Big Breaking : એક ફોન કોલ અને અટકી ગયું અફઘાનિસ્તાન-પાકિસ્તાન યુદ્ધ! જાણો કોનો ફોન હતો?

તાલિબાન પ્રવક્તા ઝબીહુલ્લાહ મુજાહિદે રવિવારે જાહેરાત કરી હતી કે અફઘાનિસ્તાન અને પાકિસ્તાન વચ્ચેનો સંઘર્ષ હવે શાંત થઈ ગયો છે. દરમિયાન, તાલિબાને અગાઉ એક મહત્વપૂર્ણ દાવો કર્યો હતો. શનિવારે પાકિસ્તાન સાથેની અફઘાનિસ્તાનમાં 58 પાકિસ્તાની સૈનિકો માર્યા ગયા હતા, જ્યારે આ ઘટનામાં 9 અફઘાન સૈનિકો પણ માર્યા ગયા હતા અને 16 ઘાયલ થયા હતા, એમ તાલિબાને જણાવ્યું હતું.

અફઘાન મીડિયા આઉટલેટ ટોલો ન્યૂઝ અનુસાર, પાકિસ્તાને અફઘાનિસ્તાનના કાબુલ પર હવાઈ હુમલો કર્યો હતો અને હવાઈ હુમલાના જવાબમાં અફઘાનિસ્તાન દ્વારા સંઘર્ષ શરૂ થયો અને યુદ્ધ શરૂ થયું. પાકિસ્તાની હવાઈ હુમલા બાદ, ઘણા કલાકો સુધી ગોળીબાર ચાલુ રહ્યો.

દરમિયાન, અફઘાનિસ્તાન અને પાકિસ્તાન વચ્ચે યુદ્ધ બંધ થઈ ગયું છે, તાલિબાન પ્રવક્તા ઝબીહુલ્લાહ મુજાહિદે પુષ્ટિ આપી. મુજાહિદે કહ્યું, “કતાર અને સાઉદી અરેબિયાની મધ્યસ્થીથી, અમે આ સંઘર્ષ બંધ કરવાનો નિર્ણય લીધો. અમે હવે સરહદી લડાઈ બંધ કરી દીધી છે. અમે અમારા પ્રદેશમાં શાંતિ ઇચ્છીએ છીએ.” દરમિયાન, ઈરાન, સાઉદી અરેબિયા અને કતારએ અફઘાનિસ્તાન અને પાકિસ્તાન વચ્ચેના સંઘર્ષ પર ચિંતા વ્યક્ત કરી છે.

કતારના વિદેશ મંત્રીએ આપ્યું નિવેદન

આ અંગે બોલતા, સાઉદી અરેબિયાના વિદેશ મંત્રીએ કહ્યું, “અમને અફઘાનિસ્તાન અને પાકિસ્તાન વચ્ચે ચાલી રહેલા સંઘર્ષ અંગે ચિંતા છે. બંને દેશોએ સંયમ રાખવો જોઈએ, અને કોઈપણ સમસ્યાનો ઉકેલ વાતચીત દ્વારા લાવી શકાય છે.” કતારના વિદેશ મંત્રીએ જવાબ આપતા કહ્યું, “અમે બંને દેશો વચ્ચે શાંતિ સુનિશ્ચિત કરવા માટે અમારા શ્રેષ્ઠ પ્રયાસો કરીશું.” ઈરાને પણ જવાબ આપતા કહ્યું છે કે, “અફઘાનિસ્તાન અને પાકિસ્તાને સંયમ રાખવો જોઈએ. પાકિસ્તાન અને અફઘાનિસ્તાનમાં સ્થિરતાનો અર્થ સમગ્ર ક્ષેત્રમાં સ્થિરતા છે.”

કેટલાક લોકો સંબંધોને બગાડવા માંગે છે – અમીર ખાન

આ દરમિયાન, ભારતની મુલાકાતે આવેલા અફઘાનિસ્તાનના વિદેશ મંત્રી અમીર ખાન મુત્તકીએ પણ જવાબ આપતા કહ્યું, “અમે પાકિસ્તાન સાથે સારા સંબંધો ઇચ્છીએ છીએ, પરંતુ કેટલાક લોકો આ સંબંધોને બગાડવા માંગે છે. અમે સરહદ પર કોઈ તણાવ ઇચ્છતા નથી, પરંતુ જો અમારા પર હુમલો થાય છે, તો અમે જાણીએ છીએ કે પોતાનો બચાવ કેવી રીતે કરવો; પરિણામો ભયંકર હશે.” તેમણે પાકિસ્તાનને ચેતવણી પણ આપી.

બોર્ડર પર તાલિબાન અને પાકિસ્તાની સેના વચ્ચે વધ્યો તણાવ, થયો ભારે ગોળીબાર, વીડિયો જોવા અહીં ક્લિક કરો..