Canada Crime : કેનેડામાં ગેંગસ્ટર અમરપ્રીત સમરાની ગોળી મારી કરાઈ હત્યા, લગ્ન મંડપ પાસે હુમલો
Indians In Canada: કેનેડામાં ભારતીય મૂળના એક ગેંગસ્ટરની અજાણ્યા હુમલાખોરે ગોળી મારીને હત્યા કરી દીધી છે. તે તેના ગેંગસ્ટર ભાઈ સાથે લગ્ન સમારોહમાં પહોંચ્યો હતો. ગેંગસ્ટરની ટાર્ગેટ કિલિંગની આશંકા છે.
Indians In Canada: કેનેડામાં ભારતીય મૂળના ગેંગસ્ટરની ગોળી મારીને હત્યા કરવામાં આવી છે. તે રિસેપ્શનમાં જઈ રહ્યો હતો ત્યારે એક અજાણ્યા હુમલાખોરે તેને ગોળી મારી દીધી. સ્થાનિક મીડિયાના અહેવાલો અનુસાર, હત્યાના અડધા કલાક પહેલા તે તેના સાથીદારો સાથે ડાન્સ ફ્લોર પર ડાન્સ કરી રહ્યો હતો. જેવો તે સ્વાગત સ્થળની બહાર આવ્યો કે અજાણ્યા હુમલાખોરોએ તેના પર હુમલો કર્યો. ગેંગસ્ટરની ઓળખ પંજાબના અમરપ્રીત (ચક્કી) સમરા તરીકે થઈ છે. આંતરરાષ્ટ્રીય સમાચાર અહીં વાંચો.
અમરપ્રીત કેનેડા પોલીસના હિટ લિસ્ટમાં સામેલ હતો. તે તેના ગેંગસ્ટર ભાઈ રવિન્દર સાથે લગ્ન સમારોહમાં પહોંચ્યો હતો. તેઓ વાનકુવરથી કાર્યરત યુનાઈટેડ નેશન નામની ગેંગ સાથે જોડાણમાં કામ કરતા હતા. કહેવાય છે કે લગ્ન સમારોહમાં કેટલાક અજાણ્યા લોકો પહોંચ્યા અને ડીજેને સંગીત બંધ કરવા કહ્યું. આ દરમિયાન હોલમાં લગભગ 60 લોકો હાજર હતા. કેટલાક લોકોએ ઈમરજન્સી નંબર 911 પર ફોન કર્યો અને પોલીસને જાણ કરી કે દક્ષિણ વેનકુવર બેન્ક્વેટ હોલ પાસે કોઈને ગોળી વાગી છે.
અમરપ્રીત સમરાને ટાર્ગેટ કિલિંગનો ડર
ઘટનાસ્થળે પહોંચેલી પોલીસે તેને સીપીઆર પણ આપ્યો હતો, પરંતુ ગંભીર ઈજાના કારણે તેનું મોત નીપજ્યું હતું. ગેંગ વચ્ચે ચાલી રહેલા વિવાદને કારણે માનવામાં આવે છે કે ગેંગસ્ટર અમરપ્રીતની ટાર્ગેટ કિલિંગ થઈ છે. જો કે આ મામલે તપાસ ચાલી રહી છે. પોલીસે આરોપીઓને શોધવા માટે સામાન્ય લોકો પાસેથી મદદની અપીલ કરી છે. પોલીસે આ માટે ફોન નંબર 604-717-2500 પણ જાહેર કર્યો છે.
આ પણ વાચો: Pakistan: ઈમરાને ફરી આપ્યું ભડકાઉ ભાષણ, કહ્યું- જ્યા સુધી જનસમુદાય છે ત્યાં સુધી પાર્ટી ખતમ નહીં થાય
અમરપ્રીતને કેનેડિયન પોલીસની ચેતવણી નોટિસમાં સામેલ કરવામાં આવ્યો હતો
ગયા વર્ષે કેનેડિયન પોલીસે 11 લોકોના નામ આપ્યા હતા અને ચેતવણી જાહેર કરી હતી. કહેવાય છે કે આ તમામ ગેંગ હિંસાનો ભાગ હતા. કેનેડા પોલીસે સામાન્ય લોકોને આવા ગુંડાઓથી સાવધાન રહેવાની સલાહ આપી હતી. એલર્ટ પર રહેલા 11 લોકોમાં એકલા ભારતના પંજાબ રાજ્યના 9 ગુંડાઓનો સમાવેશ થાય છે. આ યાદીમાં અમરપ્રીત અને તેનો ભાઈ રવિન્દર પણ સામેલ છે. પોલીસે જણાવ્યું હતું કે તેઓ પ્રાંતમાં અનેક હત્યાઓમાં સામેલ હતા.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
Latest News Updates
