ટેરિફ પર અમેરિકાએ લીધો ખૂબ મોટો નિર્ણય, શું હવે ટેરિફ વોર રોકાઇ જશે ?

ટેરિફને લઇને હવે અમેરિકાએ ખૂબ જ મોટો નિર્ણય લીધો છે. આ નિર્ણયથી માત્ર એક કે બે દેશ નહીં પરંતુ સમગ્ર દુનિયાના અલગ અલગ દેશ પર લાગેલા ટેરિફ નિર્ણય પર પણ અસર થઇ શકે છે.આ નિર્ણય પછી એવુ પણ લાગી રહ્યુ છે કે ટેરિફ વોર રોકાઇ પણ શકે છે. તો ચાલો હવે તમને જણાવીએ કે અમેરિકાએ એવો કયો મોટો નિર્ણય ટેરિફમને લઇને લીધો છે.

માહિતી એવી છે કે અમેરિકાએ ચીન પર ટેરિફ સસ્પેન્શનને વધુ લંબાવ્યું છે. યુએસ રાષ્ટ્રપતિ ડોનાલ્ડ ટ્રમ્પે ચીન પર ટેરિફ સસ્પેન્શનના નિર્ણયને વધુ 90 દિવસ માટે લંબાવવાનો નિર્ણય લીધો છે. આનાથી વિશ્વની બે સૌથી મોટી અર્થવ્યવસ્થાઓ વચ્ચે તણાવ ટળી ગયો છે. ટ્રમ્પે પોતાની ટ્રુથ સોશિયલ પોસ્ટમાં કહ્યું કે તેમણે એક્ઝિક્યુટિવ ઓર્ડર પર હસ્તાક્ષર કર્યા છે. આ પછી, ચીને પણ ટેરિફ સસ્પેન્શનને લંબાવવાનો નિર્ણય લીધો છે. આવી સ્થિતિમાં, શું હવે ટેરિફ યુદ્ધની ગરમી થોડી ઓછી થશે.

ડોનાલ્ડ ટ્રમ્પે 11 ઓગસ્ટ, 2025 ના રોજ ચીન પરના ટેરિફ સસ્પેન્શનને વધુ 90 દિવસ માટે લંબાવવાની જાહેરાત કરી છે તેમણે કહ્યું કે મેં એક એક્ઝિક્યુટિવ ઓર્ડર પર હસ્તાક્ષર કર્યા છે, જે ચીન પરના ટેરિફ સસ્પેન્શનને 90 દિવસ માટે લંબાવશે. કરારના બાકીના મુદ્દાઓ યથાવત રહેશે.

Donald J. Trump Truth Social 08.11.25 08:00 PM EST

I have just signed an Executive Order that will extend the Tariff Suspension on China for another 90 days. All other elements of the Agreement will remain the same. Thank you for your attention to this matter! DONALD J. TRUMP,…

— Fan Donald J. Trump Posts From Truth Social (@TrumpDailyPosts) August 12, 2025

ચીનથી જ ટેરિફ યુદ્ધ શરૂ થયું હતુ

આ વર્ષની શરૂઆતમાં, અમેરિકા અને ચીને એકબીજાના ઉત્પાદનો પર ભારે ટેરિફ લાદ્યા હતા, જે ત્રણ આંકડાના સ્તરે પહોંચી ગયા હતા. આના કારણે બંને દેશો વચ્ચે વેપારમાં ઘણી સમસ્યાઓ ઉભી થઈ હતી. પરંતુ, મે 2025 માં, બંને દેશોએ ટેરિફને અસ્થાયી રૂપે ઘટાડવાનો નિર્ણય લીધો. અગાઉની સમયમર્યાદા 12 ઓગસ્ટ, 2025 ના રોજ રાત્રે 12:01 વાગ્યે સમાપ્ત થવાની હતી. જો આવું થયું હોત, તો અમેરિકા ચીની આયાત પર પહેલાથી જ ૩૦% ટેરિફમાં વધુ વધારો કરી શક્યું હોત અને તેના જવાબમાં, ચીન અમેરિકન નિકાસ પર પણ તેના ટેરિફમાં વધારો કરી શકે છે.

ચીને પણ સસ્પેન્શન લંબાવ્યું

ચીને પણ અમેરિકા દ્વારા ટેરિફ સસ્પેન્શનના લંબાવાને પ્રતિક્રિયા આપી છે. ટ્રમ્પની જાહેરાત બાદ, ચીનના રાજ્ય મીડિયા શિન્હુઆ ન્યૂઝ એજન્સીએ અહેવાલ આપ્યો છે કે સ્ટોકહોમમાં યુએસ-ચીન વાટાઘાટો બાદ, બંને દેશોએ યુદ્ધવિરામ લંબાવવા માટે એક સંયુક્ત નિવેદન બહાર પાડ્યું છે. ચીને તેના અગાઉના ટેરિફ વધારાને 90 દિવસ માટે સ્થગિત કરી દીધો છે અને 10% ડ્યુટી જાળવી રાખી છે. શિન્હુઆ અનુસાર, ચીને જીનીવા સંયુક્ત ઘોષણા હેઠળ યુએસ સામે બિન-ટેરિફ પ્રતિ-પગલાંને સ્થગિત કરવા અથવા દૂર કરવા માટે જરૂરી પગલાં લેવાનું પણ વચન આપ્યું છે.

યુનાઈટેડ સ્ટેટ્સ, જે વિશ્વમાં યુનાઈટેડ સ્ટેટ્સ ઑફ અમેરિકા અથવા અમેરિકા તરીકે ઓળખાય છે, તે મુખ્યત્વે ઉત્તર અમેરિકામાં આવેલો દેશ છે. અમેરિકાના અન્ય સમાચાર વાંચવા અહીં ક્લિક કરો..