Russia-Ukraine War: પુતિનની પરમાણુ ધમકી પર અમેરિકાનો વળતો પ્રહાર, જો બાઈડેને પરમાણુ હથિયારોને હાઈ એલર્ટ પર રાખ્યા
રશિયાના રાષ્ટ્રપતિ વ્લાદિમીર પુતિને બે દિવસ પહેલા રશિયન ન્યુક્લિયર ડિટરન્સ ફોર્સને એલર્ટ પર રહેવાનો આદેશ આપ્યો હતો.
Russia-Ukraine War: રશિયાના રાષ્ટ્રપતિ વ્લાદિમીર પુતિન(Russian President Vladimir Putin)ની પરમાણુ બોમ્બ હુમલાની ધમકી પર અમેરિકાએ જવાબી કાર્યવાહી કરી છે. અમેરિકી રાષ્ટ્રપતિ જો બિડેને(US President Joe Biden) પરમાણુ હથિયારોને હાઈ એલર્ટ પર રાખ્યા છે. આ સાથે ન્યુક્લિયર કમાન્ડ(nuclear bomb)ને પણ હાઈ એલર્ટ પર રાખવામાં આવ્યું છે.
વ્હાઇટ હાઉસે(White House)કહ્યું કે અમે યુરોપની સંપૂર્ણ સુરક્ષા કરીશું. બિડેને અમેરિકન નાગરિકોને કહ્યું કે પરમાણુ યુદ્ધથી ડરવાની જરૂર નથી અને અમેરિકા દરેક હુમલાનો જવાબ આપી શકે છે.બિડેને પેન્ટાગોનને સતર્ક રહેવા કહ્યું છે. યુએસ પ્રમુખ જો બિડેને યુક્રેન પર રશિયાના બિનઉશ્કેરણીજનક યુદ્ધ અંગે ચર્ચા કરવા માટે મિત્ર દેશો અને ભાગીદારો સાથે વાત કરી હતી. એ પણ કહ્યું કે અમે યુક્રેનના લોકો માટે અમારું સમર્થન ચાલુ રાખીએ છીએ, કારણ કે તેઓ તેમના દેશની સુરક્ષા કરી રહ્યા છે.
તે જ સમયે અમેરિકી વિદેશ વિભાગના પ્રવક્તા નેડ પ્રાઈસે કહ્યું કે અમે રશિયાની નાણાકીય વ્યવસ્થા વિરુદ્ધ વધુ પગલાં લીધા છે. અમે SWIFT થી મોટી રશિયન બેંકોને ડિસ્કનેક્ટ કરી રહ્યા છીએ. રશિયા સેન્ટ્રલ બેંક સામે પ્રતિબંધિત પગલાં લાગુ કરી રહ્યું છે અને સંયુક્ત ટાસ્ક ફોર્સની સ્થાપના કરી રહ્યું છે. એ પણ કહ્યું કે યુક્રેનના ફ્રન્ટલાઈન ડિફેન્ડર્સના સમર્થનમાં છેલ્લા વર્ષ માટે અમારી કુલ સુરક્ષા સહાય 1 બિલિયન ડોલરથી વધુ છે અમે માનવતાવાદી સહાયમાં આશરે $54 મિલિયનની વધારાની જોગવાઈની જાહેરાત કરીએ છીએ. અમે અમેરિકી નાગરિકોને સલાહ આપી છે કે તેઓ તુરંત જ રશિયા છોડવાનું વિચારે અને વ્યવસાયિક વિકલ્પ હજુ પણ ઉપલબ્ધ છે. આજે યુએસ કાઉન્સિલના 49મા નિયમિત સત્રમાં UNHRCમાં જોડાયું. 1 માર્ચે સેક્રેટરી બ્લિંકન કાઉન્સિલને સંબોધશે.
We took further measures against Russia’s financial systems; we have sanctioned Putin himself, we’re disconnecting key Russian banks from SWIFT, imposed restrictive measures against Russia’s central bank & standing up a joint task force: US State Department Spox Ned Price pic.twitter.com/1rhX76mrZT
— ANI (@ANI) February 28, 2022
રશિયાના રાષ્ટ્રપતિ વ્લાદિમીર પુતિને બે દિવસ પહેલા રશિયન ન્યુક્લિયર ડિટરન્સ ફોર્સને એલર્ટ પર રહેવાનો આદેશ આપ્યો હતો. યુક્રેન પર હુમલા પહેલા પોતાના ભાષણમાં વ્લાદિમીર પુતિને દુનિયાના તમામ દેશોને ધમકી આપી હતી કે જો તેઓ દખલ કરવાનો પ્રયાસ કરશે તો તેમની પાસે હથિયાર પણ છે. પુતિનના ઈરાદાઓથી સ્પષ્ટ છે કે યુક્રેનમાં ચાલી રહેલ યુદ્ધ પરમાણુ યુદ્ધમાં ફેરવાઈ શકે છે. છેલ્લા કેટલાક દાયકાઓમાં વિશ્વના ઇતિહાસમાં આવું બન્યું નથી, જ્યારે કોઈ દેશે ખુલ્લેઆમ પરમાણુ હુમલાની ધમકી આપી હોય.
ઝેલેન્સકીના પૂર્વ પ્રવક્તા યુલિયા મંડેલે સહયોગી ચેનલ ચીવી 9 ભારત વર્ષને જણાવ્યું હતુ કે, રશિયન રાષ્ટ્રપતિ વ્લાદિમીર પુતિન ગમે ત્યારે પરમાણુ બોમ્બથી હુમલો કરી શકે છે. એટલું જ નહીં, તેણે એમ પણ કહ્યું કે માત્ર યુક્રેન પર જ નહીં પરંતુ અન્ય દેશો પર પણ પરમાણુ હુમલો થઈ શકે છે. યુલિયાએ વધુમાં કહ્યું કે પુતિન પર પરમાણુ હુમલાની શક્યતા વધુ છે. ઝેલેન્સકીના ભૂતપૂર્વ પ્રવક્તા યુલિયાએ કહ્યું કે પોલેન્ડ, મોલ્ડોઆ અને ફિનલેન્ડ પુતિનનું આગામી લક્ષ્ય હોઈ શકે છે. તે જ સમયે, પોલેન્ડના 74 ટકા લોકોનું કહેવું છે કે પુતિન પરમાણુ હુમલો કરી શકે છે.
Latest News Updates
