આ દેશમાં સિનિયર સિટિઝનને લગાવાશે Covid-19 વેક્સીનનો બુસ્ટર ડોઝ
દેશમાં ડેલ્ટા વેરિઅન્ટના ફેલાવાને અંકુશમાં રાખવા માટે, ફાઈઝર / બાયોટેક હવે 60 વર્ષથી વધુ ઉંમરના લોકોને કોવિડ -19 રસીનો ત્રીજો બુસ્ટર ડોઝ આપવાનું શરૂ કરી રહ્યું છે.
વિશ્વમાં કોરોના મહામારીએ ભરડો લીધો છે. કોરોનાનું સંક્ર્મણ ફેલાવતા ડેલ્ટા વેરિઅન્ટના સંક્ર્મણને રોકવા માટે વિશ્વના આ દેશ દ્વારા સિનિયર સિટિઝનને Covid-19 વેક્સીનનો બુસ્ટર ડોઝ લગાવવામાં આવશે.
ઇઝરાયેલ(israel) હવે 60 વર્ષથી વધુ ઉંમરના લોકોને ફાઇઝર/બાયોટેકનો COVID-19 રસીનો ત્રીજો ડોઝ આપવાનું શરૂ કરી રહ્યું છે. અહેવાલો અનુસાર, રસીનો ત્રીજો ડોઝ તે લોકોને આપવામાં આવશે, જેમણે ઓછામાં ઓછું પાંચ મહિના પહેલા બીજો ડોઝ મેળવ્યો હતો.
ઇઝરાઇલે વિશ્વમાં રસીકરણના પ્રારંભિક તબક્કામાં અગ્રેસરની ભૂમિકા નિભાવી હતી. ઇઝરાયલમાં ડિસેમ્બર, જાન્યુઆરી અને ફેબ્રુઆરી મહિનામાં દેશના સિનિયર સિટિઝનને સૌથી પહેલા રસી આપી હતી. કારણ કે વૃદ્ધોમાં કોરોના સંક્ર્મણનું જોખમ સૌથી વધુ છે, પરંતુ આરોગ્ય મંત્રાલયે ડેલ્ટા વેરિએન્ટના સંક્ર્મણ સામે રસીના 2 ડોઝની અસરકારકતામાં ઘટાડો નોંધાવ્યો છે. ગંભીર પરિસ્થિતિઓ સામે તેની રોગપ્રતિકારક શક્તિમાં પણ થોડો ઘટાડો નોંધાયો છે. ઇઝરાયેલમાં રસીકરણ બૂસ્ટર અભિયાનની ટૂંક સમયમાં ઔપચારિક જાહેરાત થવાની ધારણા છે.
ઇઝરાઇલમાં ત્રીજી માત્રા પણ યુ.એસ. ફૂડ એન્ડ ડ્રગ એડમિનિસ્ટ્રેશન (એફડીએ) દ્વારા મંજૂરી પહેલાં પરીક્ષણ ક્ષેત્ર તરીકે કામ કરશે. ફાઈઝરએ બુધવારે એક નિવેદનમાં જણાવ્યું હતું કે તેનું માનવું છે કે લોકોને કોરોનાવાયરસથી બચાવવા માટે વધારાના ડોઝની જરૂર છે. કંપનીનું કહેવું છે કે તે ઓગસ્ટની શરૂઆતમાં બૂસ્ટર શોટ માટે યુએસ ઇમરજન્સી ઓથોરાઇઝેશન પર અરજી કરી શકે છે.
મીડિયા અહેવાલો અનુસાર, ઇઝરાયેલના આરોગ્ય મંત્રાલયના વડાએ આરોગ્ય સંસ્થાઓને ત્રીજા ડોઝના સંચાલન પર કામ શરૂ કરવાની પરવાનગી આપી છે. ગયા અઠવાડિયે, આરોગ્ય મંત્રાલયે અનુમાન લગાવ્યું હતું કે ગત મહિનામાં રોગપ્રતિકારક ચેપ અટકાવવામાં આ રસી માત્ર 41 ટકા અસરકારક છે. જ્યારે, ગંભીર પરિસ્થિતિઓમાં બચાવ 91 ટકા સુધી અસરકારક રહ્યો છે.
માહિતી અનુસાર, ઇઝરાયલની 93 લાખ વસ્તીમાંથી લગભગ 57 ટકા લોકોને રસી આપવામાં આવી છે. તે જ સમયે, દેશમાં લગભગ 160 લોકો હાલમાં ગંભીર લક્ષણોના કારણે હોસ્પિટલમાં દાખલ છે. ઉપરાંત, દૈનિક ચેપના આંકડા હવે બે હજારને વટાવી ગયા છે, જે થોડા મહિના પહેલા પ્રતિ દિવસની દ્રષ્ટિએ ખૂબ ઓછા હતા.
આ પણ વાંચો :UAE જનારા ભારતીયોને હજુ પણ જોવી પડશે રાહ, આ એરલાઇન્સ કંપનીએ ફ્લાઇટસ પર વધારી દીધો પ્રતિબંધ
Latest News Updates
