અમેરિકન સબમરીનને ટક્કરથી ન બચાવવા બદલ સજા ! કમાન્ડિંગ ઓફિસર સહિત નાવિકને નોકરીમાંથી કાઢ્યા
ગુઆમમાં યુએસએસ કનેક્ટિકટ સબમરીન નુકસાનનું મૂલ્યાંકન કર્યું હતું. આ પછી સબમરીનને સમારકામ માટે વોશિંગ્ટનના બ્રેમર્ટન સ્થિત બેઝ પર મોકલવામાં આવી હતી.
અમેરિકી નૌસેનાએ (US Navy) 2 ઓક્ટોબરના રોજ પાણીની અંદરના પહાડમાં દુર્ઘટનાગ્રસ્ત થનારી પરમાણુ સંચાલિત સબમરીનના કમાન્ડિંગ ઓફિસર, એક્ઝિક્યુટિવ ઓફિસર અને ટોચના ખલાસીઓને બરતરફ કર્યા છે. નેવીનું કહેવું છે કે આ દુર્ઘટનાને રોકી શકાઈ હોત.
વિવાદિત દક્ષિણ ચીન સાગરમાં સબમરીન દુર્ઘટનાની તપાસ બાદ ગુરુવારે કમાન્ડર કેમરન અલજીલાની અને અન્ય બેને તેમના પદ પરથી હટાવી દેવામાં આવ્યા હતા. અકસ્માતને કારણે, યુએસએસ કનેક્ટિકટને ગુઆમ પહોંચતા પહેલા એક અઠવાડિયા સુધી સપાટી પર રહેવું પડ્યું હતું.
વેસ્ટર્ન પેસિફિક સ્થિત 7મી ફ્લીટે (Western Pacific-based 7th Fleet) એક નિવેદનમાં જણાવ્યું હતું કે “સાચો નિર્ણય, વિવેકપૂર્ણ ચુકાદો અને નેવિગેશન પ્લાનિંગ વોચ ટીમ એક્ઝિક્યુશન અને રિસ્ક મેનેજમેન્ટમાં જરૂરી પ્રક્રિયાઓનું પાલન આ ઘટનાને અટકાવી શક્યું હોત.” ગુઆમમાં યુએસએસ કનેક્ટિકટ સબમરીન નુકસાનનું મૂલ્યાંકન કર્યું હતું.
આ પછી સબમરીનને સમારકામ માટે વોશિંગ્ટનના બ્રેમર્ટન સ્થિત બેઝ પર મોકલવામાં આવી હતી. ગયા અઠવાડિયે નેવીએ જણાવ્યું હતું કે તપાસમાં દર્શાવ્યું હતું કે સબમરીન સપાટીથી નીચે પેટ્રોલિંગ કરતી વખતે ખડક સાથે અથડાઈ હતી.
યુએસ નેવી સાઉથ ચાઈના સીમાં પેટ્રોલિંગ કરે છે સબમરીનની ટક્કરથી 11 ખલાસીઓ ઘાયલ થયા હતા. અહેવાલો અનુસાર, આ દુર્ઘટનામાં સબમરીનની આગળની ટેન્કોને નુકસાન થયું હતું, પરંતુ આ દુર્ઘટનામાં સબમરીનનો ન્યુક્લિયર પ્લાન્ટ બચી ગયો હતો. યુએસ નેવી નિયમિતપણે આ પ્રદેશમાં નાના ટાપુઓ, ખડકો અને બહારના વિસ્તારો પર કામગીરી કરે છે.
તેનો હેતુ વિવાદિત વિસ્તારોમાં ચીનને પડકારવાનો છે. અલજીલાનીના સ્થાને વચગાળાના કમાન્ડિંગ ઓફિસરની નિમણૂક કરવામાં આવી છે. અકસ્માતનું કારણ કેટલાંક અઠવાડિયાં સુધી રહસ્ય રહ્યું. યુએસ નેવીએ શરૂઆતમાં કહ્યું હતું કે પાણીની અંદરની વસ્તુ આંતરરાષ્ટ્રીય જળસીમામાં સબમરીન સાથે અથડાઈ હતી.
ચીન દક્ષિણ ચીન સાગર પર દાવો કરે છે યુએસએસ કનેક્ટિકટ એ સીવોલ્ફ-ક્લાસ ફાસ્ટ-એટેક સબમરીન યુએસએસ કનેક્ટિકટ (SSN 22) છે. ઘટના સમયે તેમાં 14 અધિકારીઓ સહિત 140 ક્રૂ હતા. નેવીએ કહ્યું કે સીવોલ્ફ જહાજ શાંત, ઝડપી, સારી રીતે સશસ્ત્ર અને અદ્યતન સેન્સરથી સજ્જ છે. તેમાં આઠ ટોર્પિડો ટ્યુબ પણ તૈનાત છે.
દક્ષિણ ચીન સમુદ્ર એ વિશ્વનો સૌથી વિવાદિત અને આર્થિક રીતે મહત્વપૂર્ણ જળમાર્ગ છે. ચીન તેની વિવાદાસ્પદ નવ-ડૅશ લાઇન હેઠળ લગભગ સમગ્ર પ્રદેશ પર દાવો કરે છે. બેઇજિંગે તાજેતરના વર્ષોમાં અહીં કૃત્રિમ ટાપુઓ બનાવ્યા છે અને સૈન્ય ચોકીઓ સ્થાપી છે. તાઈવાનની જેમ મલેશિયા, બ્રુનેઈ, વિયેતનામ અને ફિલિપાઈન્સ પણ સમુદ્રના ભાગો પર દાવો કરે છે.