Bank PO Salary: શું તમે પણ બેન્ક પીઓ બનવા માંગો છો, જાણો કેટલો મળશે પગાર અને અન્ય સુવિધાઓ

Bank PO Salary: શું તમે પણ બેન્ક પીઓ બનવા માંગો છો, જાણો કેટલો મળશે પગાર અને અન્ય સુવિધાઓ
Bank PO Salary

Bank PO Salary: બેંકિંગ સેક્ટરમાં નોકરીઓ ખૂબ સારી હોવાનું કહેવાય છે. દર વર્ષે લાખો યુવાનો બેંકિંગ માટે અરજી કરે છે. બેન્કિંગ સેક્ટરમાં પણ બેન્ક પીઓ શ્રેષ્ઠ પોસ્ટ માનવામાં આવે છે

TV9 GUJARATI

| Edited By: Jayraj Vala

Dec 24, 2021 | 2:35 PM

Bank PO Salary: બેંકિંગ સેક્ટરમાં નોકરીઓ (Bank Jobs) ખૂબ સારી હોવાનું કહેવાય છે. દર વર્ષે લાખો યુવાનો બેંકિંગ માટે અરજી કરે છે. બેન્કિંગ સેક્ટરમાં પણ બેન્ક પીઓ શ્રેષ્ઠ પોસ્ટ માનવામાં આવે છે. દર વર્ષે લાખો વિદ્યાર્થીઓ બેંક પરીક્ષાની તૈયારી કરે છે. તેનું મુખ્ય કારણ એ છે કે, બેંકની નોકરીઓ સૌથી આરામદાયક નોકરી કહેવાય છે. બેંક પીઓ નોકરી આમાં એક શ્રેષ્ઠ વિકલ્પ છે. આ વર્ષે SBI બેંક PO પૂર્વ પરીક્ષાના પરિણામો પછી, ઉમેદવારો મુખ્ય પરીક્ષા માટે જોરદાર તૈયારી કરી રહ્યા છે.

ઘણા લોકો બેંક પીઓ બનવા માંગે છે કારણ કે, તેમાં ઘણી સુવિધાઓ આપવામાં આવી છે. આજે અમે તમને જણાવવા જઈ રહ્યા છીએ કે, બેંક પીઓ ને કેટલો પગાર મળે છે તેમજ અન્ય કઈ સુવિધાઓ આપવામાં આવે છે.

કેટલો મળે પગાર

બેંક પીઓનો બેઝીક પગાર 23,700 રૂપિયા પ્રતિ માસ હોય છે. આ સાથે, મોંઘવારી ભથ્થું (DA), HRA, CCA અને વિશેષ ભથ્થા સિવાય, તબીબી ભથ્થું પણ ઉપલબ્ધ છે. આ રીતે 1 મહિનાનો કુલ પગાર અંદાજે 38,700 થી 42,000 રૂપિયાની આસપાસ થાય છે. બીજી બાજુ, જો આપણે SBI બેંક PO વિશે વાત કરીએ, તો SBI POની મૂળ પગાર 27620 રૂપિયા છે. બે વર્ષ માટે 1,145ના વાર્ષિક ઇન્ક્રીમેન્ટ સાથે 30,560નો મૂળ પગાર ઉપલબ્ધ છે. મહત્તમ મૂળ પગાર 42,020 રૂપિયા છે.

અન્ય સુવિધાઓ

હાઉસ રેન્ટ એલાઉન્સ (HRA) પોસ્ટિંગના સ્થળ પ્રમાણે બદલાય છે અને સામાન્ય રીતે શહેરોના પ્રકાર પર આધાર રાખીને મૂળભૂત પગારના 9.0% અથવા 8.0% અથવા 7.0% છે. IBPS PO તેના અધિકારીઓને મોંઘવારી ભથ્થું (DA) પ્રદાન કરે છે અને તે કર્મચારીઓના મૂળભૂત પગારની ટકાવારી તરીકે આપવામાં આવે છે (જાન્યુઆરી 2016 માં, તે મૂળભૂત પગારના લગભગ 39.8% હતું). આ મોંઘવારી ભથ્થું દર ત્રણ મહિને ભારત સરકારના આંકડા અને કાર્યક્રમ અમલીકરણ મંત્રાલય દ્વારા પ્રકાશિત અખિલ ભારતીય ગ્રાહક ભાવ સૂચકાંકના ડેટાના આધારે સુધારવામાં આવે છે. વિશેષ ભથ્થું તાજેતરમાં પગારમાં ઉમેરવામાં આવ્યું છે અને તે મૂળભૂત પગારના લગભગ 7.75% છે.

બેંક PO પરીક્ષા

બેંક PO પરીક્ષા ઇન્સ્ટિટ્યૂટ ઓફ બેંકિંગ (IBPS) દ્વારા પ્રોબેશનરી ઓફિસર્સ માટે લેવામાં આવે છે. બેંક પીઓ બનવા માટે, વ્યક્તિએ પરીક્ષાના ત્રણ રાઉન્ડ પાસ કરવા પડશે. પ્રથમ, પ્રિલિમ પરીક્ષા હિન્દી અને અંગ્રેજીમાં લેવામાં આવે છે. આ પરીક્ષા પાસ કર્યા પછી, વ્યક્તિને મુખ્ય પરીક્ષામાં બેસવાની તક મળે છે. જેમાં જનરલ નોલેજ, હિન્દી અને અંગ્રેજી અને ગણિતના પ્રશ્નો પૂછવામાં આવે છે. તેમાં લાયકાત ધરાવતા ઉમેદવારોને ઇન્ટરવ્યુ રાઉન્ડ માટે બોલાવવામાં આવે છે. ત્રણેય રાઉન્ડ ક્લિયર કર્યા પછી, ડોક્યુમેન્ટ વેરિફિકેશન અને મેડિકલ ટેસ્ટ પછી અંતિમ પસંદગી કરવામાં આવે છે.

આ પણ વાંચો: MPSC Group C Recruitment 2021: મહારાષ્ટ્રમાં ગ્રુપ સીની જગ્યાઓ માટે બમ્પર વેકેન્સી, આ રીતે કરો અરજી

આ પણ વાંચો: NID DAT Admit Card 2022: ડિઝાઇન એપ્ટિટ્યુડ ટેસ્ટ માટે એડમિટ કાર્ડ જાહેર, આ રીતે કરો ડાઉનલોડ

Follow us on

Related Stories

Most Read Stories

Click on your DTH Provider to Add TV9 Gujarati