શું તમને ખબર છે અફઘાનિસ્તાન તેની નોટો ક્યાં છાપે છે ? ભારતના રૂપિયા સામે તેની કિંમત શું છે ? જાણો સમગ્ર માહિતી

Afghanistan Currency: અફઘાનિસ્તાન બેંક (Afghanistan Bank) દેશના ચલણના પ્રિન્ટિંગ, વિતરણ અને નિયંત્રણ માટે જવાબદાર છે.

શું તમને ખબર છે અફઘાનિસ્તાન તેની નોટો ક્યાં છાપે છે ? ભારતના રૂપિયા સામે તેની કિંમત શું છે ? જાણો સમગ્ર માહિતી
Afghanistan Currency

તાલિબાનોએ (Taliban) અફઘાનિસ્તાન (Afghanistan) પર કબજો કરી લીધો છે. આ બાદ એ ચર્ચાએ જોર પકડયું છે કે, આગામી સમયમાં અફઘાન કરન્સીમાં અસ્થિરતા થઇ શકે છે. જો કે, યુદ્ધગ્રસ્ત દેશ કટોકટી હોવા છતાં તેનું ચલણ અત્યાર સુધી સ્થિર રહ્યું છે. અફઘાનિસ્તાન તેની કરન્સી દેશમાં નહીં, પરંતુ બહારના દેશમાં છાપે છે. આ સ્થિતિમાં ચાલો જાણીએ કે અફઘાનિસ્તાનનું ચલણ ક્યાં અને કેવી રીતે છાપવામાં આવે છે.

અફઘાનિસ્તાનમાં તાલિબાનોના કબજા બાદ ત્યાં બેંકો અને ચલણની સ્થિતિ અંગે ઘણી મૂંઝવણ છે. અફઘાન લોકો બેંકોમાંથી નાણાં ઉપાડવા માટે મુશ્કેલીમાં ભટકી રહ્યા છે. અફઘાનિસ્તાનના ચલણનું નામ અફઘાની છે. એક જમાનામાં અફઘાનિસ્તાનમાં અફઘાન રૂપિયા ચાલતા હતા, પરંતુ 1925 માં દેશમાં અફઘાની નવું ચલણ રજૂ કરવામાં આવ્યું હતું.

‘અફઘાનિસ્તાન બેંક’ દેશની મધ્યસ્થ બેંક છે
અફઘાનિસ્તાન બેંક તરીકે ઓળખાતી કેન્દ્રીય બેંક (Central Bank) અફઘાનિસ્તાનના ચલણને છાપવા, વિતરિત કરવા અને નિયંત્રિત કરવા માટે જવાબદાર છે. તેની સ્થાપના 1939 માં થઈ હતી. આ બેંકનું મુખ્ય મથક કાબુલમાં છે. તાલિબાનોએ સત્તા સંભાળી ત્યારથી અફઘાનિસ્તાનમાં આ બેંકના વડાનું પદ ખાલી છે. જ્યારે તાલિબાને છેલ્લે સત્તા કબજે કરી તેણે અફઘાન રૂપિયાનો ઉપયોગ ચાલુ રાખ્યો. તે સમયે અફઘાન રૂપિયાનું ખરાબ અવમૂલ્યન થયું હતું. આ વખતે પણ આવી જ શક્યતા છે.

અફઘાનિસ્તાનનું ચલણ કેટલું છે
અફઘાનિસ્તાનમાં જે ચલણ ચાલે છે તેમાં એક અફઘાનીથી 1000 અફઘાની ચલણમાં ચાલે છે. આ ચલણ અફઘાન નોટ અને સિક્કા બંને સ્વરૂપમાં ઉપલબ્ધ છે. અફઘાનિસ્તાન બેંક દર પાંચ વર્ષે નવી નોટો છાપે છે. પરંતુ આ નોટો અફઘાનિસ્તાનમાં નહીં પણ બહાર છાપવામાં આવે છે.

ઇંગ્લેન્ડમાં અફઘાનિસ્તાનનું ચલણ છપાયું
ઇંગ્લેન્ડના બેસિંગસ્ટોકમાં અફઘાનિસ્તાનનું ચલણ વિશ્વના સૌથી મોટા ખાનગી કરન્સી પ્રિન્ટિંગ પ્રેસમાં છાપવામાં આવે છે. વિશ્વના 140 દેશોની કરન્સી અહીં છાપવામાં આવે છે. અફઘાનિસ્તાનનું ચલણ અત્યારે અહીં છાપવામાં આવી રહ્યું છે. 80 ના દાયકામાં અફઘાનિસ્તાનનું ચલણ એક રશિયન કંપનીએ છાપ્યું હતું. પરંતુ જ્યારે 2002 માં હમીદ કરઝાઈના નેતૃત્વમાં અફઘાનિસ્તાનમાં નવી લોકશાહી સરકારની રચના થઈ ત્યારે તે યુકેની એક કંપનીને આપવામાં આવી હતી.

અફઘાની નોટની સુરક્ષા
એવું માનવામાં આવે છે કે બ્રિટનની આ કરન્સી પ્રેસ જ અફઘાનિસ્તાનની નોટ પણ ડિઝાઇન કરે છે. તેનું સુરક્ષા ધોરણ ખૂબ મજબૂત છે. તેથી, બનાવટી નોટો બનાવવા અથવા છાપવાની શક્યતા ઘણી ઓછી છે. અફઘાન નોટો 1, 5, 10, 50, 100, 500 અને 1000ની નોટ છાપવામાં આવે છે.

અફઘાની રૂપિયાનું મૂલ્ય શું છે?
અફઘાનિસ્તાનમાં તાલિબાનના કબજા બાદ ઘણો હંગામો થયો છે. લોકો દેશ છોડી રહ્યા છે. એરપોર્ટની બહાર લોકોની ભીડ છે. તો તાલિબાનોએ અફઘાનિસ્તાન પર કબજો કર્યો તેની અસર હવે અહીંના ચલણ પર પણ થવાની આશંકા છે. ભારતીય રૂપિયા સાથે સરખામણીની વાત કરીએ તો, અત્યારે ભારતના 100 રૂપિયા 115 અફઘાની રૂપિયા બરાબર છે.

 

આ પણ વાંચો : Guava Farming: જામફળની ખેતીથી ખેડૂતોને થશે ફાયદો, સ્વાસ્થ્ય માટે છે ફાયદાકારક

આ પણ વાંચો :Farming Technology: જમીન ના હોય તો પણ ગામમાં કરી શકો છો વ્યવસાય, સરકાર 2.5 લાખ રૂપિયાની કરશે મદદ

Read Full Article

Click on your DTH Provider to Add TV9 Gujarati