હુતી વિદ્રોહીઓએ ફરી એકવાર સાઉદી અરેબિયા પર કર્યો હુમલો, જીઝાન શહેર પર છોડવામાં આવી મિસાઈલ, બે નાગરિકોના મોત

Houthi Rebels Attack on Saudi Arabia: સાઉદી અરેબિયા અને હુતી વિદ્રોહીઓ વચ્ચે યુદ્ધ સતત વધી રહ્યું છે. યમનના બળવાખોરોએ શુક્રવારે મોડી રાત્રે સાઉદી અરેબિયાના દક્ષિણ સરહદી શહેર જીઝાન પર હુમલો કર્યો હતો. જેમાં બે લોકોના મોત થયા હતા અને સાત લોકો ઘાયલ થયા હતા. સાઉદી અરેબિયાના સરકારી મીડિયાએ આ માહિતી આપી છે. સત્તાવાર સાઉદી પ્રેસ એજન્સી દ્વારા પ્રકાશિત એક નિવેદન અનુસાર, યમનના હુતી બળવાખોરોએ મિસાઇલ ચલાવી, જેમાં સાઉદી અરેબિયા અને યમનમાંથી એક-એક વ્યક્તિનું મોત થયું.

ઘાયલોમાં છ સાઉદી અરેબિયાના છે અને એક બાંગ્લાદેશી નાગરિક છે. હુમલામાં આસપાસની કાર અને દુકાનોને પણ નુકસાન થયું હતું. શિયા હુતી બળવાખોરો દ્વારા યમનના લાંબા સમયથી ચાલતા ગૃહ યુદ્ધમાં તે તાજેતરનો સીમા પાર હુમલો છે. ભૂતકાળમાં, હૌથિઓએ સાઉદી અરેબિયાની તેલ સુવિધાઓ અને અન્ય શહેરો પર ઘણી વખત હુમલો કર્યો છે. અગાઉ, સાઉદીની આગેવાની હેઠળના ગઠબંધન દળોએ યમનમાં વિદ્રોહીઓના કબજા હેઠળની રાજધાની સના પર અનેક હવાઈ હુમલા કર્યા હતા.

સનામાં કરાયા હવાઈ હુમલા

શુક્રવારે, સાઉદી અરેબિયાએ સનામાં હવાઈ હુમલો કર્યો અને શહેરના કેન્દ્ર નજીકના એક કેમ્પને નિશાન બનાવ્યું. હુતી અને સાઉદી અરેબિયાના મીડિયાએ આ માહિતી આપી. યમનમાં યુદ્ધ 2014 માં શરૂ થયું હતું જ્યારે ઈરાન સમર્થિત હુતી બળવાખોરોએ સના અને દેશના મોટાભાગના ઉત્તરીય ભાગ પર કબજો કર્યો હતો. યમનના ગૃહ યુદ્ધમાં લગભગ 1,30,000 લોકો માર્યા ગયા છે અને વિશ્વની સૌથી ખરાબ માનવતાવાદી આપત્તિને કારણભૂત બનાવી છે.

ઈરાન કરી રહ્યું છે મદદ

એવા આરોપો છે કે, ઈરાન આ હુતી બળવાખોરોની મદદ કરી રહ્યું છે. યુએસ નેવીએ બે દિવસ પહેલા કહ્યું હતું કે, તેણે માછીમારીના જહાજ પર સંગ્રહિત શસ્ત્રોનો મોટો માલ જપ્ત કર્યો છે જેને ઈરાન કથિત રીતે યુદ્ધગ્રસ્ત યમનમાં મોકલી રહ્યું છે. યુએસ નૌકાદળના પેટ્રોલિંગ જહાજોએ ઓમાન અને પાકિસ્તાનથી દૂર અરબી સમુદ્રના ઉત્તરીય ભાગમાં સોમવારે શરૂ થયેલા ઓપરેશન દરમિયાન એક માછીમારી જહાજ પકડ્યું હતું. જેમાં 1,400 રાઇફલ્સ અને 2,26,600 રાઉન્ડ શસ્ત્રો અને પાંચ ક્રૂ સભ્યો મળ્યા, જેઓ યમનના છે.

આ પણ વાંચો: MBA Admissions 2022: તમે IITમાંથી પણ MBA કરી શકો છો, CAT પરીક્ષા દ્વારા જાન્યુઆરીથી મળશે પ્રવેશ

આ પણ વાંચો: Bank PO Salary: શું તમે પણ બેન્ક પીઓ બનવા માંગો છો, જાણો કેટલો મળશે પગાર અને અન્ય સુવિધાઓ