કિમ જોંગ ઉનની નાની પુત્રી ઉત્તર કોરિયા પર કરશે રાજ, દક્ષિણ કોરિયાનો મોટો દાવો

ઉત્તર કોરિયાના તાનાશાહ કિમ જોંગ ઉનની નાની પુત્રી તેમની ઉત્તરાધિકારી બની શકે છે. દક્ષિણ કોરિયાની ગુપ્તચર સંસ્થાએ આની શક્યતા વ્યક્ત કરી છે. ખાસ કરીને છેલ્લા એક વર્ષમાં જે રીતે જાહેર કાર્યક્રમોમાં તેમની હાજરી વધી છે તે જોતાં આ આશા વધુ ગાઢ બની છે.

કિમ જોંગની નાની પુત્રી કિમ જુએ જે ફક્ત 10 વર્ષની છે, નવેમ્બર 2022માં પ્રથમ વખત જાહેરમાં જોવા મળી હતી. જ્યારે તેણે તેના પિતા સાથે લાંબા અંતરની મિસાઈલ પરીક્ષણ જોયું હતું. ત્યારથી કિમ જુએ તેના પિતા સાથે સતત જાહેર કાર્યક્રમોમાં ભાગ લે છે. કોરિયન મીડિયા સતત તેને કિમનું પ્રિય બાળક કહે છે. કોરિયન મીડિયામાં તેની વધતી જતી રાજકીય પ્રતિષ્ઠા અને તેના પિતા સાથેની નિકટતા સાબિત કરતા ઘણા ફૂટેજ છે.

પિતા સાથે નિકટતા

કિમ જોંગની નાની પુત્રી કિમ જુએ તેના પિતાની વધુ નજીક છે, તે ઘણીવાર જાહેર કાર્યક્રમો દરમિયાન જોવા મળે છે. સપ્ટેમ્બરમાં જ જ્યારે તે લશ્કરી પરેડ દરમિયાન VIP સ્ટેન્ડમાં તાળીઓ પાડી રહી હતી, ત્યારે એક જનરલ તેના ઘૂંટણ પર બેસીને તેના કાનમાં કંઈક કહેતા જોવા મળ્યા હતા. નવેમ્બરમાં જુએ તેના પિતા સાથે એરફોર્સ હેડક્વાર્ટરની મુલાકાત પણ લીધી હતી. જ્યાં તે તેના પિતાની સામે ઊભી રહીને તેની તસવીર ખેંચી હતી. તેની વધુ ચર્ચા એટલા માટે થાય છે કારણ કે આમાંની મોટાભાગની તસવીરો એવી છે કે જેની ઉત્તર કોરિયામાં કલ્પના પણ ન કરી શકાય.

કિમ ઉત્તરાધિકારીની શોધમાં

દક્ષિણ કોરિયાની મુખ્ય ગુપ્તચર એજન્સી નેશનલ ઇન્ટેલિજન્સ સર્વિસે ગુરુવારે જણાવ્યું હતું કે તે કિમ જુએને તેના પિતાના સંભવિત અનુગામી તરીકે જુએ છે. તેમની જાહેર પ્રવૃત્તિઓ અને તેમને આપવામાં આવેલા પ્રોટોકોલને કારણે આ શક્યતા વધી છે. NIS પબ્લિક અફેર્સ ઓફિસે જણાવ્યું હતું કે ઉત્તર કોરિયાના તાનાશાહ ઉત્તરાધિકાર પ્રક્રિયાને લગતા તમામ વિકલ્પો પર વિચાર કરી રહ્યા છે, જેથી સમય આવે ત્યારે કોઈ મુશ્કેલી ન થાય. જો કે, ઉત્તર કોરિયાનાએ હજુ સુધી ઉત્તરાધિકારની પર કોઈ ટિપ્પણી કરી નથી.

આ પણ વાંચો : ઈમરાન ખાનને પેશાવર હાઈકોર્ટમાંથી મોટી રાહત, PTIને ચૂંટણી ચિન્હ બેટ પરત મળ્યું