ઈઝરાયેલ-ઈરાન યુદ્ધની આડમાં ગુજરાતના એક્સપોર્ટ હબ પર ‘સર્જિકલ સ્ટ્રાઈક’ ! ગુજરાતના 6 પાયાના ઉદ્યોગોને કોણ કરી રહ્યું છે બરબાદ?

ઈઝરાયેલ અને ઈરાન વચ્ચે જે જંગ ખેલાઈ રહ્યો છે, તે માત્ર મિસાઈલોનો ખેલ નથી. આ રમતની સીધી અસર ગુજરાતના ઉદ્યોગોના પાયા હચમચાવી રહી છે. શું આ કોઈ આંતરરાષ્ટ્રીય આર્થિક હુમલો છે? ગુજરાતના એક્સપોર્ટ હબ પર એવી રીતે વાર કરવામાં આવ્યો છે કે જેની કલ્પના પણ કોઈએ કરી નહોતી. અંકલેશ્વર અને દહેજની ફેક્ટરીઓમાં અચાનક કાચા માલની અછત કેમ ઊભી થઈ? ક્રૂડ ઓઈલના ભાવ વધારા પાછળ માત્ર યુદ્ધ જવાબદાર છે કે પછી સપ્લાય ચેઈનને જાણીજોઈને ગૂંચવવામાં આવી રહી છે? જો સ્થિતિ જલ્દી નહીં સુધરે, તો પ્લાસ્ટિક અને પેઈન્ટ ઉદ્યોગમાં એવો ‘બ્લેકઆઉટ’ આવશે જેની અસર દરેક ગુજરાતીના રસોડા સુધી પહોંચશે.

દુનિયાના 90% હીરા સુરતમાં ઘસાય છે, પણ અત્યારે ત્યાં મૌન છવાયેલું છે. અમેરિકા અને યુરોપના ઓર્ડર્સ અચાનક ગાયબ થવા પાછળ શું માત્ર યુદ્ધ છે કે કોઈ નવો આર્થિક એજન્ડા? રત્નકલાકારોની રોજીરોટી છીનવાઈ રહી છે અને તેની પાછળના અસલી કારણો હજુ પણ પડદા પાછળ છે. મોરબીની ટાઈલ્સ દુનિયામાં ધૂમ મચાવતી હતી, પણ હવે કન્ટેનરના ભાડા અને ઈન્સ્યોરન્સના નામે એવો ખેલ ખેલાયો છે કે નિકાસ કરવી અશક્ય બની ગઈ છે. મિડલ ઈસ્ટના માર્કેટ પર કોણ કબજો જમાવવા માંગે છે? શું યુદ્ધના બહાને ગુજરાતના આ ઉદ્યોગને તોડવામાં આવી રહ્યો છે?
કંડલા અને મુંદ્રા પોર્ટ પર જહાજોની અવરજવર પર અદ્રશ્ય બ્રેક લાગી ગઈ છે. હોર્મુઝની સામુદ્રધુનીમાં એવું તો શું છે કે તેલના ટેન્કરો અટકી પડ્યા છે? ગુજરાતના દરિયાકાંઠે ફેલાયેલી આ શાંતિ આવનારા મોટા આર્થિક ભૂકંપનો સંકેત આપી રહી છે.

ઉત્તર ગુજરાત અને સૌરાષ્ટ્રના ખેડૂતોનું જીરું અને મગફળી ઈરાન જતા અટકી ગયા છે. જ્યારે પાક તૈયાર છે ત્યારે જ માર્ગો કેમ બંધ થયા? આ સંજોગો ખેડૂતોને પાયમાલ કરવા માટે પૂરતા છે. શું આ અછત પાછળ સંગ્રહખોરોનો મોટો હાથ છે?

દવાઓના કાચા માલ (API) માટે હવે લોજિસ્ટિક્સના નામે મોટી રકમ વસૂલવામાં આવી રહી છે. જીવનરક્ષક દવાઓના ભાવ વધશે તો જવાબદાર કોણ? શું આ યુદ્ધના બહાને મોટી દવા કંપનીઓના નફા પર તરાપ મારવામાં આવી રહી છે? ડાયમેન્ડ જ્વેલરી પર ડ્યુટી ઘટાડવાનો ઉત્સાહ ગણતરીના દિવસોમાં જ કેમ ઓગળી ગયો? જ્યારે ડિમાન્ડ જ ગાયબ કરી દેવામાં આવી હોય ત્યારે ટેરિફના ફાયદાનો શું અર્થ? આ આખી નિકાસ સાંકળને જાણીજોઈને તોડવામાં આવી હોવાની આશંકા છે.

ઈરાન પર હુમલામાં બદલાયું દુનિયાનું ‘ઓઈલ પોલિટિક્સ’: રશિયા ફરી પિક્ચરમાં આવ્યું, શું ભારતને મળશે સસ્તું તેલ ?, વાંચવા માટે અહીં ક્લિક કરો