કેનેડામાં ભારતીય વિદ્યાર્થી હરસિમરત રંધાવાની હત્યાથી ચકચાર, જાણો પોલીસે શું કહ્યું, જુઓ Video

કેનેડાના ઓન્ટારિયો પ્રાંતના હેમિલ્ટનમાં રહેતી ભારતીય વિદ્યાર્થી હરસિમરત રંધાવાની ગોળી મારીને હત્યા કરવામાં આવી છે. 21 વર્ષની હરસિમરત મેહોક કોલેજમાં અભ્યાસ કરતી હતી અને ઘટના સમયે બસ સ્ટોપ પર બસની રાહ જોઈ રહી હતી.

ગુનાની ઘટના કેવી રીતે બની?

સ્થાનિક પોલીસ અનુસાર, ઘટના સમયે બે જૂથો વચ્ચે ગેંગ સંબંધિત અથડામણ ચાલી રહી હતી. બંને જૂથો એકબીજા પર ગોળીબાર કરી રહ્યા હતા. એ સમયે હરસિમરત પણ ત્યાં હાજર હતી અને એક ગોળી ભૂલથી વિદ્યાર્થીનીને લાગી ગઈ.

તાત્કાલિક હોસ્પિટલ ખસેડાયા છતાં બચી શકી નહિ

પોલીસે હરસિમરતને ગંભીર હાલતમાં હોસ્પિટલમાં ખસેડી હતી, પરંતુ સારવાર દરમિયાન તેનું મૃત્યુ થયું. ગોળી ખાસ કરીને છાતી નજીક લાગી હતી, જેને કારણે તેનું વધુ નુકસાન થયું.

We are deeply saddened by the tragic death of Indian student Harsimrat Randhawa in Hamilton, Ontario. As per local police, she was an innocent victim, fatally struck by a stray bullet during a shooting incident involving two vehicles. A homicide investigation is currently…

— IndiainToronto (@IndiainToronto) April 18, 2025

ભારતીય દૂતાવાસનો સંપર્ક

ટોરોન્ટો સ્થિત ભારતીય દૂતાવાસે પોતાનો શોક વ્યક્ત કરતાં જણાવ્યું હતું કે તેઓ હરસિમરતના પરિવારના સંપર્કમાં છે અને તમામ સહાય આપી રહ્યા છે. દૂતાવાસએ કહ્યું, “અમે આ દુઃખદ ક્ષણે હરસિમરતના પરિવાર સાથે ઊભા છીએ.”

#WATCH: Chief Frank Bergen Of Hamilton Police Services Sends Strong Message To The “Thugs” Involved In Shooting That Took The Life Of An Innocent Bystander ‘Harsimrat Randhawa’ ️ pic.twitter.com/saLoDK1xyQ

— 401_da_sarpanch (@401_da_sarpanch) April 18, 2025

પોલીસ તપાસ અને સીસીટીવીથી મળેલી જાણકારી

પોલીસે નજીકના સીસીટીવી ફૂટેજના આધારે શોધખોળ શરૂ કરી છે. ફૂટેજમાં દેખાઈ રહ્યું છે કે કાળી કારમાં બેઠેલા શખ્સે ગોળીબાર કર્યો અને ત્યારબાદ ઘટનાસ્થળેથી ફરાર થઈ ગયો. હાલમાં આરોપીની શોધ ચાલુ છે.

સામાજિક સ્તરે આઘાત

આ ઘટના બાદ કેનેડામાં અભ્યાસ કરતાં ભારતીય વિદ્યાર્થીઓમાં ભયનો માહોલ છવાઈ ગયો છે. ઘણા ભારતીયો માટે આ ઘટના ચિંતાજનક બની છે, ખાસ કરીને એ માટે જે અભ્યાસ માટે વિદેશ જતા હોય.