકારક હશે.
યુક્રેન યુદ્ધ સહિત અનેક કારણોસર વિશ્વ વિક્રમી મોંઘવારીનો સામનો કરી રહ્યું છે. જેના કારણે ખાદ્યપદાર્થોના પુરવઠામાં વિક્ષેપ ઉભો થયો છે. આ સિવાય સપ્લાય ચેઈન પર પણ રોગચાળાની અસર થઈ છે. કોરોના લોકડાઉનને કારણે ચીનમાં માંગ નબળી રહી છે અને ખરાબ હવામાને કૃષિ ઉત્પાદનના અંદાજને પણ નુકસાન પહોંચાડ્યું છે. આંતરરાષ્ટ્રીય સમાચાર અહીં વાંચો.
Latest News Updates
