BLAએ કેવી રીતે ટ્રેન હાઈજેક કરી ? જાફર એક્સપ્રેસનો પહેલો વીડિયો આવ્યો સામે
બલૂચ લિબરેશન આર્મીએ પાકિસ્તાન ટ્રેન હાઇજેકનો પહેલો વીડિયો જાહેર કર્યો છે. વીડિયોમાં BLAના લડવૈયા જાફર એક્સપ્રેસની ચારે બાજુ જોવા મળી રહ્યા છે. વીડિયોમાં મોટા માત્રામાં વિસ્ફોટ જોવા મળી રહ્યો છે. બંધકોને છોડાવવા માટે પાકિસ્તાની સુરક્ષા દળોનું ઓપરેશન ચાલુ છે.
બલૂચ લિબરેશન આર્મીએ પાકિસ્તાન ટ્રેન હાઇજેકનો પહેલો વીડિયો જાહેર કર્યો છે. વીડિયોમાં BLAના લડવૈયા જાફર એક્સપ્રેસની ચારે બાજુ જોવા મળી રહ્યા છે. વીડિયોમાં મોટી માત્રામાં વિસ્ફોટ જોવા મળી રહ્યો છે. બંધકોને છોડાવવા માટે પાકિસ્તાની સુરક્ષા દળોનું ઓપરેશન ચાલુ છે. સુરક્ષા દળોએ ઓછામાં ઓછા 27 આતંકવાદીઓને ઠાર માર્યા છે અને 155 મુસાફરોને બચાવી લેવામાં આવ્યા હોવાનો દાવો કર્યો છે.
પાકિસ્તાનમા સતત બીજા દિવસે બુધવારે પણ સુરક્ષા દળો અને આતંકવાદીઓ વચ્ચે અથડામણ ચાલુ છે. બલૂચ આર્મીએ, જાફર એક્સપ્રેસને હાઈજેક કર્યા બાદ તેમની માંગણી માટે 48 કલાકનું અલ્ટીમેટમ આપ્યું છે. આ અલ્ટીમેટમ બલૂચ કેદીઓને મુક્ત કરવાનું છે. હાઇજેક કરાયેલી ટ્રેનને છોડાવવાના ચાર પ્રયાસો નિષ્ફળ ગયા છે. છેલ્લા 24 કલાકમાં પાકિસ્તાની સેનાએ આત્મસમર્પણ કર્યું છે. આ ઓપરેશનમાં પાક સેનાના 40થી વધુ જવાનો શહીદ થયા છે. બલૂચ આર્મી પાસે હજુ પણ 180થી વધુ બંધકો છે.
BLAએ કેવી રીતે ટ્રેન હાઈજેક કરી ?
વાસ્તવમાં, દરરોજની જેમ ગઈકાલે એટલે કે 11મી માર્ચે જાફર એક્સપ્રેસ ક્વેટાથી પેશાવર માટે રવાના થઈ હતી. જ્યારે ટ્રેન બાલોન પહાડીઓમાં એક સુરંગમાંથી પસાર થઈ રહી હતી ત્યારે ઓચિંતો છાપો મારીને બેઠેલા BLAના 8 સશસ્ત્ર આતંકવાદીઓએ તેના પર હુમલો કર્યો હતો. જાફર એક્સપ્રેસના 9 કોચમાં લગભગ 500 મુસાફરો હતા. બોલાન ક્વેટા અને સિબી વચ્ચે 100 કિલોમીટરથી વધુનો પહાડી વિસ્તાર છે.
આ વિસ્તારમાં 17 ટનલ છે, જેમાંથી રેલવે ટ્રેક પસાર થાય છે. દુર્ગમ વિસ્તાર હોવાને કારણે અહીં ટ્રેનની ગતિ ઘણીવાર ધીમી રહે છે. દરમિયાન, હુમલાખોરોએ પીરુ કુન્રી અને ગુડાલરના પર્વતીય વિસ્તારો પાસે એક સુરંગમાં ટ્રેનને રોકી હતી અને તેને હાઇજેક કરી હતી. જાફર એક્સપ્રેસના 9 કોચમાં લગભગ 500 મુસાફરો હતા. બલૂચિસ્તાન લિબરેશન આર્મી (BLA) એ બાદમાં હુમલાની જવાબદારી સ્વીકારી હતી.
BLAએ પાકિસ્તાની સેનાને આપી ચેતવણી
બળવાખોરોએ મહિલાઓ અને બાળકોને મુક્ત કરવાનો દાવો કર્યો હતો, પરંતુ અધિકારીઓએ આ દાવાને નકારી કાઢ્યો હતો અને ગૃહ રાજ્ય મંત્રી તલાલ ચૌધરીએ કહ્યું હતું કે સુરક્ષા દળો દ્વારા બંધકોને છોડાવવામાં આવ્યા છે. BLAએ દાવો કર્યો હતો કે તેણે ટ્રેનને પાટા પરથી ઉતારીને નિયંત્રણમાં લીધું હતું. BLAએ ચેતવણી આપી છે કે જો પાકિસ્તાની સેના કોઈ ઓપરેશન શરૂ કરશે તો તમામ બંધકોને મારી નાખવામાં આવશે.
BLA ने जारी किया पाकिस्तान ट्रेन हाईजैक का पहला वीडियो #JaffarExpressRescueOperation | #Pakistan | #PakistanTrainHijack | #Balochistan pic.twitter.com/wIuiyALJEL
— TV9 Bharatvarsh (@TV9Bharatvarsh) March 12, 2025
બલૂચિસ્તાનમાં છેલ્લા એક વર્ષમાં આતંકી હુમલામાં વધારો જોવા મળ્યો છે. ગયા વર્ષે નવેમ્બરમાં ક્વેટા રેલવે સ્ટેશન પર એક આત્મઘાતી બોમ્બરે પોતાને બોમ્બથી ઉડાવી દીધો હતો. આ હુમલામાં 26 લોકો માર્યા ગયા હતા અને 62 લોકો ઘાયલ થયા હતા. આ પછી રેલવેએ ઘણી સેવાઓ સ્થગિત કરી દીધી હતી.
