Afghanistan Crisis: તાલિબાનની પ્રથમ યોજના કાબુલ એરપોર્ટને ફરી શરૂ કરવાની, એક્સપર્ટ્સ ટીમ મદદ માટે પહોંચી

અફઘાનિસ્તાનમાંથી (Afghanistan) વિદેશી સૈનિકો પાછા ફર્યા બાદ તાલિબાન (Taliban) હવે અફઘાનિસ્તાનમાં પરિસ્થિતિને સામાન્ય બનાવવાનો પ્રયત્ન કરી રહ્યું છે. તાલિબાનની પ્રથમ યોજના કાબુલ એરપોર્ટને (Kabul Airport) ફરી શરૂ કરવાની છે. ઉડ્ડયન નિષ્ણાતોની ટીમ પણ આ મામલે તાલિબાનને મદદ કરવા કાબુલ પહોંચી છે.

અત્યાર સુધી પ્રાપ્ત માહિતી અનુસાર મીડિયા અહેવાલોમાં કહેવામાં આવ્યું છે કે કતારથી એક વિમાન બુધવારે હમીદ કરઝાઈ એરપોર્ટ પર ઉડ્ડયન સંબંધિત સમસ્યાઓ દૂર કરવા માટે ઉતર્યું હતું. જોકે હાલમાં મદદ અંગે આવો કોઈ કરાર કરવામાં આવ્યો નથી, જોકે કતારની ટીમે ઘણા પક્ષોની વિનંતી બાદ આ પહેલ કરી છે.

Web Stories View more

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

હાલમાં સુરક્ષા અને કામગીરીના સ્તર અંગે વાટાઘાટો ચાલી રહી છે. એવું કહેવામાં આવી રહ્યું છે કે આ ટીમનું કામ ફરી એક વખત કાબુલ એરપોર્ટથી ફ્લાઈટ ઓપરેશન શરૂ કરવાનું છે, જેથી લોકોને મદદ મળે અને ગમે ત્યાં લોકોની અવરજવર સુનિશ્ચિત થાય. તાલિબાનના વરિષ્ઠ નેતા અનસ હક્કાનીએ કહ્યું કે તાલિબાન કાબુલ એરપોર્ટને તેની અગાઉ જેવી સ્થિતિમાં કરવા માંગે છે.

એરપોર્ટને નુકસાન થયું છે

તાલિબાન નેતાએ આરોપ લગાવ્યો હતો કે પશ્ચિમ સુરક્ષા દળોએ ખાલી કરાવવાની પ્રક્રિયા દરમિયાન એરપોર્ટને નુકસાન પહોંચાડ્યું હતું. તાલિબાન નેતાએ કહ્યું કે ટૂંક સમયમાં જ એરપોર્ટ પર ફ્લાઈટ્સ ઓપરેશનની સુવિધા શરૂ થશે. 31 ઓગસ્ટના રોજ અમેરિકાએ અફઘાનિસ્તાનમાંથી સૈનિકો પાછા ખેંચવાનું કામ પૂર્ણ કર્યું. તાલિબાને લગભગ બે સપ્તાહ પહેલા અફઘાનિસ્તાનનો કબજો મેળવ્યો હતો.

અમેરિકી સેનાનું જશ્ન

અમેરિકી અધિકારીઓએ કહ્યું છે કે કાબુલ એરપોર્ટ સારી સ્થિતિમાં નથી અને તેના મોટાભાગના ઈન્ફ્રાસ્ટ્રક્ચરને નુકસાન થયું છે. અમેરિકાએ દેશ છોડ્યા બાદ તાલિબાને મંગળવારે કાબુલ એરપોર્ટ પર કબ્જો કર્યો હતો અને બે દાયકા પછી અમેરિકી સૈન્ય કાબુલ છોડ્યા બાદ ગોળીબાર સાથે ઉજવણી કરી હતી.

અમેરિકા અને તેના સાથીઓએ કાબુલમાંથી 1,23,000 લોકોને સુરક્ષિત રીતે બહાર કાઢ્યા છે. પરંતુ હજુ પણ હજારો લોકો અહીં ફસાયેલા છે. ગયા અઠવાડિયે યુનાઈટેડ નેશન્સ હાઈ કમિશન ફોર રેફ્યુજીએ કહ્યું હતું કે જો પરિસ્થિતિમાં સુધારો નહીં થાય તો પાંચ લાખથી વધુ લોકો અફઘાનિસ્તાન છોડી શકે છે.

તે જ સમયે યુરોપિયન યુનિયને સીરિયા જેવા શરણાર્થી સંકટની સંભાવના વ્યક્ત કરી છે. યુરોપની યોજના અફઘાનિસ્તાનને અડીને આવેલા દેશોમાં અફઘાન શરણાર્થીઓને સમાવવા અને નાણાકીય સહાય પૂરી પાડવાની છે. તે નથી ઈચ્છતો કે આ લોકો યુરોપ આવે.

આ પણ વાંચો : Green technology : અમેરિકાના વિશેષ રાજદૂત જોન કેરી અને ચીનના અધિકારી સાથે વણસેલા સંબંધો પર ચર્ચા

આ પણ વાંચો : Taliban Government: અફઘાનિસ્તાનમાં તાલિબાન સરકાર બનાવવા માટે તૈયાર, કેબિનેટ બેઠકમાં જાણો કોને મળશે મોટી જવાબદારી