અમેરિકામાં બરફના તોફાનથી હાહાકાર, 1000થી વધુ ફ્લાઈટ્સ રદ
આ મહિનાની શરૂઆતમાં સાઉથવેસ્ટ એરલાઈન્સે રજાના સમયમાં 16,700 ફ્લાઈટ્સ રદ કરવા બદલ યુએસ સરકાર વિરોધનો સામનો કરવો પડ્યો હતો કારણ કે તે ખરાબ હવામાન અને જૂની ટેકનોલોજીના વિમાન હતા.
અમેરિકામાં બરફના તોફાનના કારણે ફ્લાઈટને ઘણી અસર થઈ છે. તીવ્ર વાવાઝોડાને કારણે યુનાઇટેડ સ્ટેટ્સમાં 1,000થી વધુ ફ્લાઇટ્સ સોમવારે રદ કરવામાં આવી હતી, જેમાંથી લગભગ અડધા સાઉથવેસ્ટ એરલાઇન્સની હતી, ફ્લાઇટ-ટ્રેકિંગ સેવા ફ્લાઇટઅવેરના જણાવ્યા અનુસાર સોમવારે સાંજે 6:00 વાગ્યા સુધીમાં કુલ 1019 ફ્લાઇટ્સ રદ કરવામાં આવી હતી.
આ મહિનાની શરૂઆતમાં સાઉથવેસ્ટ એરલાઈન્સે રજાના સમયમાં 16,700 ફ્લાઈટ્સ રદ કરવા બદલ યુએસ સરકાર વિરોધનો સામનો કરવો પડ્યો હતો કારણ કે તે ખરાબ હવામાન અને જૂની ટેકનોલોજીના વિમાન હતા.
બરફના તોફાનના કારણે હવાઈ સેવા પ્રભાવિત
કંપનીએ તેના સોમવારના શેડ્યૂલના લગભગ 12 ટકા રદ કર્યા છે, જ્યારે અમેરિકન એરલાઇન્સ ગ્રુપ ઇન્કએ 6 ટકા અથવા 200 ફ્લાઇટ્સ રદ કરી છે. મંગળવાર માટે અત્યાર સુધીમાં યુ.એસ.માં અથવા બહારની કુલ 797 ફ્લાઇટ્સ રદ થઈ છે.
કંપનીઓએ આપી ઓફર
સાઉથવેસ્ટ એરલાઇન્સ અને અન્ય મુખ્ય અમેરિકન એરલાઇન્સે શિયાળામાં ઓફર હેઠળ ડિસ્કાઉન્ટ જાહેર કર્યું છે. આમાં, જો ગ્રાહકે બુક કરેલી ટિકિટ પર તેના પ્રવાસના કાર્યક્રમમાં ફેરફાર કરવા માંગે છે, તો તે ભાડામાં કોઈ તફાવત વિના તે કરી શકે છે.
ભારે વાવાઝોડાને કારણે મોટુ નુકસાન
તમને જણાવી દઈએ કે અમેરિકાના ઘણા ભાગોમાં ભારે વાવાઝોડાને કારણે ભારે નુકસાન થયું છે. મધ્ય અલાબામા અને જ્યોર્જિયામાં તાજેતરમાં વાવાઝોડાને કારણે ઘણા લોકોના મોત થયા છે. ઉત્તરપૂર્વીય અલાબામામાં ઓટૌગા કાઉન્ટીમાં અનેક ઘરોને નુકસાન થયું છે. ફેડરલ એવિએશન સિસ્ટમમાં ટેક્નિકલ ખામીને કારણે એક જ મહિનામાં યુએસમાં સેંકડો ફ્લાઇટ્સ રદ કરવામાં આવી હતી. અમેરિકામાં ફ્લાઈટ્સ રદ થવાની અસર અન્ય દેશોની ફ્લાઈટ્સ પર પણ પડી હતી.
11 જાન્યુઆરીએ પણ 1200 ફ્લાઈટ્સ મોડી પડી અને 93 રદ કરવામાં આવી
અમેરિકામાં ઉડાન સેવા ઠપ્પ થઈ ગઈ છે. તમામ વિમાની સેવાને અટકાવી દેવામાં આવી છે. ટેક્નિકલ ખરાબીના કારણે ઉડાન સેવા પર મોટી અસર પડી છે. ફેડરલ એવિએશન એડમિનિસ્ટ્રેશનના કોમ્પ્યુટરમાં ખરાબી બાદ વિમાની સેવા પર અસર પડી છે. અમેરિકાના તમામ એરપોર્ટ પર હજારો મુસાફરો ફસાયેલા છે. સિસ્ટમને પુનઃસ્થાપિત કરવાના પ્રયાસો કરવામાં આવી રહ્યા છે.
તંત્ર કેટલા સમય સુધી પુનઃપ્રાપ્ત કરવામાં સક્ષમ હશે તે અંગે કંઈ જાણી શકાયું નથી. ફેડરલ એવિએશન એડમિનિસ્ટ્રેશને પુષ્ટિ કરી છે કે યુનાઈટેડ સ્ટેટ્સ નોટિસ ટુ એર મિશન (NOTAM) સિસ્ટમ નિષ્ફળ ગઈ છે. પાયલોટને ફ્લાઇટની સ્થિતિ સંબંધિત પરિસ્થિતિઓ વિશે જાણ કરવામાં આવી છે. પ્લેન ઉપડતા પહેલા તે જરૂરી છે.