મસ્જિદોમાં સાંસદોના પ્રવેશ પર પ્રતિબંધ, કેનેડાના મુસ્લિમ સંગઠનોએ કેમ લીધો આ નિર્ણય?

રમઝાન પહેલા કેનેડાના મુસ્લિમોએ એક મોટો નિર્ણય લીધો છે. તેના 300થી વધુ મુસ્લિમ સંગઠનોએ જાહેરાત કરી હતી કે કેનેડિયન મસ્જિદો એવા સાંસદોને પ્રવેશની મંજૂરી આપશે નહીં, જેમણે માનવ અધિકારોના રક્ષણ માટે પગલાં લીધાં નથી અને ગાઝામાં ઇઝરાયેલના હુમલાઓની નિંદા કરી નથી. મુસ્લિમ સંગઠનોએ ખુલ્લો પત્ર લખીને આની જાહેરાત કરી છે. તેમણે કહ્યું છે કે જ્યાં સુધી સાંસદો ઈઝરાયેલની નિંદા નહીં કરે ત્યાં સુધી અમે તેમને મસ્જિદોમાં પ્લેટફોર્મ નહીં આપીએ.

રમઝાન માસ શરૂ થવામાં હવે થોડો જ સમય બાકી છે, આવી સ્થિતિમાં ગાઝાના નાગરિકો સતત ઈઝરાયેલના હુમલાનું નિશાન બની રહ્યા છે, જેને લઈને વિશ્વના ઘણા દેશો અને માનવાધિકાર સંગઠનો ચિંતિત છે. કેનેડિયન મુસ્લિમ સંગઠનોએ સર્વસંમતિથી કહ્યું છે કે જ્યાં સુધી તેઓ ગાઝામાં ઈઝરાયેલના યુદ્ધ અપરાધોની જાહેરમાં નિંદા નહીં કરે ત્યાં સુધી કોઈ પણ મસ્જિદમાં સાંસદોનું સ્વાગત કરવામાં આવશે નહીં. નેશનલ કાઉન્સિલ ઓફ કેનેડિયન મુસ્લિમો કે જે કેનેડિયન મુસ્લિમો પર નોંધપાત્ર પ્રભાવ ધરાવે છે, તે પણ જાહેરાત કરતી સંસ્થાઓમાં સામેલ છે.

જો યુદ્ધ અપરાધોની નિંદા ન કરવામાં આવે તો મસ્જિદોમાં તેમનું સ્વાગત નથી

મુસ્લિમ જૂથના પત્રમાં કહેવામાં આવ્યું છે કે, “જો તમે આ પત્રમાં લખેલી દરેક વાત સાથે ખુલ્લેઆમ અને આદરપૂર્વક સહમત નહીં થાવ, તો અમે તમને અમારી મીટિંગ્સને સંબોધવા માટે પ્લેટફોર્મ પ્રદાન કરીશું નહીં. પત્રમાં એમ પણ લખવામાં આવ્યું છે કે રમઝાન મહિનો માનવતા માટે છે. આ મહિનામાં અમે મસ્જિદોમાં એવા જ સાંસદોનું સ્વાગત કરીશું જેમણે માનવતા બચાવવા માટે અવાજ ઉઠાવ્યો છે.

ઈઝરાયેલના યુદ્ધ અપરાધો સામે પણ વિરોધ દર્શાવ્યો હતો. ગ્રેગોરિયન કેલેન્ડર મુજબ 10 માર્ચથી રમઝાન મહિનો શરૂ થાય છે. પત્રમાં સાંસદોને ગાઝા પરના હુમલા રોકવા અને ઈઝરાયેલને શસ્ત્રોની સપ્લાય રોકવા માટે અવાજ ઉઠાવવાની પણ માંગ કરવામાં આવી છે.

યુદ્ધમાં 29 હજારથી વધુ લોકોના મોત

7 ઓક્ટોબરે હમાસના હુમલા બાદ ઈઝરાયેલે ગાઝા પર હુમલો કરવાનું શરૂ કર્યું, ત્યાર બાદ 4 મહિનાથી વધુ સમય વીતી ગયો છે. ઈઝરાયેલના બોમ્બમારામાં અત્યાર સુધીમાં 29,000થી વધુ પેલેસ્ટિનિયન માર્યા ગયા છે અને 69,000થી વધુ ઘાયલ થયા છે. આ સિવાય મિલકતોને પણ મોટા પાયે નુકસાન થયું છે. હાલમાં ગાઝાના લોકો મૂળભૂત જરૂરિયાતોનો અભાવ છે.

આ પણ વાંચો: કેનેડાથી પરત લવાશે આતંકવાદી અર્શ ડલ્લા, મોહાલી કોર્ટે NIAની અરજી કરી મંજૂર