Watermelon : તરબૂચના ફાયદા મેળવવા હોય તો આ બાબતોનું ધ્યાન રાખવું છે ખુબ જ જરૂરી, અસ્થમાના દર્દીઓએ આ ફળના સેવનથી રહેવું દૂર
જે લોકોને કિડની સંબંધિત કોઈ સમસ્યા છે અથવા તેમની કિડની યોગ્ય રીતે કામ કરી રહી નથી, તો તેમને પણ સલાહ આપવામાં આવે છે કે તરબૂચ ખાતા પહેલા એકવાર ડૉક્ટરની સલાહ લો. કિડનીમાં ઘણાં ખનિજો મળી આવે છે, જે કિડનીને નુકસાન પહોંચાડે છે.
ઉનાળો(Summer) કોઈને પસંદ નથી અને દરેક જણ શિયાળાની રાહ જુએ છે. પરંતુ કેટલીક વસ્તુઓ એવી હોય છે જેના માટે આપણે ઉનાળાની રાહ જોતા હોઈએ છીએ. ઘણી બધી વસ્તુઓ છે, પરંતુ તેમાંથી એક છે તરબૂચ(Watermelon ), જેના માટે આપણે ઉનાળાની ઋતુની આતુરતાપૂર્વક રાહ જોતા હોઈએ છીએ. દરેક વ્યક્તિને તરબૂચ ખાવાનું પસંદ હોય છે અને નાના-મોટા દરેક તેને ખૂબ જ મજાથી ખાય છે.
આપણે બધા જાણીએ છીએ કે તરબૂચ એક સ્વાસ્થ્યવર્ધક ફળ છે અને તે ઘણા સ્વાસ્થ્ય લાભો આપે છે એટલું જ નહીં, તે અનેક પ્રકારની બીમારીઓ સામે રક્ષણ આપવામાં પણ મદદ કરે છે. જો તમને પણ તરબૂચ ગમે છે તો તમારે આ લેખ પણ વાંચવો જોઈએ, કારણ કે ઉનાળો ફરી આવ્યો છે અને બહુ જલ્દી બજારમાં મોટા મોટા તરબૂચ દેખાવા લાગશે.
પરંતુ શું તમે જાણો છો કે તરબૂચના ફાયદા મેળવવા માટે કેટલીક બાબતોનું ધ્યાન રાખવું ખૂબ જ જરૂરી છે અન્યથા તે સ્વાસ્થ્યને નુકસાન પણ પહોંચાડી શકે છે. આવો જાણીએ આ ઉનાળામાં તરબૂચ ખાવાથી શું ફાયદા થાય છે અને કઈ કઈ બાબતોનું ધ્યાન રાખવું જોઈએ.
તરબૂચ ના ફાયદા
તરબૂચ વજન ઘટાડવામાં મદદ કરે છે
તરબૂચ વજન ઘટાડવામાં ખૂબ જ મદદગાર છે અને જે લોકો તેના વધતા વજનથી પરેશાન છે તેઓએ આજે જ તેને પોતાના આહારમાં સામેલ કરવું જોઈએ. તરબૂચ એક એવું ફળ છે, જેમાં સૌથી વધુ માત્રામાં પાણી જોવા મળે છે અને સાથે જ તેને ખાવાથી પેટ ઝડપથી ભરાય છે. તરબૂચનું સેવન કરવાથી તમારું પેટ ભરાય છે અને કેલરી અને કાર્બોહાઇડ્રેટ વગેરે મળે છે. આ ઉપરાંત, તે પાચનશક્તિ વધારવામાં અત્યંત ફાયદાકારક છે, જે વજન ઘટાડવામાં પણ એક મહત્વપૂર્ણ પરિબળ છે.
તરબૂચ ખાવાથી યૌન શક્તિ વધે છે
તરબૂચના નિયમિત સેવનથી યૌન શક્તિ વધે છે, તેથી જેમને યૌન સમસ્યા હોય તેમના માટે તરબૂચ ખૂબ જ ફાયદાકારક સાબિત થાય છે. આના પર કરવામાં આવેલા કેટલાક અભ્યાસમાં એવું પણ જાણવા મળ્યું છે કે તરબૂચનો રસ ટેસ્ટોસ્ટેરોન હોર્મોનનું સ્તર વધારવામાં મદદ કરે છે.જો કે તરબૂચનું ફળ ખૂબ જ મીઠું અને સ્વાદિષ્ટ હોય છે, પરંતુ તેમ છતાં તે ડાયાબિટીસના દર્દીઓ માટે ખૂબ જ ફાયદાકારક છે. તરબૂચનું ગ્લાયકેમિક ઇન્ડેક્સ લેવલ એટલું સારું છે કે ડોક્ટરો તેને ડાયાબિટીસના દર્દીઓ માટે દવા માને છે.
પાણીની તંગીને પૂરી કરે છે
તરબૂચમાં પુષ્કળ પ્રમાણમાં પાણી હોય છે અને તેનું સેવન કરવાથી ઉનાળામાં ડીહાઈડ્રેશનની સમસ્યા દૂર થાય છે. ઉનાળામાં શરીરને ખૂબ જ પાણીની જરૂર પડે છે, તેથી તરબૂચને ભરપૂર માત્રામાં ખાઓ.
આ બાબતો ધ્યાનમાં રાખવી જોઈએ
અસ્થમાના દર્દીઓએ તરબૂચનું સેવન ન કરવું જોઈએ
જો તમને અસ્થમા છે, તો તરબૂચનું સેવન કરતા પહેલા તમારા ડૉક્ટર સાથે વાત કરવાની ખાતરી કરો. કારણ કે તરબૂચમાં એમિનો એસિડ મળી આવે છે, જે અસ્થમાના હુમલાનું કારણ બની શકે છે.
કિડનીના દર્દીઓએ પણ આ બાબતોનું ધ્યાન રાખવું જોઈએ
જે લોકોને કિડની સંબંધિત કોઈ સમસ્યા છે અથવા તેમની કિડની યોગ્ય રીતે કામ કરી રહી નથી, તો તેમને પણ સલાહ આપવામાં આવે છે કે તરબૂચ ખાતા પહેલા એકવાર ડૉક્ટરની સલાહ લો. કિડનીમાં ઘણાં ખનિજો મળી આવે છે, જે કિડનીને નુકસાન પહોંચાડે છે.
હૃદયના દર્દીઓએ પણ ડૉક્ટરની સલાહ લેવી જોઈએ
તરબૂચ પોટેશિયમથી ભરપૂર હોય છે અને તેનો વધુ પડતો ઉપયોગ હૃદયની સામાન્ય કામગીરીને અસર કરી શકે છે. જો તમને હૃદય સંબંધિત કોઈ પણ પ્રકારની સમસ્યા હોય તો તેના વિશે ડૉક્ટર સાથે ચોક્કસ વાત કરો.
(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)
આ પણ વાંચો :
Blood Sugar : ડાયાબિટીસ ન હોવા છતાં વધી રહ્યું છે સુગર લેવલ, તો આ કારણો હોય શકે છે જવાબદાર
Health Tips : સર્જરી પછી શરીરમાં થાય છે કેટલાક ફેરફારો, આ બાબતોનું ધ્યાન રાખવું ખાસ જરૂરી
Latest News Updates
