ફેબ્રુઆરીમાં થયેલ મીટિંગના મુદ્દાઓ અંગે પ્રધાનમંત્રી નરેન્દ્ર મોદીએ એલોન મસ્ક સાથે ફરી કરી વાતચીત

પ્રધાનમંત્રી નરેન્દ્ર મોદીએ 18 એપ્રિલના રોજ ટેસ્લાના સીઈઓ એલોન મસ્ક સાથે ફરી વાત કરી. પ્રધાનમંત્રી નરેન્દ્ર મોદીએ ટેસ્લાના સીઈઓ એલોન મસ્ક સાથે આ વર્ષમાં બીજીવાર ચર્ચા-વિચારણા કરી છે.

બંને મહાનુભાવોએ ટેકનોલોજી અને ઇનોવેશનના ક્ષેત્રોમાં સહયોગની સંભાવનાઓ વિશે ચર્ચા કરી છે. ફેબ્રુઆરીની શરૂઆતમાં, બંને વોશિંગ્ટન ડીસીમાં સાથે જોવા મળ્યા હતા. એલોન મસ્ક સાથેની વાતચીત અંગે પીએમ મોદીએ સોશિયલ મીડિયા પર પોસ્ટ પણ શેર કરી હતી.

પ્રધાનમંત્રી નરેન્દ્ર મોદીએ આજે ​​એટલે કે 18 એપ્રિલના રોજ ટેસ્લાના સીઈઓ એલોન મસ્કની સાથે વાતચીત કરી છે. PM નરેન્દ્ર મોદીએ આ અંગેની માહિતી સોશિયલ મીડિયા પર શેર કરી છે. આ પહેલા ફેબ્રુઆરીમાં પીએમ મોદી અને એલોન મસ્ક વચ્ચે મુલાકાત થઈ હતી.

Spoke to @elonmusk and talked about various issues, including the topics we covered during our meeting in Washington DC earlier this year. We discussed the immense potential for collaboration in the areas of technology and innovation. India remains committed to advancing our…

— Narendra Modi (@narendramodi) April 18, 2025

પીએમ મોદીએ સોશિયલ મીડિયા પ્લેટફોર્મ X પર પોસ્ટ કરી અને લખ્યું કે, તેમણે એલોન મસ્ક સાથે ચર્ચા કરી અને વિવિધ મુદ્દાઓને લઈને વિચાર વિમર્શ કર્યા છે. તેમણે આગળ લખ્યું કે, અમે ટેકનોલોજી અને ઇનોવેશનના ક્ષેત્રોમાં સહયોગની શક્યતાઓ પર ચર્ચા કરી છે. ભારત આ ક્ષેત્રોમાં અમેરિકા સાથે તેની ભાગીદારી આગળ વધારવા માટે પ્રતિબદ્ધ છે.

યુનાઈટેડ સ્ટેટ્સ, જે વિશ્વમાં યુનાઈટેડ સ્ટેટ્સ ઑફ અમેરિકા અથવા અમેરિકા તરીકે ઓળખાય છે, તે મુખ્યત્વે ઉત્તર અમેરિકામાં આવેલો દેશ છે. અમેરિકાના અન્ય સમાચાર વાંચવા માટે અહીં ક્લિક કરો..