બાળકોના વેક્સિનેશનને આપી મંજૂરી તો જીવ ગુમાવવા માટે રહેજો તૈયાર, આ દેશના આરોગ્ય નિયમનકારોના અધિકારીઓને મળી ધમકી

બ્રાઝિલમાં(Brazil) ચાલી રહેલા વેક્સિનેશન વચ્ચે સરકાર પણ બાળકો માટે વેક્સિનેશનની યોજના બનાવી રહી છે. આ દરમિયાન બ્રાઝિલની આરોગ્ય નિયમનકારી એજન્સી અંવિસા જે વેક્સિનેશનને મંજૂરી આપે છે, તેણે કહ્યું છે કે તેના વરિષ્ઠ મેનેજમેન્ટને જાનથી મારી નાખવાની ધમકીઓ મળી રહી છે.

ખરેખર અંવિસાએ બ્રાઝિલમાં બાળકોના રસીકરણ માટે સંભવિત મંજૂરી આપવી પડશે. બ્રાઝિલના આરોગ્ય નિયમનકારે શુક્રવારે જણાવ્યું હતું કે તેના તમામ પાંચ નિર્દેશકોને એજન્સી દ્વારા પાંચથી 11 વર્ષની વયના બાળકો માટે COVID-19 રસીની સંભવિત મંજૂરી અંગે જાનથી મારી નાખવાની ધમકીઓ મળી છે.

એક નિવેદનમાં અંવિસાએ કહ્યું કે તેણે પોલીસ અને ફરિયાદીઓને ઈમેલ દ્વારા ધમકી વિશે જાણ કરી હતી. તેમાં કહેવામાં આવ્યું છે કે ગુરુવારે સવારે ધમકીભર્યા મેસેજ મોકલવામાં આવ્યા હતા. જેમાં જો એજન્સી બાળકોને વેક્સિનેશનની મંજૂરી આપે તો ડાયરેક્ટરોને જાનથી મારી નાખવાની ધમકી આપવામાં આવી હતી.

નિવેદનમાં કહેવામાં આવ્યું છે કે પરાણા રાજ્યની શાળાઓને પણ ધમકી આપવામાં આવી છે. એજન્સીએ જણાવ્યું હતું કે, “ગુરુવારે, પાંચ અંવિસા ડિરેક્ટરોને ધમકીભર્યા ઈમેઈલ મળ્યા હતા. જેમાં કહેવામાં આવ્યું હતું કે જોપાંચથી 11 વર્ષની વય જૂથના બાળકોને રસીકરણ માટે મંજૂરી આપવામાં આવશે તો તેની હત્યા કરવામાં આવી છે.

ફાઈઝર બાળકોના વેક્સિનેશન માટે મંજૂરી મેળવશે અંવિસાએ પોલીસ અને ફરિયાદીઓને જાણ કરી છે જેથી યોગ્ય પગલાં લઈ શકાય. આ ધમકીઓ એવા સમયે આવી છે જ્યારે Pfizer એ ગુરુવારે કહ્યું હતું કે તે 5 થી 11 વર્ષની વયના બાળકો પર રસીનો ઉપયોગ કરવા માટે અંવિસા પાસેથી મંજૂરી માંગશે.

યુએસ ફૂડ એન્ડ ડ્રગ એડમિનિસ્ટ્રેશન (FDA) ની સલાહકાર સમિતિએ 5 થી 11 વર્ષની વય જૂથ માટે ફાઈઝર રસી દાખલ કરવાની ભલામણ કરી છે. પરંતુ બાળકોને ઓછા ડોઝ આપવાની સલાહ આપવામાં આવી છે. વિશ્વભરમાં કોરોનાવાયરસના કેસોમાં વધારાને કારણે ઝડપી રસીકરણ કરવામાં આવી રહ્યું છે.

બ્રાઝિલમાં રસીકરણની મંજૂરી દર વિશ્વમાં સૌથી વધુ છે. શરૂઆતમાં, બ્રાઝિલમાં રસીકરણની ગતિ ઘણી ધીમી હતી, પરંતુ તે તાજેતરના સમયમાં કોરોના વેક્સિનેશનની ગતિ વધારવામાં સફળ રહી છે. જો કે, તાજેતરના વર્ષોમાં, રસીના વિરોધીઓના જૂથો ઉભરી આવ્યા છે.

રાષ્ટ્રપતિ જેયર બોલ્સોનારો દ્વારા લેવામાં આવેલા પગલાઓને કારણે તેમને પણ સમર્થન મળ્યું છે. બોલ્સોનારોએ કોવિડ રસી લેવાનો ઇનકાર કર્યો છે. બ્રાઝિલમાંકોરોનાના કારણે છ લાખથી વધુ લોકોના મોત થયા છે. અમેરિકા પછી બ્રાઝિલમાં સૌથી વધુ મૃત્યુ થયા છે.