BRICS Breaking News : આજે દિલ્હીમાં દેખાશે ભારતનો દમ, મોદી-પુતિન-જિનપિંગ સહિત અનેક દિગ્ગજ એક મંચ પર… જુઓ સંપૂર્ણ શેડ્યૂલ

નવી દિલ્હીમાં BRICS સમિટ 2026 નું આયોજન કરવામાં આવી રહ્યું છે. સમિટને લઈને દિલ્હીમાં વિદેશી મહેમાનોનો જમાવડો જોવા મળી રહ્યો છે. રશિયાના રાષ્ટ્રપતિ વ્લાદિમીર પુતિન, ઈરાનના રાષ્ટ્રપતિ મસૂદ પેઝેશ્કિયાન સહિત વિશ્વભરના અનેક નેતાઓ નવી દિલ્હી પહોંચી ચૂક્યા છે. જ્યારે આજે ચીનના રાષ્ટ્રપતિ શી જિનપિંગ ભારત પહોંચશે. જિનપિંગ સહિત BRICS સમિટમાં ભાગ લેનારા તમામ રાષ્ટ્રાધ્યક્ષો અને તેમના પ્રતિનિધિઓ સાથે વડાપ્રધાન મોદી બેઠકો કરશે.

BRICSનો સૌથી મોટો દિવસ

આજે (12 સપ્ટેમ્બર) વડાપ્રધાન નરેન્દ્ર મોદીનો કાર્યક્રમ ખૂબ જ વ્યસ્ત રહેવાનો છે. સવારે 10 વાગ્યે વડાપ્રધાન મોદી હૈદરાબાદ હાઉસ ખાતે ઇથિયોપિયાના વડાપ્રધાન અબી અહમદ અલી સાથે બેઠક કરશે. ત્યારબાદ સવારે 10:30 વાગ્યે મલેશિયાના વડાપ્રધાન અનવર ઇબ્રાહિમ અને 11 વાગ્યે અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાન સાથે તેમની બેઠક થશે.

સવારે 11:30 વાગ્યે વડાપ્રધાન વિયેતનામના વડાપ્રધાન લી મિન હુન્ગ સાથે મુલાકાત કરશે. આજે ઈરાનના રાષ્ટ્રપતિ મસૂદ પેઝેશ્કિયાનની ભારતના રાષ્ટ્રપતિ સાથે રાષ્ટ્રપતિ ભવનમાં બેઠક પણ નિર્ધારિત છે.

બપોરે 2:35 વાગ્યે BRICS સભ્ય દેશોની બંધ બારણાની બેઠક સાથે કાર્યક્રમની શરૂઆત થશે. ત્યારબાદ નેતાઓ સાંજે 4:25 વાગ્યે ‘India Innovates’ પ્રદર્શનની મુલાકાત લેશે. ત્યારબાદ સાંજે 5:05 વાગ્યે સત્તાવાર ફેમિલી ફોટોગ્રાફ અને સાથે મળીને વૃક્ષારોપણનો કાર્યક્રમ યોજાશે.

આજે શી જિનપિંગ સાથે મહત્વપૂર્ણ બેઠક

જોકે, આજે વડાપ્રધાન મોદીની સૌથી મહત્વપૂર્ણ બેઠકોમાં ચીનના રાષ્ટ્રપતિ શી જિનપિંગ સાથેની મુલાકાતનો પણ સમાવેશ થાય છે. બંને નેતાઓ વચ્ચેની બેઠક સાંજે 5:45 વાગ્યે ભારત મંડપમ ખાતે યોજાશે. ભારત અને ચીનના સંબંધોને ધ્યાનમાં રાખીને આ બેઠક પર ખાસ નજર રહેવાની છે.

આજે સાંજે 7:30 વાગ્યે ભારત મંડપમ ખાતે BRICSમાં ભાગ લેવા આવેલા રાષ્ટ્રાધ્યક્ષો માટે રાત્રિભોજનનું આયોજન કરવામાં આવશે. વડાપ્રધાન મોદી આ ડિનરની યજમાની કરશે. આ રાત્રિભોજન માટે કેટલાક કેન્દ્રીય મંત્રીઓને પણ આમંત્રણ આપવામાં આવ્યું છે. આ ઉપરાંત 14થી 15 રાજ્યોના મુખ્યમંત્રીઓ પણ આ ડિનરમાં હાજરી આપશે.

ટ્રાફિક અને સુરક્ષા વ્યવસ્થાને ધ્યાનમાં રાખીને તમામ મુખ્યમંત્રીઓ એકસાથે બસ દ્વારા ભારત મંડપમ જશે. તમામ મુખ્યમંત્રીઓને સાંજે 5થી 5:30 વાગ્યા સુધીમાં સંસદ ભવન પહોંચવા માટે કહેવામાં આવ્યું છે. સંસદ ભવનથી તમામ મુખ્યમંત્રીઓ સાંજે લગભગ 6 વાગ્યે એકસાથે બસ દ્વારા ભારત મંડપમ માટે રવાના થશે.

આજનું સંપૂર્ણ શેડ્યૂલ

• વડાપ્રધાન મોદી ઇથિયોપિયાના વડાપ્રધાન અબી અહમદ અલી સાથે બેઠક કરશે.
• વડાપ્રધાન મોદીની મલેશિયાના વડાપ્રધાન અનવર ઇબ્રાહિમ સાથે બેઠક થશે.
• વડાપ્રધાન મોદી અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાન સાથે વાતચીત કરશે.
• વડાપ્રધાન મોદી વિયેતનામના વડાપ્રધાન લી મિન હુન્ગ સાથે બેઠક કરશે.
• રાષ્ટ્રપતિ દ્રૌપદી મુર્મૂ ઈરાનના રાષ્ટ્રપતિ મસૂદ પેઝેશ્કિયાન સાથે બેઠક કરશે.
• વડાપ્રધાન મોદીની ચીનના રાષ્ટ્રપતિ શી જિનપિંગ સાથે બેઠક થશે.
• સાંજે વડાપ્રધાન મોદી રાત્રિભોજનનું આયોજન કરશે.

મંચ પર કોણ-કોણ?

BRICSનું મુખ્ય મંચ ભારત મંડપમ ખાતે યોજાશે. આ વખતે BRICSમાં 11 સભ્ય દેશો અને 10 ભાગીદાર દેશો છે.

• નરેન્દ્ર મોદી – ભારત
• શી જિનપિંગ – ચીન
• વ્લાદિમીર પુતિન – રશિયા
• સિરિલ રામાફોસા – દક્ષિણ આફ્રિકા
• મસૂદ પેઝેશ્કિયાન – ઈરાન
• અબ્દેલ ફતેહ અલ-સીસી – ઈજિપ્ત
• અબી અહમદ – ઇથિયોપિયા
• પ્રબોવો સુબિયાંતો – ઇન્ડોનેશિયા
• અબુ ધાબીના ક્રાઉન પ્રિન્સ – UAEનું પ્રતિનિધિત્વ
• સાઉદી અરેબિયાના વિદેશ મંત્રી – સાઉદી પ્રતિનિધિમંડળ
• આ ઉપરાંત BRICSના ભાગીદાર દેશોના વડાઓ/પ્રતિનિધિઓ પણ હાજર રહેશે. બ્રાઝિલના રાષ્ટ્રપતિ લુલા ડા સિલ

આ પણ વાંચો, BRICS દેશોએ વેપારના 10 અવરોધો દૂર કરવા જોઈએ, PM મોદીની મોટી અપીલ