યુક્રેનની રાજધાની પર ‘કબજા’નો ખતરો, રશિયન સેનાએ કિવને ઘેરી લીધું, નાગરિકોને ઘર ન છોડવાની સલાહ
સ્થાનિક અધિકારીઓએ નાગરિકોને તેમના ઘરની અંદર રહેવા અને સાવચેતી રાખવાની સલાહ આપી છે. કિવની બધી શેરીઓમાં મૌન છે. હાલમાં રસ્તાઓ પર સેનાના વાહનો, એમ્બ્યુલન્સ અને ફાયર બ્રિગેડના વાહનો જ જોવા મળે છે.
યુક્રેન અને રશિયા વચ્ચેનો વિવાદ (Russia Ukraine Crisis) હવે ભયાનક સ્વરૂપ લઈ રહ્યો છે. તમામ પ્રયાસો છતાં રશિયા પીછેહઠ કરવા તૈયાર નથી અને સતત હુમલા કરી રહ્યું છે. અત્યાર સુધીમાં બંને દેશોના અનેક નાગરિકો અને સૈનિકોએ જીવ ગુમાવ્યા છે. પરંતુ હજુ પણ યુદ્ધવિરામના કોઈ સંકેત દેખાતા નથી. હવે માહિતી મળી છે કે મોસ્કોનું આગામી લક્ષ્ય યુક્રેનની રાજધાની કિવ છે. રશિયન સેનાએ કિવને ચારે બાજુથી ઘેરી લીધું છે, જેના કારણે દેશમાં સ્થિતિ વધુ તંગ બની છે.
શનિવારે સવારે કિવની શેરીઓમાં લડાઈ ફાટી નીકળી હતી. જ્યારે રશિયન સૈનિકોએ રાજધાનીમાં ઘૂસણખોરી કરી હતી. એસોસિએટેડ પ્રેસે અહેવાલ આપ્યો છે કે સ્થાનિક અધિકારીઓએ નાગરિકોને ઘરની અંદર રહેવા અને સાવચેતી રાખવાની સલાહ આપી છે. કિવની બધી શેરીઓમાં મૌન છે. હાલમાં રસ્તાઓ પર સેનાના વાહનો, એમ્બ્યુલન્સ અને ફાયર બ્રિગેડના વાહનો જ જોવા મળે છે.
રશિયન સેનાએ રાજધાનીની આસપાસ બેરિકેડ લગાવી દીધા છે. જે વિસ્તારોમાં રશિયન સૈનિકોએ બેરિકેડ કર્યું છે. તેમાં બુકા (ઉત્તર પશ્ચિમ), ઓબોલોન (ઉત્તર), ઇવાન કિવ (પૂર્વ) અને વાસિલકીવ (દક્ષિણ) નો સમાવેશ થાય છે.
યુક્રેનિયન સત્તાવાળાઓએ જણાવ્યું હતું કે રશિયન દળો દેશના બીજા સૌથી મોટા શહેર ખાર્કિવમાં પ્રવેશ્યા હતા અને શેરીઓમાં લડાઈ ચાલુ હતી. ખાર્કિવ પ્રાદેશિક વહીવટના વડા, ઓલેહ સિનેહુબોવે રવિવારે જણાવ્યું હતું કે યુક્રેનિયન દળો શહેરમાં રશિયન સૈનિકો સામે લડી રહ્યા હતા અને નાગરિકોને તેમના ઘરો ન છોડવા વિનંતી કરી હતી. ખાર્કિવ રશિયાની સરહદથી 20 કિલોમીટર દૂર છે અને રશિયન સૈનિકો ખાર્કિવમાં પ્રવેશ્યા છે. આ પહેલા, તેઓ શહેરની બહાર હતા અને શહેરમાં પ્રવેશવાનો પ્રયાસ કર્યો ન હતો. યુક્રેનિયન મીડિયા અને સોશિયલ મીડિયા પર શેર કરાયેલા વીડિયોમાં રશિયન વાહનો ખાર્કિવની આસપાસ ફરતા અને રસ્તા પર એક વાહન સળગતું દેખાઈ રહ્યું છે.
આ પણ વાંચો –
Russia Ukraine War : યુક્રેન-રશિયા વચ્ચેની ‘શાંતિ વાર્તા’ અટવાઈ, રાષ્ટ્રપતિ ઝેલેન્સકીએ બેલારુસમાં મંત્રણાનો કર્યો ઇનકાર
આ પણ વાંચો –
Photos: યુક્રેનની ‘બ્યુટી ક્વીન’ જેણે પહેલા પોતાની સુંદરતાથી લોકોના મન મોહ્યા, અને હવે હથિયાર ઉઠાવીને લોકોના દિલ જીત્યા
આ પણ વાંચો –
Russia Ukraine War : ‘યુક્રેનના બે મોટા શહેરોને ઘેરી લીધા’, રશિયાનો દાવો, કહ્યું- યુક્રેનના 471 સૈનિકોની પણ ધરપકડ કરવામાં આવી
Latest News Updates
