પાકિસ્તાનની પ્રથમ હિંદુ મહિલા DSP બની મનીષા રોપેટા, પુરુષ પ્રભુત્વ ધરાવતા દેશમાં મહિલાઓ માટે રોલ મોડલ તરીકે ઉભરી
પાકિસ્તાન એક પુરૂષ પ્રભુત્વ ધરાવતો દેશ છે, જ્યાં સમાજ અને સંસ્કૃતિ મહિલાઓ માટે પોલીસ ફોર્સમાં જોડાવવું ખૂબ જ મુશ્કેલ માને છે. આવા સામાજીક અવરોધોને તોડીને મનીષા મહિલાઓ માટે એક આદર્શ તરીકે ઉભરી છે.
પાકિસ્તાનના સિંધ પોલીસમાં 26 વર્ષની મનીષા રોપેટા (Manisha Ropeta) વરિષ્ઠ પોલીસ અધિકારી બની છે. તે પાકિસ્તાનમાં (Pakistan) લઘુમતી હિન્દુ સમુદાયની પ્રથમ મહિલા નાયબ પોલીસ અધિક્ષક (DSP) છે. પાકિસ્તાન એક પુરુષ પ્રભુત્વ ધરાવતો દેશ છે, જ્યાં સમાજ અને સંસ્કૃતિમાં મહિલાઓ માટે પોલીસ ફોર્સમાં જોડાવવું ખૂબ જ મુશ્કેલ માનવામાં આવે છે. આવા સામાજીક અને સાંસ્કૃતિક તમામ અવરોધોને તોડીને મનીષા રોપેટા મહિલાઓ માટે એક આદર્શ તરીકે ઉભરી છે.
સિંધના જેકોબાબાદ વિસ્તારની રહેવાસી રોપેટા કહે છે, “નાનપણથી જ મેં અને મારી બહેનોએ પિતૃસત્તાની એ જ જૂની પ્રણાલી જોઈ છે, જ્યાં છોકરીઓને કહેવામાં આવે છે કે જો તેમને ભણવું હોય અને કામ કરવું હોય તો તેઓ માત્ર શિક્ષક અથવા ડૉક્ટર બની શકે છે. મનીષા, જે એક મધ્યમ-વર્ગીય પરિવારમાંથી આવે છે, તેણે કહ્યું કે તે એવી લાગણીનો અંત લાવવા માંગે છે કે સારા પરિવારની છોકરીઓને પોલીસ અથવા જિલ્લા અદાલતો સાથે કોઈ લેવાદેવા નથી.
સમાજમાં મહિલાઓને ‘રક્ષક’ની જરૂર છેઃ મનીષા
તેમણે કહ્યું, “આપણા સમાજમાં મહિલાઓ સૌથી વધુ પીડિત છે અને ઘણા ગુનાઓનું નિશાન છે. હું પોલીસમાં જોડાઈ કારણ કે મને લાગે છે કે આપણા સમાજમાં મહિલાઓને ‘રક્ષણ’ આપવાની જરૂર છે.” હાલમાં મનીષાની ટ્રેનિંગ ચાલી રહી છે અને તેને ગુનાથી પ્રભાવિત લ્યારી વિસ્તારમાં પોસ્ટ કરવામાં આવશે. તેણીને લાગે છે કે વરિષ્ઠ પોલીસ અધિકારી તરીકે કામ કરવું ખરેખર મહિલાઓને સશક્ત બનાવીને તેમને તેમના અધિકારો અંગે જાગૃત કરશે.
ડીએસપી કહે છે, “હું નારીવાદ ઝુંબેશનું નેતૃત્વ કરવા અને પોલીસ દળમાં લિંગ સમાનતાને પ્રોત્સાહિત કરવા માંગુ છું. હું પોતે હંમેશા પોલીસની કામગીરીથી ખૂબ જ પ્રેરિત અને આકર્ષિત રહી છું. તેની અન્ય ત્રણ બહેનો છે. જે તમામ ડોક્ટર છે અને તેનો સૌથી નાનો ભાઈ પણ મેડિકલનો અભ્યાસ કરી રહ્યો છે. જ્યારે પૂછવામાં આવ્યું કે તેણીને અલગ વ્યવસાય પસંદ કરવા માટે શું પ્રેરિત કર્યું, ત્યારે મનીષાએ કહ્યું કે તે MBBS પ્રવેશ પરીક્ષામાં એક માર્કથી નાપાસ થઈ હતી. “તે પછી મેં મારા પરિવારને કહ્યું કે હું ફિજીયોથેરાપીમાં ડિગ્રી મેળવી રહી છું, પરંતુ તે જ સમયે મેં સિંધ પબ્લિક સર્વિસ કમિશનની પરીક્ષાઓની તૈયારી કરી અને 468 ઉમેદવારોમાંથી 16મું સ્થાન મેળવ્યું,” તેમ તેણીએ કહ્યું.
13 વર્ષની હતી ત્યારે પિતાનું અવસાન થયું
મનીષાના પિતા જેકોબાબાદમાં વેપારી હતા. તે 13 વર્ષની હતી ત્યારે તેમનું અવસાન થયું. આ પછી તેની માતા તેના બાળકોને કરાચી લાવી અને તેમનો ઉછેર કર્યો. તે સ્વીકારે છે કે સિંધ પોલીસમાં વરિષ્ઠ પદ પર રહેવું સરળ નથી. જો કે, લ્યારી જેવી જગ્યાએ ફિલ્ડ ટ્રેનિંગ દરમિયાન, તેમના સાથીદારો, વરિષ્ઠ અને જુનિયર્સ તેમના વિચારો અને સખત મહેનત માટે તેમની સાથે આદરથી વર્તે છે.
Latest News Updates
