20 વર્ષમાં 1.5 ડિગ્રી સુધી ગરમ થશે પૃથ્વી! પછી કુદરતનો કહેર જોવા મળશે, માણસ હીટવેવ અને ભારે ગરમીથી પરેશાન થશે

વૈજ્ઞાનિકોએ તાજેતરમાં જ જલવાયુ પરિવર્તન (Climate Change) અંગે પોતાની ચિંતા વ્યક્ત કરી હતી. હવે આંતરસરકારી પેનલ ઓન ક્લાઇમેટ ચેન્જ (IPCC)એ ચેતવણી આપી છે કે, બે દાયકામાં પૃથ્વી 1.5 ડિગ્રી સુધી ગરમ થઇ શકે છે. આ કારણે હવામાનમાં ઘણાં ફેરફારો જોવા મળશે. પેનલે આબોહવા પરિવર્તન માટે માનવ પ્રવૃત્તિઓને જવાબદાર ગણાવી છે. આ અહેવાલ 2013ના આકારણી પર આધારિત છે. જે પૃથ્વી પર કાર્બન ઉત્સર્જન અને માનવ પ્રવૃત્તિઓની અસર દર્શાવે છે.

છઠ્ઠા આકારણી અહેવાલ (AR6) ‘જલવાયુ પરિવર્તન 2021: ફિઝિકલ સાયન્સ ફાઉન્ડેશન’ જણાવે છે કે, વિશ્વના દરેક ક્ષેત્રમાં માનવ પ્રભાવને કારણે આબોહવામાં પરિવર્તન થઇ રહ્યું છે. આઇપીસીસીના 195 સભ્ય સરકારો દ્વારા 26 જુલાઇના રોજ વર્ચ્યુઅલ ઇવેન્ટમાં આ રિપોર્ટને મંજૂરી આપવામાં આવી હતી અને બે અઠવાડિયાથી વધુ સમય માટે રોકીને રાખવામાં આવી હતી. પરંતુ હવે તે બહાર પાડવામાં આવ્યો છે. તે આગાહી કરે છે કે, આગામી દાયકાઓમાં તમામ પ્રદેશોમાં આબોહવા પરિવર્તન વધશે.

જો તાપમાન 1.5 ડિગ્રી વધે તો શું થશે?

આ પ્રથમ વખત છે જ્યારે યુએનના આઈપીસીસીએ વિવિધ સંજોગોમાં આ આત્યંતિક ઘટનાઓની સંભાવના નક્કી કરી છે. રિપોર્ટમાં કહેવામાં આવ્યું છે કે, જેમ ગ્લોબલ વોર્મિંગ 1.5 ° સે વધી જાય છે, પૃથ્વી હીટવેવ્સમાં વધારો, લાંબી ગરમ મોસમ અને ઠંડું વાતાવરણ ઓછું જોવા મળશે. તે જ સમયે જો ગ્લોબલ વોર્મિંગનું સ્તર 2°C થઈ જાય તો ગરમી એટલી વધી જશે કે ખેતી અને આરોગ્ય માટે તેને સહન કરવું મુશ્કેલ બનશે.

આવનારા સમયમાં શું થશે?

પૃથ્વીનું ભવિષ્ય વધુ ભયાનક લાગે છે. ભારે તાપમાનમાં વધારો એટલે પૃથ્વી પર હવામાનમાં સતત ફેરફાર થશે. જો ઉત્સર્જન દર ઘટાડવામાં નહીં આવે તો આગામી સમયમાં તાપમાનમાં ચાર ડિગ્રી સેલ્સિયસનો વધારો થઈ શકે છે. આવી સ્થિતિમાં દર એક કે બે વર્ષે હીટવેવ જોવા મળશે. આ રિપોર્ટમાં જાણવા મળ્યું છે કે આ સમય દરમિયાન પૃથ્વીની જમીન નીચે થીજી ગયેલો બરફ પીગળવા લાગશે. હિમનદીઓ અને બરફની ચાદર પણ પીગળવા લાગશે. આ કારણે, આર્કટિકમાં પણ ફેરફારો જોવા મળશે.

અહીં રિપોર્ટમાં સકારાત્મક બાબતો છે

જોકે, આ રિપોર્ટમાં આશાનું કિરણ પણ છે. કારણ કે, એવું કહેવામાં આવ્યું છે કે વૈજ્ઞાનિક અભિગમ દ્વારા ગ્લોબલ વોર્મિંગને 1.5 ડિગ્રી સુધી મર્યાદિત કરવાનું હજુ પણ શક્ય છે. આનો અર્થ એ છે કે, જો આ કરવામાં આવે તો પૃથ્વી પર ગ્લોબલ વોર્મિંગની અસર ઘટી જશે.

ઓક્સફોર્ડ યુનિવર્સિટીમાં પર્યાવરણીય પરિવર્તન સંસ્થાના સહયોગી નિયામક અને આઇપીસીસી રિપોર્ટના લેખકોમાંના એક ડો. ફ્રાઈડેરિક ઓટોએ કહ્યું કે, જો આપણે 2040 સુધીમાં વૈશ્વિક ઉત્સર્જનને નેટ-શૂન્યમાં ઘટાડી દઈએ તો પણ 1.5 ડિગ્રી સુધી પહોંચવાની બે તૃતીયાંશ તક છે. બીજી બાજુ જો આપણે સદીના મધ્ય સુધીમાં વૈશ્વિક સ્તરે ચોખ્ખું-શૂન્ય ઉત્સર્જન હાંસલ કરીએ તો હજુ પણ તેને પ્રાપ્ત કરવાની તૃતીયાંશ તક છે.

આ પણ વાંચો: Delhi london ફ્લાઈટમાં આવેલા અચાનક ઉછાળા પર સિવિલ એવિએશન વિભાગે ખુલાસો કર્યો, કહ્યું કે કોઈ આધાર પુરાવા નથી

આ પણ વાંચો: Independence Day: પ્લાસ્ટિકથી બનેલા ધ્વજનો ઉપયોગ ન કરવા કેન્દ્રની રાજ્ય સરકારોને અપીલ