Pakistan News: કંગાળ પાકિસ્તાનના 9 કરોડ લોકો માટે આવ્યા ખરાબ સમાચાર, બે ટાઈમના જમવાના ફાફા, આગામી સમય હશે આનાથી પણ વધુ ખરાબ ?
IMF લોનથી ડૂબતી પાકિસ્તાની અર્થવ્યવસ્થાને વેગ આપવાના પ્રયાસો નિષ્ફળ જતા જણાય છે. ઘણા દેશો પાસેથી લોન લેવા છતાં પાકિસ્તાનની હાલત દયનીય છે. હવે વર્લ્ડ બેંકના એક ચોંકાવનારા અહેવાલે પાકિસ્તાનના લોકોને વધુ મુશ્કેલીમાં મૂકી દીધા છે. વર્લ્ડ બેંકના રિપોર્ટ અનુસાર પાકિસ્તાનમાં ગરીબીનો ગ્રાફ ઝડપથી વધી રહ્યો છે. પાકિસ્તાનમાં ગરીબી વધીને 39.4 ટકા થઈ ગઈ છે.
પાકિસ્તાન સરકાર લાંબા સમયથી પોતાના લોકોને છેતરી રહી છે. IMF લોનથી ડૂબતી પાકિસ્તાની અર્થવ્યવસ્થાને વેગ આપવાના પ્રયાસો નિષ્ફળ જતા જણાય છે. ઘણા દેશો પાસેથી લોન લેવા છતાં પાકિસ્તાનની હાલત દયનીય છે. હવે વર્લ્ડ બેંકના એક ચોંકાવનારા અહેવાલે પાકિસ્તાનના લોકોને વધુ મુશ્કેલીમાં મૂકી દીધા છે. વર્લ્ડ બેંકના રિપોર્ટ અનુસાર પાકિસ્તાનમાં ગરીબીનો ગ્રાફ ઝડપથી વધી રહ્યો છે. પાકિસ્તાનમાં ગરીબી વધીને 39.4 ટકા થઈ ગઈ છે.
આ પણ વાંચો: Pakistan Breaking News: પાકિસ્તાનમાં માલગાડી સાથે થઈ પેસેન્જર ટ્રેનની ટક્કર, અકસ્માતમાં 31 થી વધુ લોકો ઘાયલ
વિશ્વ બેંકે કહ્યું છે કે ગત નાણાકીય વર્ષમાં પાકિસ્તાનમાં ગરીબી વધીને 39.4 ટકા થઈ ગઈ છે. નબળી આર્થિક સ્થિતિને કારણે 1.25 કરોડથી વધુ લોકો તેનો શિકાર બન્યા છે અને દેશે નાણાકીય સ્થિરતા હાંસલ કરવા માટે તાત્કાલિક પગલાં ભરવા પડશે. એક્સપ્રેસ ટ્રિબ્યુન અખબારના અહેવાલ અનુસાર, વોશિંગ્ટન સ્થિત ધિરાણકર્તાએ શુક્રવારે એક ડ્રાફ્ટ પોલિસીનું અનાવરણ કર્યું. તે તમામ હિતધારકોની મદદથી પાકિસ્તાનની આગામી સરકાર માટે તૈયાર કરવામાં આવી છે.
વર્લ્ડ બેંકના જણાવ્યા અનુસાર એક વર્ષમાં પાકિસ્તાનમાં ગરીબી 34.2 ટકાથી વધીને 39.4 ટકા થઈ ગઈ છે. આ સાથે 1.25 કરોડથી વધુ લોકો ગરીબી રેખા નીચે આવી ગયા છે. પાકિસ્તાનમાં, દરરોજ 3.65 અમેરિકન ડોલરની આવક સ્તરને ગરીબી રેખા ગણવામાં આવે છે.
ડ્રાફ્ટ પોલિસીમાં કહેવામાં આવ્યું છે કે લગભગ 95 મિલિયન પાકિસ્તાની હવે ગરીબીમાં જીવે છે. પાકિસ્તાન માટે વિશ્વ બેંકના મુખ્ય અર્થશાસ્ત્રી ટોબિયાસ હકે જણાવ્યું હતું કે પાકિસ્તાનનું આર્થિક મોડલ હવે ગરીબી ઘટાડતું નથી અને સમકક્ષ દેશોની સરખામણીએ અહીં જીવનધોરણ ઘટી રહ્યું છે. વિશ્વ બેંકે કૃષિ અને રિયલ એસ્ટેટ પર કર લાદવા અને નકામા ખર્ચમાં કાપ મૂકવા આગ્રહ કર્યો છે.
વસ્તીની સ્થિતિ આફ્રિકા કરતાં પણ ખરાબ છે
એક અહેવાલ પ્રમાણે પાકિસ્તાન ઘણા આર્થિક પડકારોનો સામનો કરી રહ્યું છે. તેમાં વીજળીના મોંઘા બિલ, ખાવા પીવાના ભાવમાં વધારો અને આબોહવા સંબંધિત સમસ્યાઓનો સમાવેશ થાય છે. આ ઉપરાંત, તેની પાસે દેશના વિકાસને ટેકો આપવા માટે પૂરતા જાહેર સંસાધનો અને નાણાકીય તાકાત નથી. તે આબોહવા સ્તરે પણ ખૂબ જ સંવેદનશીલ સ્થિતિમાં છે. પાકિસ્તાનનો માનવ સંસાધન વિકાસ દક્ષિણ એશિયામાં સૌથી પાછળ રહ્યો છે. તેઓ આફ્રિકાના સબ-સહારના દેશોના નાગરિકો કરતાં પણ ખરાબ હાલતમાં છે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
