Philippine Shooting: ફિલિપાઈન્સની યુનિવર્સિટીમાં ફાયરિંગ, બંદૂકધારીએ વરસાવી આડેધડ ગોળીઓ, ત્રણ લોકોના થયા મોત
ફિલિપાઈન્સની એક યુનિવર્સિટીમાં (philippines university shooting) રવિવારે થયેલા ગોળીબારમાં ત્રણ લોકોના મોત થયા છે અને એક વ્યક્તિ ઘાયલ થયો છે.
ફિલિપાઈન્સની એક યુનિવર્સિટીમાં (philippines university shooting) રવિવારે થયેલા ગોળીબારમાં ત્રણ લોકોના મોત થયા છે અને એક વ્યક્તિ ઘાયલ થયો છે. અધિકારીઓએ આ માહિતી આપી હતી. પોલીસે જણાવ્યું હતું કે, બે બંદૂકધારીઓએ ક્વિઝોન સિટીમાં એટેનિયો ડી મનિલા યુનિવર્સિટીના દરવાજા પાસે ગોળીબાર કર્યો હતો, ત્યારબાદ તેને પકડી લેવામાં આવ્યા હતા. અધિકારીઓએ જણાવ્યું કે, હુમલામાં માર્યા ગયેલા લોકોમાં દક્ષિણ બેસિલાન પ્રાંતના લેમિતાન શહેરના ભૂતપૂર્વ મેયર રોસિતા ફ્યુરીગેનો સમાવેશ થાય છે.
સુપ્રીમ કોર્ટના મુખ્ય ન્યાયાધીશ એલેક્ઝાન્ડ્રે ગેસમુન્ડો યુનિવર્સિટીમાં આયોજિત એક કાર્યક્રમને સંબોધવાના હતા. હુમલા સમયે તેઓ યુનિવર્સિટી જવા રવાના થયા હતા, ત્યારબાદ તેમને પાછા ફરવાની સલાહ આપવામાં આવી હતી. ક્વિઝોનના મેયર જોય બેલમોન્ટે હુમલાની નિંદા કરી હતી.
અહીં જુઓ વીડિયો
BREAKING 🇵🇭 : 2 people dead and at least two more wounded in a shooting incident at university graduation in #Manila, the capital city – Philippine police
♦️The suspect is already in police custody & under interrogation – Police chief Remus Medina told CNN #Philippines pic.twitter.com/VcOD9TEZpj
— Zaid Ahmd (@realzaidzayn) July 24, 2022
આ ઘટના બાદ યુનિવર્સિટીએ પદવીદાન સમારોહ રદ્દ કરી દીધો
તે જ સમયે, આ ઘટના પછી, એટેનિયો ડી મનીલા યુનિવર્સિટીએ પદવીદાન સમારોહ રદ કર્યો. યુનિવર્સિટીએ વધુમાં જણાવ્યું હતું કે અમે ઘટનાનો સામનો કરવા માટે એટેનિયો પોલીસ અને અન્ય અધિકારીઓ સાથે મળીને કામ કરી રહ્યા છીએ.
Announcement
Due to the incident at Areté, the 2022 Commencement Exercises of the Ateneo Law School scheduled for today, 24 July 2022, has been cancelled.
Ateneo is continuing to work with the police and other authorities to deal with the incident.
— Ateneo de Manila University (@ateneodemanilau) July 24, 2022
ઉલ્લેખનીય છે કે, આ દિવસોમાં અમેરિકામાં ફાયરિંગની ઘટનાઓ અટકવાનું નામ નથી લઈ રહી. અમેરિકાના રેન્ટનમાં ગોળીબારની ઘટનામાં એક વ્યક્તિનું મોત થયું છે અને પાંચ લોકો ઘાયલ થયા છે. ગોળીબારની ઘટના રવિવારે સવારે લગભગ 1 વાગ્યે બની હતી, જે બાદ આસપાસના વિસ્તારોમાં ખળભળાટ મચી ગયો હતો. આ પહેલા શુક્રવારે અમેરિકાના પૂર્વ આયોવાના એક પાર્કમાં એક પરિવારના ત્રણ સભ્યોની ગોળી મારીને હત્યા કરવામાં આવી હતી. બાદમાં શંકાસ્પદ બંદૂકધારીએ પણ ગોળી મારીને આત્મહત્યા કરી લીધી હતી.
(ભાષાના ઇનપુટ સાથે)