કોરોના વાયરસ: શું તમે વેક્સિન લેવા માંગો છો? તો આ રીતે Google કરશે મદદ
વેક્સિનેશનની પ્રક્રિયા વિશ્વભરમાં શરુ છે. હવે આ વેક્સિન અભિયાનમાં ગૂગલ પણ મદદે આવ્યું છે. ગૂગલ હવે તમને વેક્સિન સેન્ટરની માહિતી આપશે.
જો તમે કોરોના રસી લેવા માંગતા હોવ અને તમારે તમારી નજીકના કેન્દ્ર વિશેની માહિતીની જરૂર હોય, તો હવે ગૂગલ (Google) તમને તે શોધી આપશે. જી હા ગૂગલ તેના સર્ચ મેપ અને ગુગલ આસિસ્ટન્ટ દ્વારા તમને તે સ્થળ જણાવશે. શુક્રવારે ગુગલ દ્વારા કહેવામાં આવ્યું હતું કે, તે જલ્દીથી લોકોને મદદ કરવા આ સેવા શરૂ કરશે.
ગૂગલે બ્લોગસ્પોટમાં જણાવ્યું છે કે, તેમની ટીમ કોરોના વેક્સિનથી સંબંધિત લોકોના પ્રશ્નોના તાત્કાલિક અને સચોટ જવાબ આપવા માટે કામ કરી રહી છે. ગુગલે જણાવ્યું હતું કે, ખોટી માહિતી પકડવા અને લોકોને યોગ્ય માહિતી પહોંચાડવા માટે તેમણે આરોગ્ય અને પરિવાર કલ્યાણ મંત્રાલય, બિલ એન્ડ મિલિંદા ગેટ્સ ફાઉન્ડેશન સાથે કામ શરુ કરી દીધું છે.
ગૂગલ સર્ચમાં નોલેજ પેનલ શરૂ કરી
રસીકરણના પ્રથમ તબક્કા પછી જ ગૂગલે કોવિડથી સંબંધિત પ્રશ્નોના જવાબો સાથે ગૂગલ સર્ચમાં નોલેજ પેનલ શરૂ કરી હતી. તે લોકોને યોગ્ય માહિતી આપીને મદદ કરવાના હેતુથી શરૂ કરવામાં આવી હતી. આ અંતર્ગત અંગ્રેજી, હિન્દી સહિત 8 ભાષાઓમાં બે રસી, તેની અસરો, સલામતી, વિતરણ, રીએક્શન વિશે સંપૂર્ણ માહિતી ઉપલબ્ધ છે.
Latest News Updates
