ચીનના રાજદૂતે જણાવ્યું કે, ભારતીય વિદ્યાર્થીઓ ચીનમાં ફરી પોતાનો અભ્યાસ પૂર્ણ કરશે

ભારતીય વિદ્યાર્થીઓ (Student) ટૂંક સમયમાં ફરીથી તેમનો અભ્યાસ પૂર્ણ કરવા માટે ચીન(china) પરત ફરી શકશે. ભારતમાં ચીનના રાજદૂત સુન વિડોંગે કહ્યું કે ભારતીય વિદ્યાર્થીઓની પ્રથમ બેચ આવનારા ભવિષ્યમાં તેમનો અભ્યાસ (Education) ફરી શરૂ કરશે. તેમણે કહ્યું કે બંને દેશોના સંબંધિત વિભાગો આ દિશામાં કામ કરી રહ્યા છે. કોવિડ-19 બાદ ચીન સરકાર દ્વારા ભારતીય વિદ્યાર્થીઓને ફરી એકવાર દેશમાં આવકારવામાં આવશે. આ માટે બંને દેશોની સરકારો સાથે મળીને કામ કરી રહી છે. કોવિડની શરૂઆતથી, ભારતીય વિદ્યાર્થીઓ તેમનો અભ્યાસ પૂર્ણ કરવા માટે ચીન પરત ફરી શક્યા નથી.

સમાચાર એજન્સી ANIના રિપોર્ટ અનુસાર, ભારતમાં ચીનના રાજદૂત સુન વિડોંગે કહ્યું, ‘ચીન ભારતીય વિદ્યાર્થીઓનું સ્વાગત કરે છે. આવનારા ભવિષ્યમાં ભારતીય વિદ્યાર્થીઓની પ્રથમ બેચ ચીનમાં તેમનો અભ્યાસ શરૂ કરશે. બંને દેશોના સંબંધિત વિભાગો સાથે મળીને કામ કરી રહ્યા છે.મીડિયા રિપોર્ટ્સ અનુસાર, 20 હજારથી વધુ વિદ્યાર્થીઓ ચીનમાં પોતાનો અભ્યાસ ફરી શરૂ કરવાની રાહ જોઈ રહ્યા છે. આ વિદ્યાર્થીઓ કોવિડ-19 મહામારી દરમિયાન ભારત પરત ફર્યા હતા. તે જ સમયે, હવે આ વિદ્યાર્થીઓ કોવિડ વિઝા પ્રતિબંધોનો સામનો કરી રહ્યા છે.

ચીન ભારતીય વિદ્યાર્થીઓની વાપસી માટે કામ કરી રહ્યું છે

ચીનથી પરત ફરેલા મોટાભાગના વિદ્યાર્થીઓ મેડિકલ સ્ટ્રીમના છે. તાજેતરના વિકાસ અનુસાર, તે અનુમાન કરી શકાય છે કે ટૂંક સમયમાં વિદ્યાર્થીઓ તેમનો અભ્યાસ ફરી શરૂ કરી શકશે. મંગળવારે આયોજિત એક મીડિયા બ્રીફિંગમાં ચીનના વિદેશ મંત્રાલયના પ્રવક્તા વાંગ વેનબિને જણાવ્યું હતું કે ચીન ભારતીય વિદ્યાર્થીઓના સરળ વાપસી માટે વ્યાપકપણે કામ કરી રહ્યું છે. વાંગ વેનબિને અહીં પત્રકારોને જણાવ્યું હતું કે, “અમે વિદેશી વિદ્યાર્થીઓના ચીન પરત ફરવા માટે વ્યાપકપણે કામ કરી રહ્યા છીએ અને ભારતીય વિદ્યાર્થીઓની વાપસી માટે પ્રક્રિયા શરૂ થઈ ગઈ છે.”

તમામ વિદેશી વિદ્યાર્થીઓ માટે ટૂંક સમયમાં રજૂ થનારી નવી વિઝા નીતિ અંગે કેટલાક ચીની રાજદ્વારીઓ દ્વારા સોશિયલ મીડિયા પોસ્ટ્સ પર તેમની પૂછપરછ કરવામાં આવી હતી. વાંગે કહ્યું, ‘અમને વિશ્વાસ છે કે અમે ભારતીય વિદ્યાર્થીઓની પ્રથમ બેચની વાપસી ખૂબ જ ટૂંક સમયમાં જોઈશું અને કોવિડ સામે સુરક્ષા સુનિશ્ચિત કરતી વખતે અમે સંબંધિત પગલાંઓ ચાલુ રાખીશું.’